2.5.2024 | 05:35
Lopahöfuð með moðreyk og fíflagang
Nú lalla þau um í lopapeysum - voða hipp og cool um landið. Land í byggð á orðið hug þeirra og eru dæmi um að draumasveitin sé allsstaðar annarsstaðar en á suðvestur horninu, þar sem það hefur millilent í opinbera bitlinga undanfarin ár áður en það er haldið aftur utanríkis.
Minnisleysið um hvar hjartað hefur slegið og peysufötin verið undanfarin ár jaðrar nú við lygi, ef ekki landráð. Sum eiga um sárt að binda vegna sambýlinga sem hafa farið hamförum á samfélagsmiðlum við að atyrða mörlandann fyrir meinta andglópsku á alþjóðlegum samförum.
Þegar lopapeysa í sauðalitunum dugir ekki ein og sér til, -þá er bara að skarta kjól og fannhvítu eða fjallkonubláu, og ekki skemmir gullið stokkabelti fyrir, þegar líta skal út eins og þjóðbúningadúkka úr Davos ævintýrunum.
Svona rétt á meðan á gönguförinni stendur má senda þá kjaftforu með ESB fánana sína í seldan fjörð úti á landi, sem búið er að úthluta til gullfiskaminniseldis, eða þá bara dandalast um með móra um eyðisveit í erlendri auðróna eign.
Meir að segja fyrrverandi flissandi og borgar bjálfinn eru farin að leika mórauða mörlanda svo þau eigi sannfærandi séns í bitlinginn, og svo auðvitað til að bjarga málum fyrir landann, sem lætur hafa sig að fífli eins og hver annar Indriði.
RSS
Athugasemdir
Engvu við þetta að bæta.
Amen.:)
Sigurður Kristján Hjaltested, 2.5.2024 kl. 06:50
Þurfa "Davos- dúkkulísurnar", sem eru í forsetaframboði, ekki að fara að gera grein fyrir því fyrir hvað þær standa?????????
Jóhann Elíasson, 2.5.2024 kl. 09:16
Já það er sérstakt þegar íslenskir fjölmiðlar láta Davos tengsl forsetaframbjóðenda liggja á milli hluta eins og hverja aðra samsæriskenningu.
Magnús Sigurðsson, 2.5.2024 kl. 15:35
Einkennandi fyrir Stóru endurræsinguna á vegum WEF frá Davos, er Femínismi Antikrists, sem birtist okkur hér á landi skírt í hinum títtnefndu Dúkkulísum, en þær eru nú fremstar í flokki frambjóðenda til embættis Forseta Íslands.
Í Orði Guðs segir: Konan var klædd í purpura og skarlati og skrýdd gulli, gimsteinum og perlum. Hún hafði í hendi sér gullbikar, fullan af viðurstyggð og óhreinindum af saurlifnaði hennar. Og á enni hennar var ritað nafn, leyndardómur: Babýlon hin mikla, móðir alls saurlifnaðar og svívirðu á jörðunni.
Og ég sá að konan var drukkin af blóði hinna heilögu og af blóði votta Jesú. Og ég undraðist stórlega er ég leit hana.
Og konan, sem þú sást, er borgin mikla sem ríkir yfir konungum (ráðamönnum) jarðarinnar. (Op. 17:4-6;18)
Því að hún hefur látið allar þjóðir drekka af lostavíni saurlífis síns sem vekur reiði Guðs, og konungar jarðarinnar drýgðu saurlifnað með henni og kaupmenn (auðrónar) jarðarinnar auðguðust af taumlausum munaði hennar.
Og ég heyrði aðra rödd af himni sem sagði: Fólkið mitt, forðið yður úr borginni, svo að þér eigið engan hlut í syndum hennar og hreppið ekki plágur hennar. (Op. 18:4).
Ein frambjóðandi hefur forðað sér úr spillingunni. Hann heitir Arnar Þór Jónsson. Hann hefur sett traust sitt á nafn Jesú Krists.
Enda segir svo í 18. kafla Orðskviðum Salómons: Nafn Drottins er sterkur turn, þangað hleypur hinn réttláti og er óhultur.
Guðmundur Örn Ragnarsson, 2.5.2024 kl. 17:16
Forðað sér, -það er spurning hvort borgarbúum sé viðbjargandi, og hvenær það er orðið of seint að líta til baka til brennandi borgar án þess að verða saltstólpi.
Magnús Sigurðsson, 2.5.2024 kl. 18:24
Hún var soldið flott hún Diljá Mist í peysufatagallanum sínum í vetur ...
https://www.visir.is/i/0D281C495CED1FE2E84BDFFA5C1991724908D0D8DB916862C1BB61479F70A3D4_713x0.jpg
Guðjón E. Hreinberg, 6.5.2024 kl. 13:40
Hér er sú sem ég hafði í huga
https://www.mbl.is/frettir/innlent/2024/03/15/sakadi_thingmanninn_naestum_um_logbrot/
Guðjón E. Hreinberg, 6.5.2024 kl. 13:41
Mér finnst nú reyndar Diljá með athyglisverðari þingmönnum, -oft þora að koma með öðruvísi og jafnvel óvinsæla vinkla á umræðuna.
En þetta er hálfgerð hörmung hvernig hún hefur farið með upphlut ömmu sinnar, því orginalinn hefði ábyggilega klætt hana vel.
Þá fóru kjólarnir í Ísraelsku fánalitirnir henni betur í vetur, þó ekki séu þeir beint fannhvítur og fjallkonu blár.
Magnús Sigurðsson, 6.5.2024 kl. 15:59
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.