Er NATO málið á ófriðarbálið?

Aðgerðaleysi eykur mannfall

Náms-iðnaðurinn fer illa með marga.

Það er alltaf ánægjulegt þegar ungt fólk sér að sér og lætur ekki spila með sig lengur.  Það er aftur verra hversu margir hefja nám upp á gömlu mýtuna að þannig bjóðist betur launuð vinna. 

Það er engin trygging fyrir því lengur að nám skili nokkru þegar kemur að vinnu.  Það eina sem er víst þegar farið er í nám að það kostar mikið meira en fyrir örfáum árum síða, fólk situr jafnvel uppi með skuldirnar ævilangt og þá einskírsverðu þekkingu að vita mikið um lítið.  Hefðbundið nám hefur því smá saman verið að breytast í ávísun á fátækt.

Hérna er heimildarmynd um eina srtærstu loftbólu sem blásin hefur verið frá því fasteignabólan sprakk, það er námsiðnaðurinn.  Myndin er það vel úr garði gerð að henni hefur verið oftar en einu sinni úthýst af youtube af öflum sem ekki vilja missa spón úr sínum aski.

Hátt brottfall úr skólum á Íslandi

Palli ekki einn í heiminum.

Rétt af þeim hjá á mbl að gera ástandinu í Aserbadaían góð skil fyrir eurovision, þeim verður aldrei gert of vel skil mannréttindabrotunum í fjarlægum löndum. 

Íbúar borgarinnar Bakú þurftu að yfirgefa heimili sín til að rýma svæði fyrir Kristalshöllina þar sem eurovision glamörin fer fram. Fólkinu voru ekki einu sinni boðnar bætur fyrir hús sín sem duga til að koma öðru þaki yfir höfuðið, svei attann kannast einhver við því líkt og annað eins. 

Þar að auki  er Aserbaídjan land með ein spilltustu stjórnvöld í heimi, slær út helferðarhyskið og náhirðina á alþjóðlegum mælikvörðum.

Það skal engan undra þó Palli ætli ekki að taka glamör snúning fyrir svona hyski. 

Evróvisjón í skugga kúgunar?

Fagra veröld, þar sem við erum.

Alan Wilson Watts (1915 - 1973) var breskur heimspekingur, rithöfundur og ræðumaður, best þekktur sem vinsæll fyrirlesari í Austurlenskri heimspeki. Honum voru trúarbrögð hugleikin og þá einkum munur Austurs og Vesturs.  Hann gerði Zen Búddisma góð skil og lagði til að Búddismi yrði gerður að einu formi sálfræðimeðferðar, Búddismi væri mikið meira en bara trúarbrögð.

Watts benti á að þó svo Vesturlönd aðhylltust Kristin gildi þá færu þau ekki endilega eftir þeim og benti meðal annars á þá kenningu Krists í því sambandi "Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim?" sem alls ekki gæti samræmst efnahagsmódelinu um hagvöxt.  Eins benti hann á að peningar væru aðeins mæliening á verðmæti og hversu einkennilegt það hefði verið í kreppunni miklu að þá hefði verið til meira en nóg af öllu nema peningum.  Kreppu af þessu tægi mætti líka við að smiðir gætu ekki byggt hús vegna þess að þeim vantaði ekkert nema sentímetrana. 

Það er mikið til af efni eftir Alan Watts á internetinu, fjöldi fyrirlestra og myndbanda.  Alan Watts er einn af þessum orðheppnu tímalausu mönnum sem á erindi við fólk á öllum tímum.

Tímabært að senda Mafíuni fingurinn.

Það eru ekki margir áratugir síðan að bæjarfélag á Íslandi greip til sömu aðgerða og þeir í Bristol, en það var á Djúpavogi rétt fyrir 1970.  Þar voru Djúpavogspeningarnir aðal gjaldmiðillinn í eitt ár.  Um þetta má lesa í bókinni hans Más Karlsonar, Fólkið í plássinu. 

 

Djúpavogs peningarnir vöktu frá upphafi áhuga minn, því þegar ég heyrði af þeim fyrst, sjö ára polli á Egilsstöðum, varð ég viðþolslaus að komast á Djúpavog.  Á Egilsstöðum var talað um að þeir væru farnir að versla fyrir Mattador peninga á Djúpavogi og af þeim átti ég nóg.  Þó svo að ég kæmist ekki á Djúpavog á meðan sjálfstæður gjaldmiðill var þar í gildi þá bjó ég þar í 17 af mínum bestu árum.  Þar kynntist ég Má og hans stór skemmtilegu sögum og mér þótti stórmerkilegt að fá frá fyrstu hendi að heyra sögu Djúpavogspeninganna.  það má segja að Már hafi verið Seðlabankastjóri Djúpavogs, sem gjaldkeri Kaupfélagsins. 

Rétt fyrir hrunið 2008 þegar gengið féll hvað mest komu Djúpavogspeningarnir upp í hugann og bloggaði ég um þá hér á síðunni.  Það er ómetanlegt að saga þessa gjaldmiðils skuli vera komin út á prenti frá fyrstu hendi.

Bókin hans Más, Fólkið í plássinu, er að vísu löngu uppseld þó svo að það sé bara rúmt ár síðan hún kom út, en það má vafalaust nálgast hana á flestum bókasöfnum landsins.

Bristol gefur út eigin gjaldmiðil

Hvernig fólk er fíflað.

Baulaðu nú búkolla.

 

Með lýðræðinu er leyfilegt að beita öllum meðulum, fjármálalegum fasisma á vesturlöndum, þar sem skattgreiðendur eru rændir reglulega og öflugustu hernaðartækni á íbúa mið-austurlanda svo þeir upplifi dásemdir lýðræðislega fasismans, kostuðum með skattfé íbúa vesturlanda.  Þær nýtast víða fasista beljurnar.

 

Clinton: Sameinumst gegn einræði

Alþjóðaglæpasamfélagið.

Útiloka ekki árásir á Íran

Of seint að kenna gömlum hundi að sitja.

Lífeyrissjóðirnir ætla að draga lærdóm af kúlulánasukkinu og hafa orðið fyrir óskaplega þungu höggi en vera samt sem áður það eina sem stendur eftir eftir þetta óskaplega hrun, að sögn Arnars Sigurmundarsonar.  Til þess að standa af sér hrunið  hafa þeir fengið veiðileyfi á íslensk heimili og blóðmjólka þau sem aldrei fyrr í gegnum verðtrygginguna. 

Það er kominn tími til að löggjafinn leysi íslenskar fjölskyldur undan þessum óhroða, í það minnsta skikki ekki launafólk til að láta 12% tekna sinna renna til kúlulánahyskisins með lögum, sem hefur verið margstaðið að því að tæma sjóðina innanfrá.

Verðum að læra af reynslunni

Skyldi fólkinu líða betur?

Það er bara svona, þrjú ár síðan helferðarhyskið laug sig inn á þjóðina eftir að þjóðarskútunni hafði verið siglt í strand af náhirðinni og samspillingunni. 

Besta lygasagan til að byrja með var skjaldborgin margfræga sem gufaði  þó fljótlega upp og þjóðin þess í stað Sjanghæuð upp úr sökkvandi þjóðarskútunn yfir í þjóðargaleiðuna. 

En skyldi fólkinu líða betur?

Ríkisstjórn Jóhönnu þriggja ára