Skuldina ber að greiða margfalda til baka.

Þetta myndband skírir vel um hvað málið snýst. 

http://www.youtube.com/watch?v=peiTfY7Bx4c

 

Þúsundir vilja greiðsluaðlögun

Athugasemdir

[Kristín (IP-tala skráð) 6.8.2009 kl. 16:41]

Ég skulda þessum útlendingum ekki peninga og hef aldrei gert .

Þetta fólk átti val eins og margir . Af hverju lögðu þau ekki inn á sína eigin banka? Var verið að " gambla "? Við eigum ekki að borga ICESAVE !

[Magnús Sigurðsson, 6.8.2009 kl. 16:53]

Kristín; auðvitað eigum við ekki að borga icesave undir nokkrum kringumstæðum. Innistæðusjóðurinn var ætlaður til þess upp að €20.000. En það á að láta skuldara borga margfalt til baka lánin sem þeir tóku auk icesave.

[Jón (IP-tala skráð) 6.8.2009 kl. 22:25]

Það á ekki að hjálpa fólki með sanngjörnum aðgerðum vegna gríðarlegrar hækkunnar skuldanna sem bankarnir stofnuðu til með glæparekstri sínum, en það á að fylla vasa lögfræðinga landsins. Þetta er viðbjóður.

[Magnús Sigurðsson, 6.8.2009 kl. 22:54]

Jón;einhverstaðar verður lögfræðingastóðið að hafa lífsviðurværi sitt víst þrotabúin eru svona gjörsamlega tóm.  Ekki var svo auðvelt að komast í skjól skattgreiðenda með því að bjóða sig fram til þings í vor.  Þar voru hagfræðingarnir búnir að færa sig heldur betur upp á skaftið eftir að þeir flýðu sökkvandi bankana. 

Þetta var hámenntað lið sem var á fínum launum við að setja Ísland á hausinn og það ætlar að vera á þeim launum áfram, nú hjá skattgriðendum.

Annars fjallar myndbandið um miklu skuggalegri staðreyndir en þetta.

[Arnmundur Kristinn Jónasson, 7.8.2009 kl. 01:39]

Það verður ljósara með hverjum degi að það er AGS sem stjórnar landinu, eða hvað finnst ykkur?

Það er hvorki vilji stjórnvalda né Alþjóðagjaldeyrissjóðsins að fara í almennar afskriftir, þar af leiðandi er bankanum það ekki heimilt.

Það er ómögulegt að segja til um það hvort eða hverju það breytir um endurskoðun biðlánanna ef erlendir kröfuhafar eignast bankann. Það getur margt gerst á þremur árum, ekki síst á þeim óvissutímum, sem við lifum nú. En það er engin ástæða til að ætla að gengið verði harðar að skuldurum með innheimtu biðlánanna ef erlendir kröfuhafar eignast bankann en þótt hann verði í innlendri eigu. Það er meginregla að nýir eigendur undirgangist þær skuldbindingar, sem fyrri eigandi hefur gert. Skilanefnd gamla bankans er auk þess fulltrúi kröfuhafa, jafnt erlendra sem innlendra, og skuldaaðlögunin var unnin í fullu samráði við skilanefndina og með samþykki hennar.

Viðskiptavinir stofnuðu sannanlega til þeirra lána, sem þeir eru greiðendur að í dag. Mönnum átti að vera ljós gengisáhættan, þótt auðvitað hafi enginn séð fyrir þær gríðarlegu kollsteypur sem gengi íslensku krónunnar hefur tekið síðasta árið. Það er því undir engum kringumstæðum hægt að halda því fram að menn séu að viðurkenna skuldir, sem menn stofnuðu ekki til með því að fara í skuldaaðlögun.

Þessar klausur eru teknar af heimasíðu Kaupþings í dag.  Það er gaman að sjá hversu mjög stjórnvöld, AGS og Kaupþing bera hag almennings fyrir brjósti. Ég skil vel fyrstu sneiðina, en verð að játa að hinar tvær standa ennþá í mér. Getur einhver hjápað mér og útskýrt hvað átt er við?

Þetta hlýtur samt að vera eitthvað gífurlega gott og hagstætt fyrir almenning, ég trúi ekki öðru. Svo er það bara að samþykkja nngöngu í ESB með bros á vör og borga nokkrar millur á mann í Icesave. Framtiðin er björt og lífið leikur við okkur!

[Magnús Sigurðsson, 7.8.2009 kl. 09:55]

Arnmundur; þakka þér fyrir innlitið.  Það er orðið alveg ljóst hvaða öfl stjórna landinu og Íslendingum er ætlað að borga margfaldan höfuðstól lánanna til baka. 

"Viðskiptavinir stofnuðu sannanlega til þeirra lána, sem þeir eru greiðendur að í dag. Mönnum átti að vera ljós gengisáhættan, þótt auðvitað hafi enginn séð fyrir þær gríðarlegu kollsteypur sem gengi íslensku krónunnar hefur tekið síðasta árið. Það er því undir engum kringumstæðum hægt að halda því fram að menn séu að viðurkenna skuldir, sem menn stofnuðu ekki til með því að fara í skuldaaðlögun." 

Þessi klausa segir allt sem segja þarf um það siðferði sem býr að baki þeirra lausna sem bankarnir bjóða skuldurum.  Þessi lausn Kaupþings er sett saman af sömu aðilum og kerfisbundið felldu krónuna.  Skilanefndin er samanstendur m.a. af endurskoðendum sem skrifuðu upp á uppgjör sem gaf eiginfjárstöðu til kinna sem var meira en lítið bjöguð.

Kaupþing hafði gefið það út að í burðarliðnum væri lausn á vanda þeirra sem væru með gengisbundin lán.  Hún átti að felast í því að greiðslubyrðin væri sú sama og í maí 2007, til greina kæmi að afskrifa einhvern hluta af því sem væri umfram 110% af markaðsverði, það sem útaf stæði yrði fært aftur fyrir lánstímann og á því tekið þegar þar að kæmi.  Þá væri möguleiki á að gengið hefði styrkst þannig að ekki yrðu um eins hrikalega eignaupptöku að ræða.

Eftir að ríkisstjórnin tilkynnti einkavæðingu Kaupþings var þessum hugmyndum kollvarpað.  Breyta á gengisbundnu láni yfir í íslenskt verðtryggt lán, greiðslubyrðin á að vera allt sem þú getur látið af hendi rakna miðað við 110% virði eignarinnar, því sem útaf stendur á að breyta í 100% verðtryggt kúlulán til þriggja ára.  Það þekkja allir íslendingar hvernig verðtryggð lán haga sér, þarna á að reyna að hafa fólk að þeim fíflum að halda áfram að borga af vonlausu dæmi í þrjú ár´treystandi á það að siðferði stjórnenda bankanns hafi breyst að þeim tima liðnum.