Icesave verður smþykkt, engin hætta á öðru.

Nú þyngist áróðurinn og dramatíkin verður átakanlegri í icesave leikritinu.  Það er lítil hætta á öðru en leikararnir 63 finni lausn á því að koma icesave skuldum einkabankans yfir á aalmenning þó svo að það verði sennilega ekki 63-0.  Því að öðrum kosti verða þeir að skera niður hjá elítunni.  Jóhanna kom klökk og skjálfrödduð fram í sjónvarpsréttum í gær yfir hugsanlegur örlögum ríkisstjórnarinnar og þar með elítunnar.  Dramatíkin í röddinni var í svipuðum tón og þegar hún kom fram 6. október s.l. og talaði um skjaldborgina fyrir heimilin.

Það sem almenningur hefur mátt horfa upp á eftir hrunið er að elítan ætlar með öllum ráðum að sitja áfram við valdaborðið.  Þetta er farið að minna óþyrmilega á veisluborð þar sem menn éta á sig drullu og standa upp til að hafa sætaskipti, en rétt á meðan ekki var setið á almenningur í hlutverki ræstingakonunnar að þrífa sætin.  Þetta lið þrífst ekki á öðru en hnallþórum í formi kúlulána og nú á að taka þau af ríkinu á kostnað almennings.

Samkvæmt fréttum gerir "Jón Sigurðsson ráð fyrir að efnislega ljúki samningaviðræðum við Pólverja um 200 milljóna dala lánveitingu til Íslendinga á næstu vikum. Formlega má ætla að samningum verði lokið í september. Þetta segir Jón Sigurðsson, formaður samninganefndar íslenska ríkisins, um gjaldeyrislán."  Ef mér skjöplast ekki er þetta sami Jón Sigurðsson og var fyrrverandi stjórnaformaður hins umdeilda FME sem svaf vært, ekki bara á icseave verðinum heldur einnig gagnvart íslenskum almenningi.  Nú er hann eitt helsta andlit Íslands út á við í samninganefnd við að slá lán hjá hinu margrómaða alþjóðasamfélagi. 

Samkvæmt fréttum "stendur skilanefnd Glitnis  í málaferlum við félag í eigu Sigurðar Helgasonar, nýkjörins stjórnarformanns Icelandair, vegna gjaldfallinnar skuldar. Sigurður og félag hans Skildingur skulda Glitni einn og hálfan milljarð. Skilanefndin hefur meðal annars kyrrsett tugmilljóna króna innistæðu félagsins."  Skilanefndin er skipuð endurskoðendum sem kvittuðu upp á uppgjör Glitnis sem sýndu frábæra afkomu.  Nú sjá þeir engan hæfar en Sigurð til að taka við stjórnaformennsku Icelandair.

Þetta eru m.a. fréttir sem hafa verið að birtast síðustu klukkustundir, ef fréttir síðustu mánaða af þessu tagi yrðu súmmaðir í eitt, er hætt við að almenningi yrði meira en lítið flökurt.

Ríkisstjórn á suðupunkti

Athugasemdir

[Héðinn Björnsson, 11.8.2009 kl. 12:32]

Ég held að það sé nokkuð ljóst að Sjálfstæðisflokkurinn mun sjá til þess að málið renni í gegn, þó þeir líti út fyrir að vera andstæðingar þess. Þannig muni Þorgerður Katrín og hópur í kringum hana bíða fram á síðustu stundu til að sjá hvort þau geti leyft sér að vera á móti samkomulaginu án þess að það falli og styðja það eða sitja hjá ella. Samtök atvinnulífsins láta ekki svona mál ráðast af tilviljunum.

[Árni Gunnarsson, 11.8.2009 kl. 12:42]

Ætli þetta sé ekki rétt mat hjá þér Héðinn. Þorgerður mun svo verða vonbiðill Samfylkingarinnar við myndun næstu ríkisstjórnar. Með ESB hluta sjallanna í farteskinu. Þá verður kátt í höllinni og Össur kyssir hana í beinni á báðar kinnar.

[Grétar (IP-tala skráð) 11.8.2009 kl. 12:53]

Er skilanefndin skipuð endurskoðendum sem kvittuðu uppá uppgjör Glitnis?  Hvaða endurskoðendur eru það?

[Magnús Sigurðsson, 11.8.2009 kl. 12:55]

Sammála ykkur Héðinn og Árni; þetta mun fá farveg í gegnum þingið hvaða nöfn sem verða svo í alhlutverkum.  Þetta er sama leikritið og í ESB aðildarumsókninni, nú tekur það bara lengri tíma að skipa leikurum í hlutverk. Svo má ekki gleyma því að það þarf að eyða meiri tíma í að leika rulluna en í ESB, því núna þarf að fara gegn vilja 80% þjóðarinnar.

