Þeir í suðrinu segja að í helvíti sé góður félagsskapur

Athugasemdir

[Ingólfur Sigurðsson, 19.5.2025 kl. 13:31]

Já þetta er ágætis lag og nafnið grípur athyglina. Það er fyrsta markmið tónlistarmanna að fá athygli. Í Bandaríkjunum er mikil kristni. Þar áttar fólk sig samt á því að við erum í Helvíti - flest bendir til þess - og því hljóta vinir og ættingjar og maður sjálfur að fara þangað. Góður félagsskapur, þeir eiga sennilega við að flestir fari þangað, og einmanalegt sé að vera svo guðhræddur að fara í himnaríkið kristilega. Hvort það er rétt, það er spurning. En auðvitað stendur í Snorra Eddu að Helja sé mikill staður með mörgum vistarverum, og sú bók hefur oft reynst rétt.

Þetta lag er enn einn flötur á kristilegri trú. Það er gott hjá þeim að sýna þessa hreinskilni. Þegar Mammonsdýrkun og yfirborðsmennska eða eitthvað slíkt verður meira áberandi en náungakærleikur og að fara eftir gömlum gildum, þá er þetta raunsæ niðurstaða. En líka uppgjöf.

Ég lít lengra aftur í tímann, tel að helstefnan hafi mjög lengi ríkt á jörðinni. Að minnsta kosti í 2000 ár og kannski lengur.

Hvenær var fjöldinn dyggðugur? Hvað segir Guðjón um þetta? Nauðsynlegt að fá hann til að gefa sitt álit. 

Að segja að Jesús Kristur frelsi frá öllum syndum, það finnst mér of einfalt, of ótrúlegt. Hægt er að segja að nútíminn syndugi sé einmitt þannig vegna skyndilausna af því tagi.

Þær kenningar að Rómverjar hafi búið til kristna trú eru sannfærandi. Það passar við margt. 

Ég er jafnvel sammála Guðjóni, að gyðingatrúin geymi gullkorn sem séu dýrmæt. Skyndilausnir kristninnar gætu verið sölubrella Rómverja fyrir heimsyfirráðum.

[Jóhann Elíasson, 19.5.2025 kl. 14:27]

Þetta er alveg ótrúlega góð athugasemd hjá honum Ingólfi og að mestu leiti tek ég undir orð hans.  Ég hef lengi haldið því fram að JÖRÐIN sé hið svokallaða helvíti og eftir jarðvistina liggi leiðin bara uppávið..... 

[Magnús Sigurðsson, 19.5.2025 kl. 17:22]

Þakka ykkur fyrir innlitið og athugasemdirnar Ingólfur og Jóhann.

Þetta er alveg feikna fín og efnismikil athugasemd frá Ingólfi, kemur alveg í staðin fyrir pistil, enda andleysi mitt algjört þessa dagana.

Það er gaman að sjá hvernig svona lag um helvíti vekur hugann, og að við skulum álíta að jarðlífið sé okkar helvíti.

Reyndar ég á því að það skipti miklu máli hvernig jarðlífinu er lifað upp á framhaldið.

Þegar við komum í þennan heim þá held ég vitum við nokkuð til hvers komum á meðan við erum ómálga börn. Þetta sé ég á barnabörnunum.

En þegar á líður og fáviskufabrikkurnar þyngja róðurinn þá vill svo fara að við missum fókusinn.

Ég held að það sé mikilvægt að sjá ekki eftir því sem maður gerði og gerði ekki þegar upp verður staðið. Því þá þurfum við að koma aftur.

Hvað texta lagsins varðar þá er hann að mér finnst snúinn, um dauða ást sem gengur ekki til lengdar á stolti, öðruvísi en barin blá.

Og mér skilst að forsöngvarinn sitji uppi með mislukkað morð. Það var konan sem stútaði honum ef grannt er hlustað. En hann kemst að því í liggjandi blóði sínu að það geri lítið til því í helvíti megi finna góðan félagskap.

Þetta lag vakti samt athygli mína vegna þess hvað það er sumarlegt. Í síðustu viku sagði ég á hverju morgni á kaffistofunni að besta veðrið heiminum væri núna á Íslandi.

Kaffistofan samanstendur að mestu af austantjöldum. Þeir tóku dræmt undir fyrsta daginn, náæsta dag með já en, og dagana þar á eftir með þögninni.

