Verkfæri fjármagnseigenda.

Sagt er að grundvallar tilgangur ríkisstjórna nútímans sé að vera verkfæri fjármagnseigenda að vösum almennings.  Þau sannindi hafa sjaldan opinberast eins rækilega og síðastliðið ár.  Ræningjar nútímans eru eru jakkafataklæddir og njóta aðstoðar stjórnmálamanna.  Rán nútímans fara fram með því að ræna banka og sjóði innanfrá og láta síðan almenning borga brúsann í formi, skatta, vaxta, verðbólgu og greiðslna í lífeyrissjóði.  Skattar eru notaðir til að greiða skuldir ríkisins við lánadrottna sem urðu til þegar sömu aðilar tæmdu banka og sjóði innanfrá,  almenningur er látin borga vexti af stökkbreyttum höfuðstól, verðbólgan malar gull í gegnum vertrygginguna og sem fyrr er launafólki gert að láta 12 % tekna sinna renna  lífeyrissjóði án þess að skattleggja iðgjaldagreiðslur fyrirfram, því þá myndi spilapottur þeirra jakkafataklæddu minka. 

 

Sömu aðilar og komu okkur í þessa stöðu telja síðan almenningi trú um að þeir séu best til þess fallnir að greiða úr flækjunni og ránið heldur áfram.  Það að kenna núsitjandi ríkisstjórn Íslands við velferðarstjórn og ASÍ við alþýðu eru einhver mestu öfugmæli sem hægt er að huga sér, nema átt sé við velferð fjármagnsins.  Það hefur aldrei áður á Íslandi verið við völd ríkisstjórn og verkalýðsforysta sem hefur gengið eins hart fram í þágu fjármagnseigenda.  Nú er ekki svo að lengur sé um eiginlega íslenska fjármagneigendur að ræða, því þeir eru ekki til hér á landi, nema þá sem tækifærissinnaðar afætur á almenningi, hinn raunverulegur auður þjóðarinnar rennur úr landi.

 

Það er ekki þar með sagt að einhver önnur ríkisstjórn eða aðilar vinnumarkaðar hefðu farið öðruvísi að og það er ekki mikill stigsmunur á ríkisstjórnum annarra þjóða sem keppast við að moka skattgreiðslum í bankakerfið.  En hér er viðnámið nákvæmlega ekkert.  Þegar Micael Hudson  talaði um "Stríðið gegn Íslandi" í apríl síðastliðnum þá mátti hverju mannsbarni vera ljóst hver vígstaðan var.  Sem aldrei fyrr mun afraksturinn af vinnu Íslendinga renna til þeirra ofurríku.  Þetta er að gerast með aðstoð ríkisstjórnarinnar og aðila vinnumarkaðarins, AGS sér svo um heimturnar.  Staðan er orðin þannig að hinn almenni borgari þarf í reynd að taka lán, til að borga sér laun, borga skatta og safna upp lífeyrissréttindum.  Síðan á að treysta þeim aðilum sem létu greipar sópa innanfrá til að ráðstafa pakkanum.

Íslenska leið peniganna til fjármagseigenda.

Ameriska leiðin.

 

Hinn hámenntaði hagfræðingur.

Skoða hærra tryggingagjald og þrep í tekjuskatti

Athugasemdir

[Helgi Armannsson (IP-tala skráð) 30.10.2009 kl. 10:44]

samala ter Magnus her er god lesning a vald.org   http://www.vald.org/greinar/091029.html

[Magnús Sigurðsson, 30.10.2009 kl. 10:57]

Helgi;  þetta er þörf lesning á http://www.vald.org/greinar/091029.html .

Ég hef verið að lesa nýju bókina hans Robert Kiyosaki, Conspiracy of the Rich. Samkvæmt honum á sama þróun sér stað um allan heim.  En hérna á Íslandi er hún kannski hvað íktust og auðsýnilegust.

