Nýr brjálæðingur kominn í Seðlabankann.

Það er greinilegt að nýr brjálæðingur er tekin við í Seðlabankanum, hálfu verra vítisbarn en fyrirrennararnir.  Sennilega er hann langt kominn með að eyða IMF láninu icesave til heiðurs.  Það hefði auðvitað verið skelfilegt fyrir velferðarstjórnina ef krónan hefði hvorki hætt að falla við ESB umsókn né við það að setja icesave drápsklyfjarnar á almenning.  

Nú er hagfræðingastóðið í Seðlabankanum þegar farið að undirbúa vaxtahækkun til að mæta skaðanum til að forða seðlabankanum frá öðru gjaldþroti á stuttum tíma. Þá er Már Guðmundsson aldeilis á heimavelli sem gamall aðalhagfræðingur við bankann, þrautreyndur í vaxtaokri.

Kraftmikil inngrip Seðlabanka

Athugasemdir

[ViceRoy, 29.8.2009 kl. 00:02]

Nei nei nei, þetta er schnilldar hugmynd sjáðu til... Seðlabankinn selur evruna, 500.000 stykki talsins til bankanna, á genginu 180 krónur... kaupir þær svo aftur á 183 krónur, svo gjaldeyrinn skili sér, og það daginn eftir... Selur þeim svo tvisvar sinnum  næsta dag á 180 krónur. 500.000 krónur talsins og kaupir aftur á 183 krónur... Þannig getur Seðlabankinn sýnt fram á jákvæða þróun á gjaldeyrismarkaði gangvart krónu í enda dags og með því styrkt hana þar sem eftirspurn hefur aukist dag frá degi... Bankarnir græða á mismuninum, seðlabankanum tókst að styrkja krónuna.... eða heyrðu mig... væri það kannski farið að hljóma kunnulega í eyrum okkar Íslendinga? Humm :P

Stýrivextir verða hækkaðir á næstunni... Það mun ekki koma krónunni neitt áfram nema í, hugsa ég, stuttan tíma, ef þá það.... Það gerði ekkert fyrir krónuna á lækka stýrivextina... af hverju ætti þróunin eitthvað að ganga til baka og hækka þá? Stýrivextir voru 18% en eru nú... hvað sem þeir eru, 13% eða hvað þeir eru í dag (lækkunin á þeim hljómar eins og lækkunin var orðin á genginu, hættur að fylgjast með því af góðum ástæðum)...

En það kemur víst í ljós á fimmtudaginn í næstu viku. 

[Magnús Sigurðsson, 29.8.2009 kl. 08:34]

ViceRoy; mér hafði ekki dottið þessi snilldar flétta í hug, en auðvitað segir það sig sjálft að í svona lokuðu hagkerfi gjaldeyrishafta má stunda sápukúlu hagfræði eftir eyranu.  Það þarf bara að treysta á heiðarleika viðskiptabankanna svo ekkert leki úr kúlunni.  því er sjálfsagt engin hætta á að sagan frá í október endurtaki sig þegar Seðlabankinn kláraði gjaldeirsforðann á hálftíma og fór á hausinn.

Já þeir hafa látið það heyrast að rétt sé að huga að vaxtahækkun, svona til að styrkja gengið aðeins og halda landsins forna fjanda verðbólgunni í skefjum.  Það verður fróðlegt að sjá hvernig þessir hámenntuðu hagfræðingar sem hafa haft atvinnu af því undanfarin ár, að koma Íslandi í fremstu röð meðal þróaðra ríka, rökstyðja næstu skref í peningamálastefnunni.

Þessi færsla hjá mér er því ekkert annað en fáviska sem sett er fram í stundarbrjálæði.  Auðvitað búum við í nýju Íslandi þar sem allt er uppi á borðinu og sápukúlurnar eiga eftir að bera ríkulegan ávöxt.  Ég biðst velvirðingar á þessu frumhlaupi.

[Magnús Sigurðsson, 31.8.2009 kl. 20:29]

"Gjaldeyrisforði Seðlabankans hefur rýrnað um rúma hundrað milljarða króna á síðustu tíu mánuðum eða því sem nemur láni Alþjóðagjaldeyrissjóðsins til íslands. Bankinn notaði rúman hálfan milljarð króna í síðustu viku til að styrkja gengi krónunnar um 3 prósent en óvíst er að sú styrking haldi."

Þetta kemur fram á visi.is í kvöld

http://www.visir.is/article/20090831/VIDSKIPTI06/520111056

Ekki atti að nota AGS lánið.  Það eru aðeins tveir dagar síðan að viðskiptaráðherra fullyrti að einungis væri búið að nota óverulega upphæð af þessu AGS láni til að styrkja gengið svo sennilega er þarna um allt aðra fjármuni að ræða.