Fasistafraukurnar herða hreðjatökin – og fólk á ekki eitt einasta orð

það má vera öllum ljóst að sami svika leikurinn er leikin af valkyrjunum og dúkkulísunum þegar sýslumenn eru annars vegar. Íslandi skal komið til andskotans hvað sem það kostar. Þessar sprengjudúkkur leika leikinn fyrir flugumenn stjórnsýslunnar sem eru ákveðnir í að koma landinu bláa undir unionið.

Samkoman á alþingi er því miður öll eins og hún leggur sig orðin að samsafni ógæfufólks sem virðist hafa selt sál sína. Umræðan sem viðruð er af almenningi virðist komin í sama farveg. Opinberlega segir engin neitt gegn óskapnaðinum þó hvíslað sé um landráð djöfuls snillinga á tveggja manna tali úti í bæ.

Stjórnmál eru orðin aumkunarverð samsuða stjórnmálaflokka sem eru allir orðnir opinberar stofnanir á fjárlögum ríkisins, og sama á við fjölmiðlana. Engin kemur fram með það sem skiptir mestu máli. Þá staðreynd að það þarf að segja upp EES samningnum, ganga úr NATO og hætta í Schengen.

Umræðan á samfélagsmiðlum er í boði þóknanlegra, sem raða sér t.d. upp hér á blogginu og tyggja daglega upp hver eftir öðrum andstöðu sína við bókun 35 án þess að minnast nokkurntíma á það sem skiptir mestu máli, -að það þarf að segja upp EES samningnum.

Þetta er aðferðafræði sem ekki bara stelur umræðunni, -hún drepur hana. Fólk er orðið hundleitt á því að þurfa að setja sig inn í pólitískar lagaflækjur til að taka afstöðu með eða móti kostum sem engan heilla, og allir eru afleitir. Eins og þjóðskáldið þá er komið svo að venjulegt fólk á ekki eitt einasta orð.

 

Athugasemdir

[Ingólfur Sigurðsson, 22.5.2025 kl. 05:58]

Ég er vissulega sammála boðskapnum í þessum ágæta pistli, nema að ég held að umræðan um Bókun 35 sé ekki sökudólgurinn, en hér skrifar þú tæpitungulaust og það þarf að gera það. En sjáum nú til samt, að ég held að það dugi ekki og að áfram haldi skollaleikurinn að sjálfstæðið fer minnkandi. 

Hér sannar þú samt einu sinni sem oftar að þú ert í forystusveitinni sem kalla má heimavarnarliðið. Já Arnar Þór mætti læra af þessu og það skal ég reyna líka, að fara ekki alltaf í kringum grautinn.

En svo ég reyni að skýra betur út það sem ég lærði á fundinum í Seltjarnarneskirkju, að einn ræðumaður talaði um spægipylsuaðferðina eða eitthvað slíkt, að verið væri að sneiða sjálfstæðið af þjóðinni eins og þegar spægipylsa er sneidd niður, lag eftir lag, þannig að fáir taka eftir því í hvert skipti, og hægt að réttlæta það sæmilega í hvert skipti, en svo er sjálfstæðið allt í einu horfið. Þetta er svo snilldarlega gert að hægt er að láta sjálfstæðissinnana líta út sem gamaldags nöldurseggi.

En það styður svo sem alveg þá niðurstöðu sem þú kemst að, að eina leiðin sé að segja upp Schengen og EES, jafnvel NATÓ. 

Nú er bara að sjá hvort fleiri noti þitt fordæmi að taka upp svona alvöru andstöðu. Það mun skila árangri, dropinn holar steininn. Ég reyndi að nota kurteislega sálfræði á þetta í mínum pistli, en þetta er aðferð sem virkar betur, svona eins og gegn Icesafe. 

 

Það er frábært að hér er verið að gefa í en ekki að bakka í þessari umræðu.

[Jónatan Karlsson, 22.5.2025 kl. 08:04]

Sælir félagar.

