Kjaftstopp

Það má segja að ég hafi verið orðlaus síðan bjálfarnir við Austurvöll gengu í björg og keyrðu í gegn enn einn skattinn. Kolefnisgjald þess í neðra, vegna Svartsengis og Blanka lónsins. Flón fóru á kostum við sviðsmyndagerð svo ekki var við góðu að búast. Enda kom fram frumvarp eins og þjófur að nóttu um aukaskatt á húsnæði landsmanna svo fjármagna mætti einkavæddar sviðsmyndir af Reykjanesi

Já, 57 flissandi fábjánar greiddu atkvæði með gjörningum, ekki veit ég hvort þeir sex í viðbót sem skreyta þar stóla greiddu atkvæði á móti, sátu hjá, eða voru hreinlega ekki í ástandi til að mæta. Allavega fór gjörningurinn í gegn hratt og smurt gjörsamlega án umræðu úti í samfélaginu, sem á að borga fyrir herlegheitin, -í stað þess að huga að húsnæðisvanda flóttafólks úr Grindavík.

Á eftir að frumvarpið varð að lögum reis upp hver mannvitsbrekkan af annarri og sá fáránleikann, - en bara of seint. Enda hafði ekki nokkrum einasta vanvita á hinu ærulausa alþingi komið til hugar í svo mikið sem eitt augnablik að stinga niður fótum með örlitlum ræðustúf gegn nýrri skattlagningunni í tómar hirslur hins alræmda ríkissjóðs.

Það verður víst hver fugl að fá að fljúga eins og hann er fiðraður hér eftir, en ekki er á sviðsmyndirnar bætandi hjá flónum. Það ættu þeir að vita sem hafa tekið þátt í þeirri hrauka gerð sem nú þegar hafa verið framkvæmdar sem ofanflóðavarnir og stefna í að verða viðsjálli en náttúruhamfarirnar sjálfar.

Athugasemdir

[Halldór Egill Guðnason, 21.11.2023 kl. 19:37]

  Eins og mælt af mínum vörum. Hinu stefnulausa uppsópi,sem nú vermir stóla við Austurvöll, virðist algerlega fyrirmunað að geta tekið skynsamlega á málum, heldur skal aukin skattlagning á hinn almenna borgara ávallt þykja fyrsti kostur til lausnar öllum vandamálum sem upp koma. Frussss á þetta lið, sjålfhverfunga og eiginhagsmunaseggja.

[Magnús Sigurðsson, 22.11.2023 kl. 05:51]

Þakka þér fyrir innlitið og athugasemdina Halldór, -Það er gott að vita af því að einhverjir eru svipaðs sinnis.

Mér hefur stundum fundist ég vera komin með steypuna það langt upp í afdalinn að varla sé þar neitt með hana að gera.

Bestu kveðjur suður í hafsauga.

[Pétur Örn Björnsson (IP-tala skráð) 23.11.2023 kl. 16:20]

Það er nú einmitt það Magnús

maður er orðinn gjörsamlega kjaftstopp.  Þetta er orðið lamandi ástand að búa við þetta bjálfalið, fyrir okkur þúfna og móavitsmenn.

[Guðmundur Jónsson, 23.11.2023 kl. 16:47]

þetta er augljóslega skipulagt svona.  Það er einhver sem ákveður að nota tækifærið þegar fólk er hrætt og illa áttað eftir hræðsluáróðurinn á RUV til að koma skattahækkun í gegn um þingið. 

[Guðmundur Ásgeirsson, 23.11.2023 kl. 17:36]

Sæll Magnús.

Svo sannmælis sé gætt stóðu Flokkur fólksins, Píratar, Miðflokkur og Viðreisn að breytingarillögu um að fella gjaldtökuákvæðið brott. Hún var felld af stjórnarflokkunum en Samfylking sat hjá.

[Magnús Sigurðsson, 23.11.2023 kl. 17:50]

Þakka ykkur fyrir innlitin og athugasemdirnar Pétur Örn og Guðmundur.

Pétur Örn; já þetta er lamandi. Það sem manni hryllir mest við er að hvað þetta opinberaði mikið. 

Ríkissjóður miklu meira en tómur, ráðaleysið algert og þá er gripið til þess ráðs að hrella fólk enn frekar með sviðsmyndum og valdboði flóna.

Hvað svo ef allt færi á versta veg samkvæmt þeim? -sem það gerir náttúrulega ekki hvorki fyrr, nú né síðar. Þetta eru asnar Guðjón, skrifaði rithöfundurinn um árið. 

Guðmundur; það er einmitt málið þetta var allt meira og minna klárt, enda gekk það smurt í gegnum samkunduna við Austurvöll, sem fjármagnar umbjóðendur sína.

Manni hrís hreinlega hugur við því að 57 flissandi fábjánar hafi umræðulaust greitt atkvæði með skurðgröfum verkfræðinganna fyrirfram.

Látum vera ef það hefði veið von til þess að það bjargaði einhverju í raunverulegum náttúruhamförum við Blanka lónið.

[Magnús Sigurðsson, 23.11.2023 kl. 18:01]

Sæll Guðmundur, -ég er lítið inn í medíunni nema því sem kemur fram hér á mbl, blogginu og á kaffistofunni.

Það hefur samt víðar komið fram, hygg ég, að 57 þingmenn greiddu atkvæði með forvarnarfrumvarpinu við eldgosi á Reykjanesi án þess að hafa hugmynd um,- frekar en allir aðrir, -hvar nákvæmlega gýs og hvenær.

Hvar ætla þessir vanvitar að enda þessar forvarnir? Verður ekki líka að ýta upp varnargörðum við hvern einasta raflínustaur á Reykjanesi?

[Guðmundur Ásgeirsson, 23.11.2023 kl. 18:06]

Sæll Magnús.

Ég ætla ekki að þykjast vita betur en hver annar um hvort eða hvaða árangri þessar ætluðu forvarnir gætu skilað. Vildi þó bara benda á að mjög skiptar skoðanir voru um gjaldtökuna sem þeim fylgir.

[Magnús Sigurðsson, 23.11.2023 kl. 19:05]

Sæll Guðmundur, ég ætlaði þér það ekki, þykist vita að þú sért betur áttaður en svo, -hvað þá eftir á, en þessir 57 vanvitar hefðu mátt hugsa út í það hvaða fordæmi þetta gjald gefur, sem nota bene er byggt á sviðsmyndum flóna upp úr spálíkani.

Það hefði átt að vera lítið mál að ákveða með stuttum fyrirvara hvaða mannvirki skuli verja og hvernig án þess að það væri fjármagnað fyrirfram með skatti sem velt er út í verðbólgið verðlagið.

Þessi ríkisstjórn er ekki á vetur setjandi og tjónið sem hún veldur verður aðeins meira eftir því sem dregst að hún hrökklist frá, því er sárt að sjá að allt alþingi sé á sömu blaðsíðu í fávitahættinum.