Leikritið heldur áfram á Alþingi.

 

Þá getur velferðarstjórnin skálað fyrir þessum áfanga, keyrt icesave í gegnum þingið og þingmenn  haskað sér í sumarfrí.  Málið dautt.

Ég ætla að flagga í hálfa stöng og felli tár yfir einhverju ömurlegasta Alþingi sem ég hef upplifað frá 1983.  Það er tæplega von á góðu í framhaldinu. 

Leikrit þingmanna hefur fyrst og fremst snúist um það hvernig hægt er að viðalda því stjórnkerfi sem hér hefur verið við lýði með lántökum á kostnað þjóðarinnar.  það var orðið fyrir löngu ljóst að "flokkurinn" var búinn að ákveða ESB aðildarumsókn en leikritið snérist um að finna leiðir fyrir hvern og einn til að halda andlitinu. 

Hjá þessu liði snýst þetta fyrst og fremst um að halda sér á launaskrá hjá skattgreiðendum. 

Það sem hefur verið sérstakt við þessa ESB umræðu er að hún snérist aðllega um það hvort það átti að fara í einfalda eða tvöfalda þjóðaratkvæðagreiðslu og kostnaðinn sem af því hlytist.  Þessum málum hefur verið talið nauðsynlegt að ljúka fyrir sumarfrí þingsins, ásamt icesave. 

Á meðan rekur allt á reiðanum, fyrirtæki fara á hausinn, heimilin verða eignalaus og gamla fólkinu er jafnvel vísað út af dvalarheimilum.  Er eitthvað vit í kollinum á þessum 63 einstaklingum sem ber að fara eftir eigin sannfæringu en ekki því sem þeir sögðu fyrir kosningar?

Samþykkt að senda inn umsókn

Athugasemdir

[(IP-tala skráð) 16.7.2009 kl. 15:24]

Minn fáni blaktir aumur í hálfri stöng, þetta er mikill sorgardagur.

[Rakel Sigurgeirsdóttir, 16.7.2009 kl. 15:25]

Guð, hvað ég skil þig!

[Magnús Sigurðsson, 16.7.2009 kl. 15:32]

Já vinkonur, þetta er ömurleg forgangsröðun á því sem þessir fulltrúar fólksins telja vera þjóðinni fyrir bestu.

[Valsól (IP-tala skráð) 16.7.2009 kl. 16:50]

Til hamningju Ísland, loksins skynsamleg ákvörðun á Alþingi Íslendinga. heldur þú að við séum svo sérstök að við séum merkilegri en Finnar, Damir og Svíar? það er eingöngu verið að hugsa um hagsmuni almennings í þessu máli á kostnað stjórnsýslu sem býður upp á klæikuskap og spillingu. Húsnæðislán lækka um tugir og hundruðir miljóna. 20 miljón króna lán til 40 ára fer úr því að hafa greiðslubyrði upp á 17 falt lánið niður í 1,2 falt, þ.e úr 274 miljónum eftir 40 ár í 24 miljónir. Þetta eru rúmlega 800% munur sem þýðir þá mestu kjarabót sem íslenskum almenningi býðst upp á. Þarna munu færast á hverju ári 228 miljarðar frá auðmönnum til almennings. Mestu frjámagnsflutningar á milli stétta frá upphafi lýðveldisins.

[Magnús Sigurðsson, 16.7.2009 kl. 16:56]

Valsól, láttu þig dreyma.  Við erum Íslendingar ekki Finnar, Danir né Svíar.  En íslendingar bjuggum í moldarkofum í mörghundruð ár og voru þá í ríkjasambandi við öflugri þjóðir.  Fjarlægðin gerir fjöllin blá og langt til Húsavíkur.

[Rakel Sigurgeirsdóttir, 16.7.2009 kl. 16:58]

... og réttlætir það að meiri áhersla er lögð á inngöngu inn í ESB en að upplýsa glæpi auðmannanna sem settu okkur á hausinn? Það er ekki tilgangur minn að gera lítið úr rökum þínum en mig langar til að vita hvort þér finnist þetta rétt forgangsröðun?

[Magnús Sigurðsson, 16.7.2009 kl. 17:08]

Góð ábending Rakel.  Valsól gæti verið einn af þeim sem haldin er Gullfiskaminni.  SF stundum kölluð "Samspillingin" á stóran þátt í verðtryggðum uppgangi peningaaflanna og ekki má gleyma höfundi Húsbréfakerfisins sáluga þar sem afföllin fóru í 26% með 6% verðtryggðum vöxtum. 

Fyrir Gullfiskinn er rétt að rifja það upp að höfundur þeirra hörmunga er í dag forsætisráðherra velferðarstjórnarinnar.  Sennilega er samt leiðinlegt að spilla hátíðleika dagsins með svoleiði uppryfjun.

[Sigurður Helgi Ármannsson, 17.7.2009 kl. 06:46]

                    http://www.whatdoesitmean.com/index1250.htm   tad aettu allir ad flagga i halfa stong

[Magnús Sigurðsson, 17.7.2009 kl. 08:40]

Sæll Helgi, já íslendingar ættu að flagga í hálfa stöng hvar sem þeir eru staddir í veröldinni.  Því með þessum aðferðum sem Alþingi beytti í gær klauf það þjóðina og drap niður sjálfsbjararviðleitnina. 

Síðustu daga hefa ég verið að heyra í mörgum sem eru að yfirgefa landið.  Sú þróun sem framundan er verður svipuð og heur verið á landsbyggðinni undanfarin ár, fólkið fer suður, nú fer það bara leingra suður.

Velkominn á bloggið, ég ætla að skoða  http://www.whatdoesitmean.com/index1250.htm í dag.