Lögbundinn þjófnaður.

Það er kominn tími á að verðtryggingarelítan skili þýfinu.  Það var aumkunarvert að sjá Gylfa verkalýðsforingja í kvöldfréttum ruv tala sig í titring yfir því að það væri ekki hægt að ætlast til þess að lífeyrissjóðir gæfu eftir frekar en að bankar borguðu út af sparreikningum kúnnanna.  Þetta ræningjahyski þarf að fara að gera sér grein fyrir að með verðtryggðum neyðarlögum 2008 var farið inn á hvert heimili á Íslandi og það rænt. 

Ef til þessa verðtryggða þjófnaðar hefði ekki komið stæðu forsvarsmenn lífeyrissjóðanna með allt niður um sig í dag.  Íslensku launafólki er gert að láta 12% launa sinna renna til þessara þjófa og það eftir hrun eins og ekkert sé.  Þar að auki allt a 100% eigna sinna eins og staðan er í dag.  Er það von að Gylfi titri þegar minnst er á að einhverju af þýfinu verði skilað. 

„Aðför að lífeyrissparnaði“

Áfallahjálp handa hyskinu.

Eignarhlutur í íbúð með verðtryggðu láni sem var 70% við hrun er nú nær 60% miðað við fasteignamat og sennilega ekki nema tæp 50% miðað við markaðsverð.  Heldur verðtryggingarelítan að verðtryggingin sé aðeins fyrir hana? 

Dettur þessu glæpahyski í hug sem situr ríg neglt við stólana á sömu launum og fyrir hrun að það verði sátt á Íslandi komi ekki til almennra leiðréttinga á skuldum?  Heldur hyskið að það nægi að "aðstoða" þá verst settu í genum gjaldþrot til að lágmarka rýrnun þýfisins? 

Þá er hætt við að áfallahjálparteymið komi til með að þurfa að hugga fleiri en starfsfólk umboðsmanns skuldara í framtíðinni.

Líst illa á almenna niðurfærslu skulda

Í tilefni dagsins.

 

Við erum fædd sem lítil kríli hinna óendanlegu möguleika.  Við elskuðum og vorum elskuð án skilyrða.  Hugtakið skortur var ekki til.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir.  Skoðanir þínar vor gerðar að aðhlátursefni jafninga þegar þú efaðist um fræðin.  Þú leifðir hópsálinni að hafa áhrif á gerðir þínar og ákvarðanir.  Þú gerðir það sem þér var sagt af ótta við afleiðingarnar af því að gera það ekki.

 

Líkar þér að stjórnast af ótta?  þér voru gefnir dómar svo þú lærðir að gera það sama.  Hver og einn þarf að koma auga á hvað hann dæmir í fari annarra.  Vera meðvitaður um þá dóma og breyta þeim hluta sjálfsins sem dæmir.  Hugmyndir þínar hafa mótast í gegnum áhorf á sjónvarp (sem er talin nauðsynleg innræting í almannaþágu).   Við erum síðan verðlaunuð með afþreyingu svo við rannsökum ekki veruleikan í kringum okkur.  Meðvitað haldið fávísum með þeirri vissu að við óttumst hið óþekkta.

 

Við viljum vera upplýst um viðburði heimsins en erum fóðruð á áróðri.   Þér var gefin von um breytingar með lýðræðislegum kosningum. En sú von hrundi þegar þú uppgötvaðir að öllum flokkum er stýrt af sömu hendi.  Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins.

  

Þú hófst lífsgæðakapphlaupið vegna þess að annar möguleiki var akki augljós.  Við erum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Efnafræðiformúlur eru á matseðli þínum til að gera þig mótækilegri.  Þú varðst óánægður með stöðu þína en var sagt "að lifa ekki um efni fram".

 

Okkur var kennt að gera lítið úr öðrum vegna þess að þeir eru öðruvísi.  Sem gerir okkur auðsærð þegar sérstaðan sem við teljum einkenna okkur verður fyrir aðkasti af sama toga.  Þá er sama neikvæða hegðunin endurtekin vegna þess að við kunnum ekki annað en að láta kringumstæðurnar stjórna geðinu.   Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt.