Við erum á þessari sömu línu sem Magnús skerpir og við Ingólfur samsinnum líkt og oftar.

Er það annars ekki bara sannur leiðtogi, með rétta útgeislun sem við sundruð þjóðin þörfnust?

Ég ræddi nýverið við tvo vini og innti þá eftir hvað þeir hefðu kosið og annar kaus Miðflokk og hinn Flokk fólksins, en báðir af því að þeir óttuðust að atkvæðið félli dautt, ef þeir kysu XL.

Einu góðu fréttirnar úr "uppeldinu" eru þær að tveir öflugir og óhræddir eldhugar halda uppi Útvarpi Sögu, sem er eina haldreipi tuga þúsunda okkar líkra - að ég held.

[Guðjón E. Hreinberg, 22.5.2025 kl. 13:52]

Það sem hann sagði.

[Magnús Sigurðsson, 22.5.2025 kl. 15:00]

Sælir félagar Ingólfur, Jónatan og Guðjón, -ég er seinn til svars í dag, það gerir veðurblíðan.

Hvort sem bókun 35 er sökudólgur eða ekki þá drepur hún á dreif. Alþingi hefur allar götur eftir EES innleitt regluverkið sem honum fylgir svo til ómengað. Gengið lengra en önnur lönd, sem nota bene, hafa jafnvel yfirgefið óskapnaðinn.

Síðustu ríkisstjórnir hafa hælt sér af hraðvirkri lagasetningu úr þessari átt, sem er ekkert annað en innleiðing, og stjórnarandstaðan hefur verið aðgerðalaus. Á meðan streymir ólögin inn með síauknum hraða til að fara í kringum réttlætið.

Það er sama hvað lið á í hlut það var utanríkisráðherra í hægri stjórn Sigmundar Davíðs sem hóf t.d. fjandskapinn við Rússa í samstarfi við ESB og allir urtnaríkisráðherrar hafa lagt lóð á þá skál síðan, svo nú eru stríðsæsingarnar orðnar yfirgengilegar hjá þeim fasistafraukunum.

Það kemur vel fram hvernig valkyrjur, dúkkulísur og djöfuls snillingar, eru leikbrúður stjórnsýslu sem hefur selt sig andskotanum í þessu máli með lögreglustjórann á Suðurnesjum. Einhver sem engin kaus sitjandi inn kontór í kerfinu rífur kjaft og hviss bang.

Nei þetta lið sem almenningi er leift að kjósa eru leikarar stjórnsýslunnar og auðróna sem hafa selt sál sína og Ísland. -Því miður. -Og ég á ekki vona á að margir taki undir þennan pistil, flestir telja sig sjáasagt of dannaða til þess þó þeir kunni að hugsa sitt.

Bestu kveðjur.

[Pétur Örn Björnsson (IP-tala skráð) 22.5.2025 kl. 20:31]

Takk, meistari Magnús, hér er ekki töluð tæpitunga og því má fagna.

Og rétt eins og Ingólfur nefnir, þá má fagna hvað þú gefur í;

nú á tímum almenns doða og vaxandi glæpamennsku nokkurra ráðuneyta og stjórnsýslustofnana.

Guð blessi land og þjóð!  

[Magnús Sigurðsson, 22.5.2025 kl. 21:06]

Takk fyrir innlitið og athugasemdina Pétur Örn, -hún er mér mikils virði.

Ekki veitir af að við gömlu mennirnir brýnum þau sem yngri eru, -í það minnsta reynum.

Nógir verða til að brynna músum samt, ef fer sem horfir.

Og já, -guð blessi land og þjóð.

Bestu kveðjur.

[Gunnar Heiðarsson, 22.5.2025 kl. 23:14]

Sæll Magnús og takk fyrir enn einn snilldar pistilinn.

Spægipylsu aðferðin er þekkt fyrirbrigði, reyndar boðuð af einum stofnanda Kola og Stálbandalagsins á sínum tíma.

