Góðar skuldir / slæmar skuldir.

Ferða þjónustan er að skila verulega jákvæðum þjónustujöfnuði á þriðja ársfjórðungi 2009.  Það góða við þetta er hvað það er breiður hópur sem starfar við ferðaþjónustu.  Íslendingar voru fljótir að taka við sér s.l. vor þegar ljóst var að aðsókn ferðamanna yrði mikil í ljósi hagstæðs verðlags fyrir erlenda ferðamenn. Ferðaþjónustu fyrirtæki blómstruðu stór sem smá. Vonandi heldur þessi þróun áfram á næsta ári þrátt fyrir nýlegar skatthækkanir  sem stefnt er gegn þessari atvinnugrein.

 

Ein gagnlegasta hugsun sem hægt er að innræta sér er "hvernig hef ég efni á því og get gert það" í stað þess að hugsa "þetta get ég ekki, hef ekki efni á því".  Þeim árangri er best að ná með því að hugsa út frá tekjum, að tekjurnar verði meiri en gjöldin.  Undanfarin ár hefur viðmiðið verið eignir í stað tekna.  Hagnaður hefur orðið til vegna hækkana eigna.  Eignirnar eru arfleður skulda sem urðu til þegar fjárfest var í þessum eignum. Peningar verða ekki til nema í formi skulda sem einhver er tilbúin að stofna til.  Það skiptir því öllu máli hvort stofnað er til góðra eða slæmra skulda.

 

Meirihluti fólks stofnar til skulda til að fjárfesta í eignum sem ekki gefa beinar tekjur.  Heldur eignum sem taka frá því tekjur s.s. eigin íbúðarhúsnæði og langtímasparnað.  Þetta eru í raun slæmar skuldir þar sem treyst er á að verðgildi fjárfestingarinnar hækki aðeins vegna þess að fjárfest hefur verið.  Góðar skuldir eru hins vegar einnig til, það eru þær skuldir sem sem gefa meiri tekjur en þarf til greiða niður skuldir frá mánuði til mánaðar.  Þær skuldir skila lántakandanum tekjum.

 

Það er greinilegt að tækifærin eru m.a. í ferðaþjónustu, kannski fyrir fleiri en það gruna.  Það er hugmyndaflug sem býr til tekjur úr skuldum sem hefur gert þennan þjónustujöfnuð jákvæðan.  Vonandi drepur stóraukin skattheimta ekki hugmyndaflug landans.

 

Pat Mesiti er líflegur fyrirlesari um það sem mörgum þykir leiðinlegt, þ.e. fjármál.

http://www.youtube.com/watch?v=kZNA9_BxGo0&feature=player_embedded

Þjónustujöfnuður jákvæður

Athugasemdir

[Ragnar Gunnlaugsson, 25.11.2009 kl. 10:56]

Þetta er sko hárrétt að það er ekki sama hvort tekin eru lán til að auka tekjur þanig að þær standi undir láninu og helst rúmlega það,eða tekið sé lán sem auka útgjöld t.d. til að bæta við bíl eða í altof stóru húsnæði .Slík lán eru nú að fara illa með margan þegar að kreppir.

[Magnús Sigurðsson, 25.11.2009 kl. 12:03]

Ragnar;  takk fyrir innlitið.  Svo er það spurning hvort þeir sem tóku lán sem ekki gefa tekjur geti notfært sér þau tækifæri eru til að skapa tekjur? 

Hugmyndaflugið getur stundum breytt slæmum skuldum í góðar.

[(IP-tala skráð) 25.11.2009 kl. 23:21]

Greinilegur að vanda ertu Maggi minn.

[Magnús Sigurðsson, 26.11.2009 kl. 09:22]

Sigurlaug;  þakka þér fyrir innlitið.    Það er best að gera slæmar skuldir að góðum verklega.  Einnig er hægt að æfa sig með því að spila Matador ef maður vill æfingu í hagfræði nútímans án þess að taka fjárhagslega áhættu. 

Eitt af því sem fólk ætti að íhuga er að lánsfé er skattfrjáls peningur.  Ef hægt er að skapa sér tekjur með lánsfé, auk þess að standa undir kostnaði, þá eru peningarnir farnir að vinna fyrir skuldarann en ekki öfugt.