Sterling trixin tekin á icesave.

Það er alltaf jafn athyglivert þegar menn ná samkomulagi við sjálfa sig, nær undantekningarlaust verður útkoman frábær.  Nú hafa íslensk stjórnvöld, gamli gjaldþrota Landsbankinn og nýi fjárvana Landsbankinn náð samkomulagi um uppgjör sem gerir ráð fyrir að 90% fáist upp í icesave. 

Eins og kunnugt er orðið er allur pakkinn á framfæri íslenskra skattgreiðenda.   Þetta hlýtur því að teljast frábær árangur og eru varla dæmi um eins jákvæða fjármuna myndun síðan Sterling gekk kaupum og sölum, sælla minninga.

Bankamenn geta einnig andað léttar, þeir sem misstu vinnuna flestir komnir í vinnu aftur hjá gömlu þrotabúunum eða nýju févana bönkunum við að annast verðmætin.  Svona atvinnusköpun hafa einungis útrásarvíkingar og pólitíkusar getað staðið fyrir.  En ætla má að almenningur borgi brúsann að meira eða minna leiti á endanum.

90% upp í forgangskröfur

Athugasemdir

[Guðmundur Ásgeirsson, 12.10.2009 kl. 22:07]

Ef heimturnar verða svona góðar þá mun ríkissjóður þurfa að borga 410 milljarða fyrir að kaupa NBI hf. af skilanefnd gamla Landsbankans. (Óháð niðurstöðu IceSave)

[Magnús Sigurðsson, 12.10.2009 kl. 22:26]

Það er sem ég segi Guðmundur, hefðbundin gullgerðarlist þar sem verið er að taka Sterlinginn á icesave.