Almenn tilkynning frá landvættunum

Nú er sú staða komin upp í Íslenska lýðveldinu að ríkistjórnarhræið er risið upp frá dauðum til að setjast við kjötkatlana og nota fjárvana ríkissjóð til að dæla út kosningaloforðum.

Ekki leið nema nóttin eftir andlátið áður en Ölfusárbrúin hafði hækkað um 4 milljarða, -úr 14 í 18, sem þykir hóflegt sé mið tekið af Borgarlínu. Uppvakningurinn hefur verið endurræstur á fríu spili og alþingi leyst frá störfum svo hægt sé að hefja atkvæðasmölun.

Segja má að það hafi verið klókt af forsætu lýðveldisins að fara uppáklædd með dúsin af carbfixuðum kellingum í gamaldags útrás til Köpen, ásamt helstu leikendum arðránsins og snakka þar á ensku á meðan ríkistjórnin tók síðustu dauðakippina.

Reisa síðan hræið við sem starfsstjórn svo koma megi í gegn fjárlögum og helstu áhugamálum auðróna þeim tengdum, -og vonandi gjaldskyldri samgönguáætlun eins og frambjóðandi komst svo smekklega að orði.

-Allt minnir þetta á gömlu góðu gullaldarár náhirðarinnar, -eða þá þið eruð ekki þjóðin, -slagorð sem helferðarhyskið hefur tekið í endurnýjun lífdaga. Þetta ættu allir að hafa í huga sem íhuga nú að kjósa taktískt.

Athugasemdir

[Jóhann Elíasson, 17.10.2024 kl. 15:46]

Ég get ekki með nokkru móti skilið hvers vegna hún sá hjá sér þörf á að tala ENSKU Í DANMÖRKU?????  

[Magnús Sigurðsson, 17.10.2024 kl. 15:56]

Það er næsta óskiljanlegt Jóhann, -í það minnsta dularfullt, -nema þá að barnaskóla danskan sé horfin úr minninu sem ekki er trúlegt á hennar aldri.

[Ingólfur Sigurðsson, 18.10.2024 kl. 01:23]

Var ekki Halla forseti/forsæta kölluð hrundrottning? Eða var það einhver önnur? Enskan var aðalmálið í útrásinni fyrir Hrun, þá ætluðu Íslendingar að gleypa heiminn og kaupa hann með húð og hári.

Þá trúði maður því fyrir hrun, því RÚV hélt því fram, að Íslendingar væru ósigrandi snillingar í að græða ofurfé. Það afsannaðist í Hruninu heldur betur.

Það ætti að kenna fólki hvílíka þvælu verið er að troða í fólk í gegnum RÚV ennþá!!!

Það er einatt þannig að wók-fólkið vill taka upp ensku, eða vill leyfa hnignun íslenzkunnar með röngu máli, fara í ESB og fleira.

Já þetta munnir á aðdraganda Hrunsins. Fronturinn er flottur en allt tómt á bakvið. Maðksmogið mjöl.

Áhugavert að nú er orðin reglan frekar en undantekningin að stjórnir springa. 

Þolinmæði Íslendinga gagnvart öllum flokkum er á þrotum. Sýndarmennskan er orðin augljós.

Er það ekki dónaskapur gagnvart Dönum að tala ensku?

Þjóðverjar og Frakkar vilja nota enskuna sem minnst. Gæti vel trúað að þær hugmyndir séu líka til á Norðurlöndunum.

Jæja, við fengum kapítalískan forseta í staðinn fyrir kommúnískan.

[Guðni Björgólfsson, 18.10.2024 kl. 03:34]

Sæll Magnús.

Það kann að vera góður pólitískur leikur að greina Ísland loksins afdráttarlaust frá Danmörku og hefði allt eins komið til greina að íslenska hefði verið töluð og hún túlkuð jafnóðum.

Það hefur viljað brenna við að sú danska sem íslensk fyrirmenni tala sé lítt eða ekki þekkt utan fiskveiðilögsögunnar.

[Magnús Sigurðsson, 18.10.2024 kl. 06:06]

Já þetta minnir á fyrir-hruns-sumarið fræga þegar við urðum ekki þjóðin, en fengum að fljúga að kvöldi til Köben eða Royal Albert Hall í London á tónleika með Stuðmönnum og heim aftur með Icelandair að næturlagi til að mæta í bankann að morgni, -nú er það Tene til að viðra tærnar.

Ég fór til Noregs eftir að ég fékk að vita að ég tilheyrði ekki þjóðinni og var skammaður þar fyrir að tala ensku og greip þá til barnaskóladönskunnar og sagði Norsku vinnufélögunum að þeir skyldu bara gá að því að ég væri sá eini af okkur sem talaði original norsku.

Þeir skildu mig upp á punkt og prik og trúðu því að barnaskóladanskan mín væri hin sanna gamla norræna, sem kölluð var dönsk tunga, -jú Halla var ekkert of góð til að tala barnaskóladönsku þó hún sé woke og nýlega millilent á landinu bláa.

[Guðjón E. Hreinberg, 18.10.2024 kl. 16:20]

Eitt sinn var spurt í Danskri könnun hvert norðurlandamálanna Danir skyldu best, og skyldu flestir Íslenskuna best ...

[Jóhann Elíasson, 18.10.2024 kl. 17:17]

....en það var vegna þess að þá voru Íslendingar að reyna að tala Dönsku....

[Magnús Sigurðsson, 18.10.2024 kl. 17:29]

Þessu get ég vel trúað Guðjón, -og ég tala nú ekki um ef svarendur hafa einhvertíma verið búnir að hitta landann og fá sér með honum einn eða fleiri gammel dansk. 

[Guðni Björgólfsson, 20.10.2024 kl. 02:38]

Sæll Magnús.

Þá sýnist mér að þar sé komið sögu að minnast skáldsins frá Rifgirðingum í mynni Hvammsfjarðar!

Sigurður mat mikils danska skáldið Jens Baggesen. Svo mjög að börn sín tvö með Kristínu Illugadóttur lét hann heita í höfuðið á þessu átrúnaðargoði sínu.

Að litlu kom því báðir létust þessir drengir hans í frumbernsku.

Jens Baggesen orti hvað mest á Dönsku en einnig nokkuð á Þýzku.Ekki verður þó þvertekið fyrir það að nokkuð af efni því öllu hafi verið ort á lýtalausri norrænu!

[Magnús Sigurðsson, 20.10.2024 kl. 08:00]

Þú segir nokkuð Guðni, -Halla hefði allavega getað farið með þetta kvæði eftir rímnaskáldið á norrænu yfir ríkisstjórnarhræinu þegar hún kom heim til Bessastaða.

Leggðu þig á láðið, hvar

lækjarbunur hvína.

Farðu svo að þenkja þar

um þig og sköpunina.

Horfðu á jörð og himinsfar,

hafsins firna díki.

Gættu að rétt, hver þú ert þar

í þessu stóra ríki.

Við þá skoðun, vinur minn,

verður lyndið hægra,

og daginn þann mun drambsemin

duftinu hreykja lægra.