17. júní frétt

Á botni tjarnar

– í óræktinni miðri –

liggur Morgunnblað

 

Í fyrirsögn á forsíðu stendur

– 17. júní hátíðarhöld

gengu vel um allt land –

 

Blaðið er frá því seint á síðustu öld

Þegar Ísland var enn frjálst

og fullvalda ríki

  

Það er ekki lengur mögulegt

að ná blaðinu af botninum

til að lesa smáa letirið

Athugasemdir

[Guðjón E. Hreinberg, 17.6.2024 kl. 20:53]

Sífellt færri taka þátt, sífellt færri þekkja söguna, sífellt fleirum er sama.

[Guðjón E. Hreinberg, 17.6.2024 kl. 20:53]

... fólk veit e.t.v. ekki lýgina, en það skynjar hana.

[Magnús Sigurðsson, 17.6.2024 kl. 21:35]

Satt er það Guðjón, -kannski orðið til lítils að láta ljós sitt skína.

Ef dagurinn í dag hefur ekki verið grafskrift þess sem áður var þá veit ég ekki hvað. 

Mér skilst að elítan álíti að upplýsingaóreiða, falsfréttir og skautun í samfélaginu sé orsök þess að lýðræði á í vök að verjast og þar með lýðveldið.

Blind á eigin breyskleika. Og þetta finnst henni eftir að hafa fengið sín sjónarmið samþykkt af yfir 90% þjóðarinnar í vel sóttum kosningum nýlega.

Við falsfréttamennirnir eigum okkur varla viðreisnar von.

Bestu kveðjur og takk fyrir þín orð.

[Guðjón E. Hreinberg, 18.6.2024 kl. 13:02]

Fólk skynjar að "andinn" er farinn úr prartýinu, og þannig er það um allan heim.

Sem er jákvætt, enda löngu löngu spáð.

Bestu kveðjur.

[Ingólfur Sigurðsson, 18.6.2024 kl. 14:17]

Guðjón, þetta með andann sem farinn er úr partýinu þarf að skýra betur. Er það andi kristninnar eða andi þjóðernisstefnunnar? Það er jákvætt ef andinn er endanlega farinn úr kristninni, en ekki þjóðernisstefnunni. Það mun hefjast endurreisn ef hinn heiðni andi fær að vakna að nýju, sem hann hefur ekki enn gert. Enn lifum við á alkristnum tíma og sem aldrei fyrr. 

Það er í þessari upplausn sem vonin felst. Úr rústunum þarf eitthvað nýtt að byggja. Það er sumt gott sem Bjarni Ben gerir, eins og útgáfa bókarinnar "Fjallkonan". Ef Sjálfstæðisflokkurinn væri ekki orðinn alveg eins og VG, þá væri þetta skárra.

Ég hef reynt að festa fingur á anda tíðarandans, en það er erfitt. Það er eins og hann sé hvergi, nútíminn er andlaus, aðeins hlýðni við Elítuna í útlöndum. Slíkt tóm hlýtur þó að vera tímabundið.

Þjóðin er stefnulaus. Lög landsins eins og alþjóðalögin drepa niður alla skapandi stefnu.

Annaðhvort verður gerð uppreisn, eða þá að við breytumst öll í sömu deyjandi leðjuna sem ESB boðar. Reyndar er um 90% búin að breytast í ESB valdaleðju, en kannski hægt að snúa til baka.