Aumt er þetta af "bændum"

Árum saman hafa bændur á Suðurlandi legið á þingmönnum með það að fá að drepa álftir. Þeir segja að þær eyðileggi akrana. Fyrst héldu þeir því fram að þær ætu frá þeim allt kornið, en nú eru þeir farnir að halda því fram að auki að þær bæli niður grasið, eftir að hafa verið staðnir að lyginni og þess í stað sé erfitt að vinna akrana að vori, -og þá væntanlega bæla álftirnar grasið meira en stærstu traktorarnir þeirra sem notaðir eru til að vinna flögin.

Heyrst hefur að á Suðurlandi stundi bændur einhverja þá al-ógeðslegustu ferðaþjónustu sem fyrirfinnst í landinu. Eftir að gæsaveiðitímabilið hefst selji þeir ferðaþjónustufyrirtækum  aðgang að lendum sínum sem koma með drápsóða túrista sem fá afhentar haglabyssur við komu að morgni og driti niður gæsir sér til skemmtunar á morgunnfluginu. Að lokinni slátruninni, sem getur talið hundruð fugla í hvert skipti, halda túristarnir í sína dagsferð, en bóndinn hirðir dauðann fuglinn af akrinum, sker úr honum bringuna og selur veitingahúsum hana sem villibráð.

Þetta er aðferðafræði sem er nokkuð á pari við þá bændur sem vitað er af í öðrum landshlutum og hafa ræktað kornakra til að leigja íslenskum gæsabringuveiðimönnum með góðum ágóða. Það sem bændur á Suðurlandi eru þarna að fara fram á er í raun að veiðitímabilið sé ótakmarkað á lendum þeirra frá vori til hausts, allan þann tíma sem farfuglar eru á landinu. Auk þess að það taki til grágæsa og heiðargæsa, sem það gerir nú þegar eftir 20. ágúst, þá taki það einnig til helsingja og álfta, sem voru í útrýmingarhættu fyrir nokkrum áratugum síðan.

Það að að halda því fram að um offjölgun á álftum sé að ræða, þó að þær telji nokkra tugi þúsunda á landinu öllu, og að þær eyðileggi akra bænda í stórum stíl er fyrirsláttur, og ömurlegt þegar fjölmiðlar taka þátt í þannig einhliða rangfærslum. Það ætti ekki annað eftir að sannast á auðkeypt alþingi, en að það leyfi ótakmarkað dráp á farfuglum sem koma til landsins vegna svona ömurlegs málatilbúnar.

Bændur vilja skjóta álftir

Athugasemdir

[Óskar Helgi Helgason (IP-tala skráð) 11.10.2024 kl. 14:19]

Sæll Magnús æfinlega; sem aðrir gestir, þínir !

Hafðu beztu þakkir; fyrir þessa þörfu ádrepu.

Jeg verð að viðurkenna; að jeg hefi ekki kynnt mjer þessa aðferðafræði bænda hjer heima á Suðurlandi:: í Árness - Rangárvalla og Skaftafellsýslum neitt fram að þessu, þó svo jeg hafi heyrt ýmsa bændur agnúazt úti Gæsir og Álftir víðs vegar sjerílagi hjer heima, í Árnessýslu.

Enn þann dag í dag; er jeg fullur bakþanka og iðrunar yfir, að hafa á mínum yngri árum (1972/1973) grýtt Kríu til dauðs, hver var á flugi skammt frá árbakka Ölfuss ár:: einn góðviðris daginn, þar sem við nokkrir fjelagarnir áttum leið um, skammt fyrir ofan Selfoss / Ölfuss megin árinnar.

Síðan; hefi jeg forðazt það, að sýna nokkurri fuglategund þá vanvirðu, að reyna að bana eða lemstra hina fleygu vini okkar, enda virðing mín fyrir ÖLLUM fuglategundanna fremur vaxið en hitt, með árunum.

Máfarnir; ekki undanskildir, öllum hinna tegundanna.

Með beztu kveðjum; sem oftar og fyrri, af Suðurlandi /

[Guðjón E. Hreinberg, 11.10.2024 kl. 14:20]

Miðað við margt annað, er lausnin einföld; gæsir, helsingjar og álftir, eru trans, svo það er ólöglegt hatursofbeldi að vega að þeim, nema bændurnir séu Zíonistar.

[Magnús Sigurðsson, 11.10.2024 kl. 14:34]

Sæll Óskar Helgi, -já því miður eigum við margir svona kríusögu frá óvitaárunum. Fátt þykir mér ömurlegra að hugsa til en þegar ég þáði góðar greiðslur frá Hringormanefnd fyrir seladráp sem námu gott betur en launum iðnaðarmanns.

Ég bý við kornakrana hér á Egilsstaðanesinu og fylgist með þeim þreskjast  sem aldrei fyrr þessi ár hlýindanna. Ég er nokkuð viss um að aldrei hefur verið eins mikið af gæsum og álftum á Egilsstaðanesinu og síðustu árin.

Þær eru látnar átölulausar, enda halda þær sig hér snemma að vori og seint að hausti áður og eftir að þær koma af hálendinu, og er ég nokkuð viss um að þessir farfuglar skilja eftir sig meiri áburð fyrir akurinn en tjónið sem þeir valda.

Bestu kveðjur af Héraði.

[Magnús Sigurðsson, 11.10.2024 kl. 14:36]

Blessaður Guðjón, -þetta er góð samlíking þó ekki sé hún geðsleg í eðli sínu.

Bestu kveðjur.

[Bjarni (IP-tala skráð) 11.10.2024 kl. 14:42]

Þessi pistill vekur spurningar um hvað hefur orðið um allar gæsirnar á höfuðborgarsvæðinu sem voru hér skoppandi um allt, og það sjálfsagt hundruðir, ef ekki þúsundir, en sjást varla lengur.  Eða mávarnir sem blessunalega virðast að mestu horfnir, sjálfsagt af þvi að slorið er líka að mestu horfið.

Tek Trump á þetta og fullyrði að innflytjendur séu með gæsasteik í hvert mál.

[Magnús Sigurðsson, 11.10.2024 kl. 14:50]

Sæll Bjarni, -svona þegar Trump er annars vegar þá er mögulegt að einhverjar borgargæsanna hafi ratað á villibráðarkvöld betri borgara, -svona allavega bringan.

Með kveðju úr sveitinni.

[Guðni Björgólfsson, 11.10.2024 kl. 18:04]

Sæll Magnús.

Hafðu sæll vitnað gegn lögleysingjanum!

[Magnús Sigurðsson, 12.10.2024 kl. 05:44]

Takk fyrir innlitið og athugasemdina Guðni, -ég hef verið að velta fyrir mér athugasemdinni.

Eins og kemur fram í pistlinum er það ekki nýtt að "bændur" á Suðurlandi hafi legið á löggjafasamkundunni með að fá að drepa álftir.

Löggjafasamkundan hefur oftar en ekki, -síðustu árin, sett lög fyrir hagsmunaaðila svo fara megi í kringum það sem siðlegt er og þar með talið réttlætið.

Það er algerlega siðlaust þegar fjölmiðlar taka sig til ár eftir ár og fara fram með áróður gegn málleysingjum sem er hafður uppi með því sjónarmiði að útríma farfuglum í ágóðaskini.

Með bestu kveðju af Héraði.