Umboðslausir leiðtogar

Nú ríður á, sjálfur verndarengill lýðræðisins, hinn lýðræðislega umboðslausi Slenski, -hefur sagt að engin friðarsamningar verði undirritaðir án sinnar aðkomu. Skrifræðisveldið Evrópu, sem engin á Íslandi kaus, er að fara á límingunum.

-Hvað með alla peningana sem er búið að fjárfesta í þessu stríði? -Eiga þeir bara að brenna upp í friði? -Hafa allir þjóðarleiðtogarnir sem sækja fundinn sótt sér lýðræðislegt umboð til að fjármagna stríðrekstur í Úkraínu?

Það er kostulegt að heyra George Galloway fara yfir stöðuna sem var komin upp í Evrópu nú í upphafi viku.

Kristrún tekur þátt í neyðarfundi Macrons

Athugasemdir

[Guðjón E. Hreinberg, 19.2.2025 kl. 16:11]

Fylgdist mikið með Gogga Gíralausa hér áður, fyrir áratug eða svo, hafði bæði ánægju af og lærdóm, sérstaklega hafði ég gaman af þegar hann stóð uppi í hárinu á Amerísku þingnefndinni útaf Íraksstríðinu, og gegndarlausum flengingum hans á Toný Bler.

Hann var á þeim tíma einn af þeim fáu sem þorðu á Vesturlöndum að draga skýrar línur á milli Zionisma og júðisma, og komst upp með.

Hann hefur undanfarna mánuði komið enn sterkari inn á sviðið, með mjög áhugaverðum rökstuðningi fyrir endurnýjun á hvaða stefnu næsta kynslóð gæti tekið í stjórnmálum og menningar samræðum.

[Guðjón E. Hreinberg, 19.2.2025 kl. 16:13]

Hér er tengill í þegar George Galloway flengdi ameríska senatið með sínum einstaka bragarhætti.

https://www.youtube.com/watch?v=_dD48d-yjxc

[Magnús Sigurðsson, 19.2.2025 kl. 17:36]

Þakka þér fyrir þessa ábendingu Guðjón, -mögnuð upprifjun á sögunni, sem á það til að fara fram hjá gullfiskaminninu.

[Grímur Kjartansson, 19.2.2025 kl. 19:21]

Hér góð íslensk greining á ástandinu

https://www.dv.is/frettir/2025/2/19/stadan-ukrainuvidraedunum-raun-hefur-esb-malad-sig-ut-horn-malinu/

[Magnús Sigurðsson, 19.2.2025 kl. 20:02]

Þakka þér fyrir þessa ábendingu Grímur, -þessi greining er í svipuðum anda raunsæis, þó svo að George Galloway geri þessu skil með mælskunni.

[Hördur Thormar (IP-tala skráð) 20.2.2025 kl. 18:28]

Í tilefni að því að stöðugt er verið að klifa á því að Selensky hafi ekki lengur lýðræðislegt umboð sem forseti Úkraínu þá vil ég benda á að síðustu þingkosningar í Bretlandi áður en Winston Churchill varð forsætisráherra fóru fram árið 1935. Næstu kosningar þar á eftir fóru ekki fram fyrr en árið 1945. Churchill var því forsætisráðherra "án lýðræðislegs umboðs" mest öll styrjaldarárin.

Því má svo bæta við að alþingiskosningar áttu að fara fram árið 1941, það var hins vegar ákveðið,"vegna stríðsástandsins", að fresta þeim um eitt ár.

[Bjarni (IP-tala skráð) 20.2.2025 kl. 18:38]

"Hinn lýðræðislega umboðslausi Selenzki"

Hinn lýðræðislega umboðslausi FDR sat á forsetastóli í BNA  í á fjórða kjörtímabil frá 1933 til 1945.  Í ríflega 12 ár. Engin óvitlaus þjóð efnir til kostninga á stríðstímum.

Það getur verið erfitt að beita almennri skynsemi og láta loddara og skíthæla segja sér hverjar skoðanir þeir eiga að hafa þegar engin er almenn skynsemin.

[Magnús Sigurðsson, 20.2.2025 kl. 19:50]

Þið eruð báðir sannir handhafar skynseminnar Hörður og Bjarni, -oft má böl bæta með því að benda á annað verra, -eða munið þið ekki hann Hitler?

Auðvitað þarf að hafa lýðræðislegt vit fyrir öllum vitleysingunum, þeir gætu tekið upp á að kjósa barnalega.

[Hördur Thormar (IP-tala skráð) 20.2.2025 kl. 21:28]

Magnús.

Jú, ég man svo sannarlega eftir Hitler. Eftir uppgjöf Frakka bauð hann Bretum upp á "sanngjarna friðarsamninga" með milligöngu Mússolinis. Margir, breskir stjórnmálamenn vildu "slá til". Jafnvel Churchill sjálfur var tvístígandi. En sagan segir frá því að þá hafi breski hrokinn vaknað upp í honum: "Átti breska heimsveldið að gefast upp fyrir lélegum húsamálara"?

Kosningar áttu að fara fram í Bretlandi í síðasta lagi haustið 1940, í miðju sprengjuregni þýska flughersins. Er það víst að Churchill hefði unnið þær?

Franklin D. Roosevelt var fyrst kjörinn forseti USA haustið 1932. Svo var hann aftur kjörinn árin 1936, 1940 og loks haustið 1944 og var þá orðinn fárveikur. Eftir það mun stjórnarskránni hafa verið breytt þannig að sami forseti mætti aðeins vera í átta ár. 

[Hördur Thormar (IP-tala skráð) 20.2.2025 kl. 21:55]

Hér vil ég bæta við að vorið 1941 flaug Rudolf Hess, náinn samstarfsmaður Hitlers, til Skotlands og varpaði sér þar niður í fallhlíf. Vildi hann gera allt sitt til þess að semja um frið. Var hann samstundis handtekinn og síðan dæmdur í ævilangt fangelsi í Nürnberg. Sat hann í Spandau þar til hann lést árið 1987, 93 ára gamall, mun hafa fyrirfarið sér.

[Magnús Sigurðsson, 21.2.2025 kl. 05:54]

Þakka þér fyrir söguskýringarnar Þormar, -að vísu var Dolli listmálari en ekki húsamálari samkvæmt minni stéttarvitund.

En það breytir svo sem ekki því að það var Hitler, sem fyrstur af þeim félögum, tók upp þann móð upp úr 1933, -að verja lýðræðið með vopnum en ekki kosningum, eftir að kommúnistarnir kveiktu í þinghúsinu.