Ég á kannski eftir að birta blogg byggð á nýju bókinni hans Roberts Kiyosaki, það skemmtilega við hana að hann bendir venjulega fólki á leiðir til að komast af í þeirri hringiðu sem fjármálaheimurinn býr því.

[Helgi Armannsson (IP-tala skráð) 30.10.2009 kl. 11:03]

eg tarf endilega ad fa mer tessa bok

[Magnús Sigurðsson, 30.10.2009 kl. 11:11]

Helgi;  það ætti hver maður að gera, því eins og hann bendir á þá fylgja öllum breytingum mikil tækifæri.  Það líka nokkuð ljóst að í fármálum s.s. ráðstöfun eftirlauna, verður hver manneskja að treysta á sjálfa sig.  Þessir fuglar sjá um a öllu öllu steini léttara verður stolið venjulegu fólki.

[(IP-tala skráð) 30.10.2009 kl. 11:28]

Góð grein hjá þér Magnús, hlakka til að lesa meira.

[Magnús Sigurðsson, 30.10.2009 kl. 11:36]

Sigurlaug;  þakka þér fyrir það.  Ég skal birta blogg um þessa bók hans Robert Kyiyosaki en hún kom út í september s.l..

Það er til ein bók á íslensku eftir hann hún kom upphaflega út 1997 en á íslensku í fyrra.  Hún heitir "Ríki pabbi, fátæki pabbi".

Það skemmtilega við Kiyosaki að hann virðist vera harðsvíraður capitalisti fyrir venjulegt fólk, er lítið að velta sér upp úr kenningum en kemur með dæmi sem gagnast venjulegu fólki í fjármálum þess.

[Sigurður Þórðarson, 30.10.2009 kl. 13:15]

Þú hefur mikið til þíns máls Magnús, því miður. En það ber að segja hverja sögu eins og hún er.

[Magnús Sigurðsson, 30.10.2009 kl. 13:46]

Sigurður;  þakka þér fyrir innlitið.  Því miður virðast hvorki ríkisstjórnin né launþegasamtök koma auga á að beita skattheimtu í þágu launafólks með því t.d. að skattleggja iðgjöld í lífeyrissjóði fyrirfram.  Megin skýringin á því hlýtur að vera sú að þá hafa vörsluaðilar sjóðanna úr minna að spila. 

Hins vegar ætti hverju mannsbarni að vera það ljóst að inngreiðslur í þessa sjóði við núverandi aðstæður, verða ekki til staðar þegar kemur að því að njóta þeirra sem lífeyrissgreiðslna.

[SeeingRed, 30.10.2009 kl. 15:05]

Góð færsla, svona er þetta því miður og eins gott að átta sig á því.

[Magnús Sigurðsson, 30.10.2009 kl. 15:17]

Seeing Red;  sammála eins gott að átta sig á stöðunni og taka ákvarðanir út frá því.  Í hverri stöðu felast tækifæri, en þau tækifæri sem ríkisstjórnin og stöðugleikaliðið boða eru ekki fyrir launafólk.  Almenningi er ætlað að einungis ætlað að vera féþúfa svo geimið geti haldið áfram.

[Guðni Karl Harðarson, 1.11.2009 kl. 12:25]

Magnús; góður pistill hjá þér. Ég er þér svo hjartanlega sammála með að almenningi sé einungis ætlað að vera féþúfa svo geimið geti haldið áfram.

Ég held að það sé að fara í gang Þjóðarvitund um að svona gangi þetta lengur! Því meir sem við skrifum og tölum við fólk um þessi mál því góðum málstað okkur almennings til framdráttar inn í framtíðina!

[Magnús Sigurðsson, 1.11.2009 kl. 22:53]

Guðni;  þakka þér fyrir innlitið og góð orð í minn garð.  Vonandi er vitund fólks að vakna um þá tálsýn sem að okkur er haldið það ætti að vera auðvelt að koma auga á hið rétta samhengi hlutana hér á landi eins og mál hafa þróast.  Spaugstofan hefur oft á tíðum komið með raunsönnustu lýsinguna á stöðunni.