Knockin' On Heaven's Door

 Við himins hlið

þar sem ég svíf

í Zeppe-líninu

um draumalandið

-lít ég við-

 

-Og síðustu

ó-sigruðu

orrustna sé

 

-Og glaðvakna

er á draumnum

verður óvænt bið 

 

Því þar ég

að endingu skil

þá stórbrotnu leið

þegar sálin heldur lífi

eftir að líkaminn deyr

 

Athugasemdir

[Guðjón E. Hreinberg, 21.11.2024 kl. 16:05]

Á stórri ögurstund, fæddist mér hugsun, eitruð, en sama dag, á akstri yfir heiðarlönd, birtis mér vera, sitjandi í farþegasætinu og, gaf mér setningu, fjögur orð. Næstu mánuði, meðan mín eigin eitraða hugsun barðist við mig og vildi klára dæmið, voru orðin fjögur eins og milt móteitur sem varði eitrinu að virka uns það þvarr og skolaðist út.

Sumt er eins og það er, en reglugerðir ná ekki þangað.

Bestu kveðjur.

[Magnús Sigurðsson, 21.11.2024 kl. 17:38]

Takk Guðjón, -ögurstund með slíkum orðum verður ekki komið í reglugerð, -þar er ekki einu sinni mögulegt að fara í kringum réttlætið með lögum um upplýsinga óreiðu.

Guðs blessun.