[Magnús Sigurðsson, 11.8.2009 kl. 12:56]

Hver ert þú Grétar?

[Sævar Einarsson, 11.8.2009 kl. 12:57]

Núna vantar skilanefnd yfir ríkisstjórn íslands ...

[Magnús Sigurðsson, 11.8.2009 kl. 13:03]

Sævarinn;sú skilanefnd yrði væntanlega skipuð einvala liði sem verður fjármagnað með risa kúluláni sem kemur þá væntanlega til með að stórbæta stöðu ríkissjóðs samkvæmt hagfræðikenningum elítunnar.

[Árni Gunnarsson, 11.8.2009 kl. 13:05]

Skilanefndir; Já, ja- há! Fyrir tveimur dögum, að mig minnir skýrði Arnþrúður Karlsd. frá því á Útvarpi Sögu að hún hefði heyrt frá einum úr skilanefnd banka (hvaða banka?) að þar hefði horfið skuldabréf upp á litla 13 milljarða. Hún var hálf vandræðaleg þegar hún skýrði frá þessu og hikandi því auðvitað gat hún ekki gengið lengra við að upplýsa þetta. Ég held að mér hafi ekki misheyrst en hvergi hef ég séð eða heyrt þetta annars staðar. Þessar skilanefndir eru auðvitað kapítuli út af fyrir sig. Þær voru skipaðar af ríkisstjórn Geirs og Ingibjargar, þess sómafólks.

Aftur á móti var Eva Joly ekki ráðin á þeirra vegum en það var hinsvegar hinn sérstaki saksóknari! 

[Magnús Sigurðsson, 11.8.2009 kl. 13:13]

Árni;  heldurðu að Eva sé ennþá í náðinni eftir að hún hélt því fram í blaðagrein að Íslendingar gætu hvorki greitt icesave né IMF lánin?

Eða var henni kannski aldrei ætlað annað en að vera sérstök fjöður í hatti sérstaks saksóknara?

[Árni Gunnarsson, 11.8.2009 kl. 15:21]

Eva er komin í þá stöðu að enginn þorir að amast við henni nema í hvíslingum milli manna. En auðvitað sögðu viðbrögð Hrannars B. allt sem segja þurfti. Þeir sem til þekkja segja fullum fetum að Jóhanna sé strengjabrúða Hrannars og hann sé hugmyndafræðingur ríkisstjórnarinnar bak við tjöldin. Ekki ónýtt að hafa svo gildan póltíkus til ráðuneytis! Nú held ég að engum blandist lengur hugur með að íslenska þjóin er fórnarlamb ESB draums Samfylkingarinnar og Icesave er gulrótin sem það huggulega apparat heimtar að verði gleypt möglunaralaust.

Djöfulsins viðbjóður!

[Magnús Sigurðsson, 11.8.2009 kl. 15:36]

Satt er það viðbjóður er þetta.  En leikritinu við Austurvöll er að takast ætlunarverkið. Í byrjun snérist umræðan um að hafna icesave, síðan að hafna icesave samningnum með því að segja já og meina nei, nú  snýst málið um hversu kurteislega á að segja samþykkja samninginn með hugsanlegum fyrirvörum ef það kynni að verða útilokað að við getum borgað, sem það er.  Allt gengur þetta út á að afla áframhaldandi lánsfjár til að halda elítunni gangandi.

Meiri hluti almennings hefur alltaf haft það á hreinu að það ber að hafna icesave.  Það sýna  kannanir en Alþingi reynir að koma því þannig fyrir að það geti haft vit fyrir 80% þjóðarinnar með góðum meirihluta.  ESB umsóknin var jafnari þar gekk þetta ekki lengra gegn almenningi en að kljúfa þjóðina.  Hver hefði trúað því fyrirfram að um þessi málefni snérist björgunarleiðangur stjórnmálamanna þegar í nauðir rekur.

[Grétar (IP-tala skráð) 11.8.2009 kl. 19:05]

Hver ég er?  Bara maður sem spurði þig út í fullyrðingar þínar.  Áttu kannski ekki svar?

[Magnús Sigurðsson, 11.8.2009 kl. 20:46]

Sæll Grétar, Það er viðkunnanlegra að hafa einhverja hugmynd um hver spyr því ekki hef ég neinn sérstakan áhuga á persónulegum særindum. 

Ef setningin "Skilanefndin er skipuð endurskoðendum sem kvittuðu upp á uppgjör Glitnis sem sýndu frábæra afkomu." fer í taugarnar á þér þá er sjálfsagt að skipta út orðinu "endurskoðendum" og setja orðið "aðilum" í staðinn.

Að öðru leit vísa ég til setu manna við veisluborðið og hrókeringa á sætum.  Því það hefur komi nokkuð skírt fram í fréttum í hverju val í skilanefndir var grundvallað á sínum tíma.