Lífskjör hverra munu ekki skerðast?

Undanfarna daga hefur það orðið ljósar með hverjum deginum hverskonar leikrit hefur verið í gangi hjá kjörnum fulltrúum þjóðarinnar.  Icesave verður samþykkt, engin hætta á öðru.  Það er því orðið nokkuð ljóst að stjórnmálamennirnir ætla fyrst og fremst að hafa hag bankana og stjórnkerfisins að leiðarljósi.

Fulltrúar allra flokkar eigi undarlegan feril í þessu icesave máli, sem oft á tíðum hefur varla verið hægt að flokka undir annað en lýðskrum í ljósi þessarar niðurstöðu.  Sennilega hefur fulltrúi Borgarahreyfingarinnar komist að skringilegustu niðurstöðunni þegar hafðar eru í huga röksemdir hans í ESB málinu.   

Hann lætur hafa eftir sér að; "Með þessum breytingum sé tryggt að lífskjör Íslendinga skerðist ekki vegna þessara skuldbindinga."  Það hefur semsagt verið unnin stórkostlegur varnarsigur, að hætti sendiherranns. 

Lífskjör hvaða Íslendinga munu ekki skerðast, við það að hella skuldum einkabanka yfir almenning?

Samkomulag í fjárlaganefnd

Athugasemdir

[(IP-tala skráð) 15.8.2009 kl. 11:24]

Góð spurning, sem væri gott að fá svar við. Held að næsta mál á dagskrá sé að hætta að gjalda keisaranum það sem honum ber og fara hér eftir að hugsa eingögnu um eigin hag og sinna nánustu án milligögnu ríkissjóðs.

[Magnús Sigurðsson, 15.8.2009 kl. 12:05]

Skarplega athugað hjá þér Sigurlaug.  Ég verð kominn með hænur á svalirnar, veiðistöng í garðinn á Stöðvarfirði áður en langt um líður.  Verst hvernig fór með kartöflugarðinn.  Það er komið að þeim tímapunkti að Keisarinn verði að komast af án minnar hjálpar. 

En það ætti ekki að vera stórmál að skattleggja sendiherrana fyrir icesave mismuninum.  Þeir eru allavega nokkrir hér á landi sem sitja á fínum launum heima í stofu og bíða eftir því að komast í kokteilboðin á erlendir grund.  Lagerstaðan af sendiherrum hefur sjaldan verið betri.

[Magnús Sigurðsson, 15.8.2009 kl. 13:04]

Eftir að hafa lesið fyrirvarana við ríkisábyrgð á icesavesamningnum get ég ekki séð annað en að þingmönnum muni takast að koma á legg stórkostlegri atvinnubóta vinnu við stöðugt eftirlit með fyrirvörunum.  Stjórnkerfið verði að koma sér upp her sérfræðinga.  Þá er eins gott að þeir afgreiði ekki málið eins og sendiherrann knái, sem nennti ekki að hafa þetta hangandi yfir sér lengur.

Í þessum fyrirvörum kristallast þau sannindi að stjórnmálamenn leysa engan vanda, það eru þeir þeir sem búa hann til.  Þeir glíma því stöðugt við afleiðingar misstaka sinna en vilja ekki viðurkenna orsakir þeirra, því þá kæmi það í ljós að þeir væru óþarfir.

Fyrirvarana má sjá hér.