 

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Þjóðarstolti var þér innrætt til að einangra þig frá heiminum.  Þú einungis takmarkar þig með því að setja gæðastaðla.  Sannleikanum verður aldrei svo auðveldlega fyrirkomið í kassa.

 

Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eins og Bill Hicks sagði; "Þú ert ímyndun þín sjálfs".

 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur.

 

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki.

 

 

Aldrei fleiri brautskráðir

Sá gamli kann sína rullu.

„Það er kannski fullt djúpt í árinni tekið að tala um „gjaldmiðlastríð", en staðreyndin er sú að það ógnar efnahagsbatanum að þjóðirnar vilja finna innlenda lausn á alþjóðlegu vandamáli."

AGS vinnur öllum árum að því að koma sem flestum ríkum í það miklar skuldir að þau verði á endanum að samþykkja einn gjaldmiðil.  Út á það gengur heimsvæðingin.  Hún hefur lítið með frjáls viðskipti að gera.

 

Það er einhvern veginn svona sem farið er að því að fá okkur til að samþykkja kerfið.

Strauss-Kahn: Gjaldmiðlastríð ógna efnhagsbata

Nuaðungaruppboð í boði ríkisins.

Það er ánægjulegt að eitt af stóru stéttarfélögunum skuli vera búið að átta sig á að það þjónar ekki umbjóðendum þess að búa í verðtryggðu víti.  Nú er að sjá hvort þessi vitneskja hríslast inn í lífeyrissjóðina.

Ríki og sveitarfélög virðast ennþá vera illa áttuð á stöðu umbjóðenda sinna.  Ríki og sveitarfélög eru með helming uppboðsbeiðna mánaðarins.  Hér  má sjá hvernig skipting tveggja síðustu vikna er.  Eftir því sem fram kemur í mbl fréttinni eru 80% af nauðungasölum knúnar fram af ríkissjóði.

Ríkið hefur algörlega misst sjónar á hlutverki sínu gagnvart þegnunum.  Það kemur glöggt fram í niðurskurðartillögum fjárlagafrumvarpsins.  Á þegnana er fyrst og remst litið á sem tekjustofna til að halda uppi hálaunaðri elítu og svo auðvitað að greiðar skuldir til erlendra lánadrottna samkvæmt forskrift AGS.

 

Verða 73 þúsund heimili eignalaus?

Kominn tími á bless við ríkisstjórn AGS.

"Mikilvægt að stjórnvöld nái samstöðu með stjórnarandstöðunni og hagsmunaðilum til að leysa skuldavanda heimila og fyrirtækja."  Þessi hefur heyrst áður.

Myndin af þeim ráðherrum sem birtist með þessari frétt vekur óhug fyrir komandi vetri.

 

Mikilvægt að ná samstöðu

Skellt í lás og farið til helvítis.

Í gær skellti ég í lás í síðasta sinn.  Í dag er ég atvinnulaus, en jafn tekjulaus og ég hef verið síðustu mánuði.  Sennilega er ég kominn í sömu stöðu og margir Íslendingar, að sjá trauðla fram úr hlutunum, finnast réttlætinu hafa verið fórnað á altari Mammons og vera komin í hraðlestina til helvítis.

 

Ég hef allan minn starfsferil, frá 23 ára aldri verið í vinnu hjá sjálfum mér, eigin fyrirtækjum. Tímarnir hafa verið misjafnir en ég og fyrirtæki mín hafa getað staðið í skilum í gegnum tíðina. Núna viku í fimmtugt, eru einungis líkur á að þau vanskil sem ég verð valdur að aukist við að halda áfram rekstri. Því var ekki um annað að ræða en skella í lás, því siðferðisvitund mín getur ekki samþykkt að mínum vanda verði velt á aðra.

