Hvort er mikilvægara heimilið eða ríkið?

 

Steingrímur er kominn í þá undarlegu stöðu að verja stefnu IMF.  Fyrir völd virðast íslenskir stjórnmálamenn vera tilbúnir til að fórna heimilum á altari skuldaþrældóms. 

Jafnvel heimilum sem eru blásaklaus af því að hafa látið glepjast af græðgisvæðingunni er ætlað að endurreisa gjaldþrota bankakerfi auk þess að greiða skuldir óreiðumannanna eftir uppskrift IMF.

Framsóknarmenn í afneitun

Athugasemdir

[Kristján Loftur Bjarnason (IP-tala skráð) 22.5.2009 kl. 14:17]

ég ætla úr landi ef þeir fari þessa stefnu

[Guðni Karl Harðarson, 22.5.2009 kl. 14:24]

Kristján! Bíddu við ekki fara neitt. Það kemur að því að gerð verður alvöru bylting í landinu!

Samantekt hinna ýmsu mála sem koma upp í þjóðfélgainu eru að safnast upp svo mikið að mælirinn er að verða fullur! Við skulum bíða fram í miðjan Júní og sjá hvað gerist. Taka ákvarðanir síðan eftir það!

[GH (IP-tala skráð) 22.5.2009 kl. 14:28]

Ég get ekki betur séð en markmið ríkisstjórnarinnar sé að reyna að halda atvinnulífinu á floti. Það gerist ekki nema með starfhæfu bankakerfi og alls ekki án lánafyrirgreiðslu erlendis. Það er alveg hægt að hrópa að við greiðum ekki skuldir óreiðumanna, en þá verðum við að bíta í það súra epli að enginn lánar okkur krónu aftur eða treystir Íslendingum aftur í viðskiptum og allt atvinnulífið fer á hausinn. Við skulum muna að ekki hægt að bjarga heimilum nema fólk hafi vinnu og ríkið skatttekjur. Og eru öll heimilin "blásaklaus"? Voru það bara "fjárglæframenn" sem fóru óvarlega í fjárfestingum í góðærinu? Getur ekki verið að sumir hafi skuldsett sig um of og ekki hugsað um að aðstæður gætu breyst? Var t.d. ráðlegt fyrir mann með tekjur í íslenskum krónum að taka myntkörfulán þegar allir máttu vita að gengið var alltof hátt skráð og saga íslensku krónunnar er því miður endalaus sorgarsaga? Ég held að fólk ætti stundum að líta í eigin barm, þótt það sé sárt, áður en það ræðst með offorsi á aðra -- öðru vísi lærum við ekkert af þessum hremmingum.

[Helgi Hrafn Gunnarsson (IP-tala skráð) 22.5.2009 kl. 14:31]

Kristján: Það er ekkert val. Farðu bara úr landi, það er eina vitið að svo stöddu. Ég mæli með Kanada eða Noregi. Kanada er með sterkasta og ábyrgasta bankakerfi heims núna eftir hrunið, og Noregur er með uppsafnaðan sparnað sem var reyndar hugsaður sem lífeyri, en þeim er tvímælalaust best treystandi fyrir lánum sem hjálpa til við uppbyggingu.

[Helgi Hrafn Gunnarsson (IP-tala skráð) 22.5.2009 kl. 14:32]

GH: Rétt hjá þér, að borga ekki skuldirnar er ekki einu sinni valmöguleiki. Ekki nema menn vilji fá hér hungursneið og lyfjaskort. Það er vel raunverulegur möguleiki, reyndar óumflýjanlegur raunveruleiki, ef við ætlum bara einfaldlega ekkert að borga.

Það þýðir ekkert að rífast við vindinn.

[Ellert Júlíusson, 22.5.2009 kl. 15:04]

Okkur verður alveg lánað aftur. Ekki gleyma að við sitjum á miklum auðlindum sem að margir ágirnast! Vant, raforka, fiskur og ný seinast mögulega olíu!

Nú þegar er búið að afskrifa skuldir margra banka og landa sem eru margfaldar á við það skítti sem við skuldum, og það var gert án þess að blikna. Jafnframt væri gaman að vita hversu mikið er búið að afskrifa af skuldum gömlu bankana, en það er örugglega verulega há prósenta. Þetta eru hlutir sem við fáum ekki svör við, menn bera við bankaleynd sem í mínu bókum jafngildir því að fá löngutöng beint í andlitið.

Það er verið að kúga okkur vegna þess að við erum svo lítil og líka vegna þess að menn erlendis vita hvers konar umrenningar sitja hér við völd. Að öllum líkindum hafa þeir líka komið augastað á ofsaáhuga Jóhönnu að koma okkur inn í ESB og þar er nú komin enn eitt kúgunartólið sem þeir geta notað!

Mér finnst það í það minnsta skondið allir þessir hringir sem snillingarnir í ESB eru búnir að fara með umræðuna um Ísland, einn daginn erum við inni án vandræða, hinn daginn erum við nánast óvinur númer eitt. Hvað veldur?

Hér á að koma á þjóðstjórn og það strax, skipaða hæfu (vonandi) fólki sem ekki er blindað af flokkapólitík og innanbúðarspillingu, þá fyrst gæti eitthvað farið að gerast.

[Magnús Sigurðsson, 22.5.2009 kl. 15:45]

Það er orðin þreytt klisja að atvinnulífið gangi ekki án svipaðs bankakerfis og ver fyrir hrun.  Tuggan um það að bankarnir séu súrefnið fyrir fyrirtækin er að snúa hlutunum á haus.  Það rétta er að bankarnir hafa mergsogið fyrirtæki og heimili í gegnum tíðina.  Bankanir eru blóðsugur sem meiga missa sig í núverandi mynd.

[Magnús Sigurðsson, 22.5.2009 kl. 17:06]

Það er búið að breyta heiti fréttarinnar úr "Þjóð í afneitun" í "Framsóknarmenn í afneitun".  Hvernig væri að kalla fréttina "Ríkisstjórn í afneitun"?

Ef það eru einhverjir sem eru verulega veruleikafirrtir þá er það ríkisstjórn Íslands sem virðist ætla að gæta hagsmuna erlendra lánadrottna með þá von í brjósti að íslensk þjóð taki það að sér að endurreysi bankakerfið með skuldaþrældómi.  Aðeins þannig verði völdum útþanins ríkisvalds haldið.

Hvernig væri að ríkisstjórnin léti af sinni afneitun og hæfi það verk sem þarf að vinna, sem felst meðal annars í að skera niður ríkisskrímslið og bankakerfið í stærð við hæfi?