Svo var það á föstudaginn að einn Króatinn rauf þögnina og sagði, vitið þið að þetta er bara alveg rétt hjá honum ég hef verið að tala heima og það er ekki svona gott verðu þar núna og hér á Íslandi er búið að vera gott veður frá því í Febrúar.

Já á það sama við Ísland og Helvíti, -gangi undir röngu nafni.

Takk fyrir hugvekjandi athugasemdir.

Bestu kveðjur.

[Guðni Björgólfsson, 19.5.2025 kl. 18:43]

Sæll Magnús.

...barin blá. Legg til að hver og einn okkar yrki undir sama bragarhætti og er á ljóðinu Bára blá og mætti gjarna nefnast: Barin blá.

[Guðni Björgólfsson, 19.5.2025 kl. 19:10]

Sæll Magnús.

Hér er kvæðið og nú er að yrkja.

Íslenskt þjóðlag. Ljóð: Magnús Grímsson. Úts. f. kvennakór: Jakob Tryggvason

Bára blá að bjargi stígur
bjargi undir deyr.
Bára blá!
drynjandi að sér dröfn þig sýgur,
í djúpið væra brátt þú hnígur
:/: í drafnar skaut og deyr. :/:

Bára blá! þín andvörp undir
andi tekur minn.
Bára blá!
allar þínar ævistundir
eru þínar dauðastundir ­
:/: við bjarg er bani þinn. :/:

[Magnús Sigurðsson, 19.5.2025 kl. 19:39]

Þakka þér fyrir vísurnar Guðni, -þær eru helvíti góðar.

Það má segja að þú komir þér beint að kjarnanum um það hverslags helvíti jörðin er.

Bestu kveðjur.

[Guðjón E. Hreinberg, 19.5.2025 kl. 22:30]

Fín áminning - hér í Helvíti má finna ýmsa skemmtilega til að spjalla við. Annars veit ég ekkert og skil minna, eins og allir hinir.

Bestu kveðjur.

[Bjarni (IP-tala skráð) 19.5.2025 kl. 23:09]

Það má auðvitað rìfast um hvað er himnaríki og hvað er helvíti, lausgyrtar glyðrur eða hrukkóttar meyjar flögrandi um á skýbólsta, spilandi á hörpu.

Kaffistofusagan er merkileg. Minnir mig á söguna um þrjá þögula skógarhöggsmenn. Eitt sinn hljóp hestur í gegnum skóginn þar sem þeir voru að störfum. Daginn eftir sagði einn þeirra sáuð þið hvíta hestinn? Viku seinna sagði annar, var hann ekki svartur? Viku seinna missti sá þriðji þolinmæðum, ef þið ætlið að hnakkrífast um litinn á helvítis truntunni þá er ég farinn

[Wilhelm Emilsson, 20.5.2025 kl. 03:03]

Ég vissi nú ekki að þessi hljómsveit væri til. Tékkaði aðeins á grúppunni og komst að því að, líkt og margar hljómsveitir sem virka mjög amerískar, þá er hún kanadísk. Sveitin minnir svolítið á bretana í Mumford & Sons. Báðar hljómsveitirnar virðast vera í einhvers konar fullorðins kabbojaleik, en það má náttúrulega saka The Band um það sama  

[Magnús Sigurðsson, 20.5.2025 kl. 05:04]

Takk fyrir innlitin og athugasemdirnar Guðjón, Bjarni og Wilhelm.

Já helvíti er þetta að verða skemmtilega dularfullt Guðjón, -og ekki verður texti lagsins skiljanlegri eftir því sem oftar er á hann hlustað.

Hestasagan þín Bjarni gerir það lítið skiljanlegra hvers vegna í helvíti má finna góðan félágskap, hann verði horfin á braut líkt og góða veðrið þegar menn kunna við að hafa orð á því.

Það var skinsamlegt að kynna sér The Dead South Wilhelm, -ekki hafði mér komið það til hugar, en sá samt á youtube að þetta lag var með hátt í 500 milljón áhorf.

Þetta minnir svolítið á Húsvíkinga sem kölluðu sig Ljótu hálfvitana. Má kannski segja sem svo að þetta séu ljótu helvítis hálfvitarnir.

Vonandi helst veðurblíðan samt um allt land í allt sumar þó svo Trausti félagi okkar hér á blogginu sé ekki bjartsýnn.

Sumarkveðjur.