Falsfrétt á mbl ?

Það að fólk byrji að vinna fyrir laununum sínum þann 27. júní ár hvert, en hafi fram að því verið að vinna fyrir sköttum og lögbundnum þjófnaði, -er í besta falli upplýsingaóreiða.

Hið rétta er að fólk byrjaði í gær að vinna fyrir virðisaukaskattinum og fasteignagjöldum á skuldir. 

Það má í besta falli fyrirgefa fréttamönnunum á mbl fyrir að birta enn eitt endemis ruglið frá Viðskiptaráði, að hafa glapist á að rugla fólki saman við fyrirtæki, sem geta fengið endurgreiddan virðisaukaskatt, og borga ekki sérstakan skatt af skuldum.

Þessa dagsetningu á árinu þarf því að reikna upp á nýtt og ef erfðafjárskatturinn er tekin með í dæmið þá er hún líklegast ekki til í ljósi nýjustu aðgerða Fiskistofu varðandi þjófnað við grjótkrabbaveiðar.

Fólk byrjar að vinna fyrir launum sínum í dag

Athugasemdir

[Gunnar Heiðarsson, 28.6.2025 kl. 08:18]

Og ekki má gleyma innflutningsgjöldum á allar innfluttar vörur sem við kaupum og allri skattlagningu á ferðir sem við þurfum að fara. Þessa skatta þurfum við að greiða af vel innanvið hálfs árs launum, fyrir heils árs starf. 

[Magnús Sigurðsson, 28.6.2025 kl. 08:57]

Mér sýnist þetta vera falsfrétt Gunnar, -ekki batnar það. 

Og ég hef grun um að sá hópur fari ört stækkandi, sem geispar golunni stórskuldugur, þó svo að tekist hafi að gera upp við hið opinbera.

[Guðjón E. Hreinberg, 28.6.2025 kl. 11:29]

Takk fyrir að benda á þetta. Hefði annars farið framhjá mínum, sem notaði tækifærið og vitnaði um, Dystópíu algrímsins helga.

[Magnús Sigurðsson, 28.6.2025 kl. 12:02]

Það er nefnilega það Guðjón, -mér skilst að heilagur Algrímur sé nú notaður við að koma skikki á hina heimavinnandi húsmóðir.

Það ku vera ein slík sem var tekin og straujuð eftir áralanga heimasetu, en henni hefur nú loksins verið í komið í eilífa skattlagða skuld undir styrkri stjórn innsta kopps valkyrjanna.

Sú fær nú aldeilis að kemba hærurnar þar tilhún geispar golunni.

https://www.dv.is/frettir/2025/06/11/skatturinn-trudi-thvi-ekki-ad-heimavinnandi-husmodir-hafi-verid-tekjulaus/

[Guðjón E. Hreinberg, 28.6.2025 kl. 13:24]

Þvílík "g"argandi snilld :) -- bestu kveðjur.

[Guðmundur Ásgeirsson, 28.6.2025 kl. 17:22]

Mörgum endist ekki árið til að vinna fyrir þeim álögum sem eru settar á húsnæðislánin þeirra ofan á allt hitt sem hér hefur verið nefnt.

[Magnús Sigurðsson, 28.6.2025 kl. 21:27]

Það er sem ég segi, -það bendir margt til þess að þetta sé falsfrétt, byggð á upplýsingaóreiðu frá viðskiptaráði.