Með fimm háskólagráður?

Það er merkilegt að þurfa að gefa út svona yfirlýsingu í kjölfar umfjöllunar fjölmiðla, eins og maðurinn sé betri eða verri eftir háskólagráðum.  Jón Gnarr hitti naglann á höfuðið um hugsunarhátt heimskinganna í túlkun sinni á Bjarnfríðarsyni sem var með fimm háskólagráður en óhæfur til að vinna á bensínstöð vegna vanþroska í mannlegum samskiptum. 

Til upprifjunar fyrir þá sem hafa gleymt því hvað stendur öllum háskólagráðum  framar;

 

Við erum fædd sem lítil kríli hinna óendanlegu möguleika.  Við elskuðum og vorum elskuð án skilyrða.  Hugtakið skortur var ekki til.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir.  Skoðanir þínar vor gerðar að aðhlátursefni jafninga þegar þú efaðist um fræðin.  Þú leifðir hópsálinni að hafa áhrif á gerðir þínar og ákvarðanir.  Þú gerðir það sem þér var sagt af ótta við afleiðingarnar af því að gera það ekki.

 

Líkar þér að stjórnast af ótta?  þér voru gefnir dómar svo þú lærðir að gera það sama.  Hver og einn þarf að koma auga á hvað hann dæmir í fari annarra.  Vera meðvitaður um þá dóma og breyta þeim hluta sjálfsins sem dæmir.  Hugmyndir þínar hafa mótast í gegnum áhorf á sjónvarp (sem er talin nauðsynleg innræting í almannaþágu).   Við erum síðan verðlaunuð með afþreyingu svo við rannsökum ekki veruleikan í kringum okkur.  Meðvitað haldið fávísum með þeirri vissu að við óttumst hið óþekkta.

 

Við viljum vera upplýst um viðburði heimsins en erum fóðruð á áróðri.   Þér var gefin von um breytingar með lýðræðislegum kosningum. En sú von hrundi þegar þú uppgötvaðir að öllum flokkum er stýrt af sömu hendi.  Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins.

  

Þú hófst lífsgæðakapphlaupið vegna þess að annar möguleiki var akki augljós.  Við erum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Efnafræðiformúlur eru á matseðli þínum til að gera þig mótækilegri.  Þú varðst óánægður með stöðu þína en var sagt "að lifa ekki um efni fram".

 

Okkur var kennt að gera lítið úr öðrum vegna þess að þeir eru öðruvísi.  Sem gerir okkur auðsærð þegar sérstaðan sem við teljum einkenna okkur verður fyrir aðkasti af sama toga.  Þá er sama neikvæða hegðunin endurtekin vegna þess að við kunnum ekki annað en að láta kringumstæðurnar stjórna geðinu.   Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt.

 

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Þjóðarstolti var þér innrætt til að einangra þig frá heiminum.  Þú einungis takmarkar þig með því að setja gæðastaðla.  Sannleikanum verður aldrei svo auðveldlega fyrirkomið í kassa.

 

Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eins og Bill Hicks sagði; "Þú ert ímyndun þín sjálfs".

 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur.

 

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki.

 

Sigmundur Davíð gerir grein fyrir námsferli

Írar sögðu já.

Írskir sjórnmálamenn fengu sjálfdæmi um að velta skuldum einkageirans yfir á skattgreiðendur sem súpa af því seyðið næstu árin.  Það er athyglisvert að lánshæfismat Írlands skuli falla við þann gjörning. 

Moody's lækkar lánshæfismat Írlands

Er uppreisnin í Líbýu skipulögð af CIA?

Dóttir Gaddafis fordæmir NATO

Gjaldeyrishöftin í boði Samfylkingarinnar.

 

 

Guðmundur Gunnarsson formaður rafiðnaðarsambandsins getur ekki stillt sig um að gera að því skóna að flótti félagsmanna úr landi tengist því að á Íslandi sé ekki brennandi áhugi fyrir ESB aðild auk gengishruns og gjaldeyrishafta.  Jafnvel þó flótti félagsmannanna sé alls ekki í atvinnuleysið í ESB, heldur lands sem stendur utan við sambandið. 

Hann sleppir því hins vegar að geta þess að Samfylkingin var á hrunavaktinni sem setti á gjaldeyrishöftin og hafði enga tilburði til að sækja um ESB aðild þegar hún komst í ríkisstjórn 2007 og tók við góðu búi ríkissjóðs.

Þúsund rafiðnaðarmenn farnir

Leikritinu líkur.

„Hitt er alveg ljóst," segir Gylfi Arnbjörnsson, forseti ASÍ, „og um það erum við sammála, við og atvinnurekendur, að deginum á morgun verður lokið með gerð kjarasamnings, hvort sem hann verður til þriggja ára eða sex mánaða."  Ekki orð um hvað stendur til að semja, enda aukaatriði.