Aðferðin byggir á því að koma með eitt og eitt mál fram og koma því á koppinn, mál sem eitt og sér skiptir kannski ekki öllu. Þegar sneiðunum fjölgar og fólki fer að ofbjóða, er of seint að gera nokkuð. Þá eru gjarnan tekin einhver einstök mál fyrir og gagnrýnd en ekki horft til heildarmyndarinnar. Þar má nefna sem dæmi mótmæli bænda innan ESB, fyrir nokkrum misserum. Þau voru þögguð niður með smá dúsu til sérvaldra. Aðvörunarorð bænda eru nú að raungerast innan ríkja ESB. Landbúnaður að stórum hluta að leggja upp laupana.

Ekki verður betur séð en okkar utanríkisráðherra sé farin að skera sneiðar á fullu, er að festa okkur enn frekar við Evrópusambandið. Væntanlega til að létta verkið við inngöngu eftir að þjóðin hefur látið plata sig í einhverri platkosningu.

Það er hárrétt hjá þér, við eigum ekki að vera að ræða bókun 35, heldur EES samninginn í heild sinni. Þar liggur vandinn. Auðvitað má finna innan hans einhverja kosti fyrir okkur en ókostirnir eru fleiri, Þar ber auðvitað hæst sá kostnaður sem við verðum fyrir vegna þess samnings. Það litla sem skilar sér til baka fer allt til menntaelítunnar. Lítið fellur í hönd þeirra sem verðmætin skapa. 

Kveðja

[Magnús Sigurðsson, 23.5.2025 kl. 05:44]

Takk fyrir innlitið Gunnar, -og skelegga athugasemd.

Það er nú akkúrat málið við eigum fyrst og fremst að ræða það hvort við höfum einhvern tíma viljað þessa spægipylsu.

Á sínum tíma fékk almenningur ekki að ræða spægipylsuna hvorki með Já eiða Nei í þjóðaratkvæðagreiðslu, þó svo að undirskriftalisti um slíkt hafi aldrei sögunni komið fram með eins miklum fjölda handskrifaðra nafna -skömm sé stjórnsýslunni.

Allar götur síðan hefur þessi ógeðs pilsa verið sneidd og er orðin svo dragúldin að minnstu sneiðar valda verkjum. Og ljóst er orðið að stjórnsýsla sem selt hefur sál sína ætlar að ganga frá sjálfstæði Íslands, -hvað sem það kostar.

Það má minna á það að eitt EFTA landanna hafnaði þessari spægipylsu og ræður sínum málum inn í miðri Evrópu. Það gerðu Svisslendingar með þjóðaratkvæðagreiðslu.

Bestu kveðjur.

[Helga Kristjánsdóttir, 23.5.2025 kl. 19:06]

Ó þið skörpu srákar;  ég sver að ég er svo oft sammála seinasta ræðumanni, það getur ekki verið falskt í þeim hópi sem vill heimta Ísland úr gráðugum höndum stjórnvalda.Það er svo rétt eins og bent er á að það má nálgast vörn frá mörgum hliðum öllum góðum og oft bráð skemmtilegum; (eitt árið einn sem er ekki áberandi lengur.)Hvað veit ég sosem um bókun 35 en reyni andsvar bara til að pirra því ég lÆri af svarinu og held áfram að dorga.- þakka þér Magnús fyrir að fá að vera á bekknum smá.

[Magnús Sigurðsson, 24.5.2025 kl. 05:13]

Þakka þér fyrir innlitið og athugasemdina Helga, -ekki veitir af fyrir okkur strákana að fá hól í allri jákvæðu mismununinni, -ólæsir og skrifandi á samtímann.

-En kannski ekki alveg sjónlausir á að bleiki fíllinn í stofunni er EES samningurinn. Vonandi tekur einhver með leiðtogahæfileika upp okkar málstað.

Svona athugasemd er aldeilis ekki ónýt fyrir okkur mömmudrengina eftir að mamman komst á háskólasigið, -og það á tímum sjálfhverfrar athyglissíki.

Takk fyrir þín orð.

Bestu kveðjur.