Þeir hafa alltaf verið sammála um að launþegar eiga að borga sínar kjarabætur sjálfir, sem skattgreiðendur, og hafa nagað þröskuldinn nótt sem nýtan dag á stjórnarráðinu í von um framkvæmdafé.   Hafa þar að auki ætlað skuldurum og skattgreiðendum að greiða afglöp hrunaliðsins sem stal lífeyrissjóðum fólksins auk þess að ræna erlenda sparifjáreigendur. 

Nú eru þeir einnig orðnir sammála um að leikritinu líkur á morgunn.  En hvað þarf þjóðin að umbera þetta "hyski" mikið lengur?

Samið á morgun

Leggur Ísland nafn sitt við geislavirk vopn?

Þörf á fleiri herþotum

Þegar þú fellir tré.

 

 

Það fer vel á að tilaga komi fram frá Suður-Ameríkulandi, þar sem indíáninn Evo Morales er í forsvari, um að SÞ viðurkenni jörðina sem lifandi veru sem menn hafi reynt að drottna yfir og arðræna.

Virðingin fyrir móðir jörð var innprentuð í menningu indíána, eins og heyra má á máltæki N-Ameríku indíána þegar fella á tré, "Þegar þú fellir tré þá fellir þú heilt samfélag".

 

 

Móðir jörð fái réttindi

NEI-ið að virka.

Það fer eins og margir spáðu skuldtryggingarálagið gat ekki annað en lækkað við það að eyða óvissunni um það að skuldir ríkissjóðs yrðu ekki auknar vegna icesave. 

Í annað sinni á rúmu ári hefur þjóðin haft vit fyrir alþingi.  Svo þykjast Jóhanna, Steingrímur og Már Seðlabankastjóri leggja nótt við dag að afstýra tjóninu sem átti að hljótast af því að hafna icesave.  Það líður ekki á löngu þar til þau fara að hæla sér af árangrinum.

Álagið hið lægsta frá hruni

Auðmjúkur athafnamaður.

Það er ekki annað hægt að taka undir þá gagnrýni, Björgólfs Thors á stofnanir samfélagsins, sem kemur fram í greininni s.s. stjórnmálin, stjórnsýsluna, fjölmiðlana, viðskiptalífið, háskólasamfélagið.

Ef honum hefði borðið gæfa til að sleppa nokkrum málsgreinum þá hefði einnig verið hægt að líta á greinina sem einlæga afsökunarbeiðni til þjóðar sem glímir nú við mesta atvinnuleysi frá því um 1930 í heimskreppunni miklu.

"Samt er það svo að nafn mitt má ekki birtast opinberlega án þess að fram stígi menn sem furða sig á að ég skuli ekki sitja bak við lás og slá, dæmdur fyrir einhver óhæfuverk sem þeir nefna ekki en virðast þó fullvissir um. Og þetta á ekki aðeins við mig, og ekki aðeins þá sem kallaðir hafa verið útrásarvíkingar, heldur má nánast allt það fólk sem hættir sér til einhverra verka á Íslandi þola þessa óværu. Sú andstyggð smitast í alla umræðu á Íslandi. Þótt flestir fjölmiðlar leggi áherslu á þá frumskyldu sína að upplýsa almenning, þá virðast aðrir fremur vilja ala á andstyggðinni en hampa sannleikanum."  Greinina í heild.

Það er ekki mikil auðmýkt í þessum orðu Björgólfs til þjóðar í sárum.

Ósáttur við vinnubrögð rannsóknarnefndar

Ískalt hagsmunamat eða pólítískt harakíri?

Mikið væri gott fyrir þjóðina að losna við foringja skotgrafanna af alþingi.  Síðustu fjögur árin hefur ríkt algjör upplausn á Íslandi.  Allan þann tíma hefur Jóhanna verið í ráðherrastól, ekki minkaði upplausnin og skotgrafahernaðurinn við að Steingrímur komst í ráðherrastól.  Þessir tveir stjórnmálamenn eru tákngervingar þess skotgrafahernaðar sem ætti að hafa horfið með hruninu. 

það er kominn tími til að íslendingar eignist alþingismenn sem vinna af heilindum og ómengaðir af spilltum kúlulánum, eru þess i stað tilbúnir til að standa með þjóðinni.  Fæstu af því fólki sem nú hefur grafið um sig á alþingi hefur sýnt að því sé treystandi.  Það verður fróðlegt að sjá hvort Bjarni Ben og co leggja fram þessa vantrausttillögu eftir "ískalt hagsmunamat" eða hvort þarna er á ferðinni pólitískt harakíri að hætti hússins.

Loksins, loksins