 

Árið 2008 voru fyrirtækin mín tvö. Annað verktakafyrirtæki í byggingariðnaði með 10 manns í vinnu auk þess að reka sérverslun með flísar og baðtæki. Hitt fasteignafélag sem leigir út húsnæði. Árið 2008 urðu margir af mínum stærstu viðskiptavinum gjaldþrota, verkefnin gufuðu upp, tapið er ómælt. Skuldir fasteignafélagsins stökkbreyttust. En þetta er svo sem ekki annað en það sama og gekk yfir allt Ísland það ár.

 

Bæði fyrirtækin voru byggð upp í samstarfi við aðra, verktakafyrirtækið keypti svo ég af félögum mínum seint á árinu 2007. Það hefði þurft 2 - 3- þokkaleg ár til að komast slétt frá þeim kaupum. Fasteignafélagið á ég svo með öðrum félaga. Tveir af þremur félögum mínum í þessum atvinnurekstri eru fluttir til Noregs. Þeir fluttu þangað fyrir rúmu ári síðan til að hefja nýtt líf. Ég sé óumræðanlega eftir þessum vinum mínum yfir hafið. Og kemur oft í hug það sem annar þeirra sagði; "Maggi ég sé ekki betur en komandi ár á Íslandi verði hreint helvíti. Ég ætla ekki að eyða seinni hluta ævinnar í að borga húsið mitt aftur".

 

Það sem er eftir af eigin rekstri eftir rúman aldarfjórðung er alfarið í "eigu" fjármálastofnana í dag, þó þær séu meira gjaldþrota en allt sem heitið getur. Síðustu tvö ár hef ég reynt að sæta lagi með því að breyta flísaversluninni í ferðamannaverslun yfir sumarmánuðina. Það gekk upp 2009 og gaf vonir um að hægt væri að vinna á vandanum. Árið 2010 hækkaði leigan einhliða og skildi miðaðast við byggingarvísitölu frá 1.janúar 2007. Leigan mín er helmingi hærri en verslunin hinu megin við götuna greiðir og þreföld leiga sem greidd er fyrir húsnæði þar sem fyrrum um byggingaverslun var til húsa. Eftir umleitanir um sanngjarnari leigu ákvað ég að vera út árið, enda staðsetningin góð þegar ég hugsaði til ferðamannanna frá fyrra sumri. Leigusalinn er ný skeint fjármálafyrirtæki eftir að hafa verið með drulluna upp á bak án þess að verða gert gjaldþrota. Uppvakið af fyrrum gjaldþrota Seðlabanka Íslands, það auglýsir nú grimmt með nýju eigin fénu á besta tíma sjónvarpstöðvanna "Komdu heim í Sparisjóðinn".

 

Í vor hófust óvænt umfangsmiklar lóðarframkvæmdir sem stóðu í mest allt sumar. Innkoma verslunarinnar varð 60% minni en sumarið 2009. Þegar ég fór þess á leit við leigusalan að fá eftirgefna leigu vegna tekjuhruns var svarið þvert nei. Þar á eftir fylgdu umvandanir um það að ég hefði betur gert ráð fyrir mögrum árum eftir góðærið í byggingariðnaði 2004 -2007. Þessum orðum til réttlætingar, átti ég að ég hafa tekið milljóna tugi út úr rekstri í eigin þágu þegar vel áraði. Ég fór fram á að vita hvaðan þessar upplýsingar kæmu svo ég gæti leiðrétt þær. Leigusalinn (sparisjóðsstjóri) sagðist hafa þær beint upp úr ársreikning 2009 sem ég hefði sent honum þegar hann ætlaði að skoða hvort lægri leiga kæmi til greina. Ég varð að biðja hann um að skoða þetta betur þessir miljónatugir sem hann teldi að hefðu lent í mínum vösum voru tekjusamdrátturinn sem varð á milli árann 2008 og 2009, starfsmaður fyrirtækisins væri orðinn einn í stað tíu og hann væri nú tekjulaus ég, sem væri auk þess í persónulegum ábyrgðum upp á milljónir.

 

Þessi sami sparisjóðstjóri og ég gerði uppahaflegt leigu samkomulag við fyrir tæpum 5 árum síðan, las þetta út úr þeim gögnum sem hann hafði um mín mál og tjáði mér væri því mátulegt að sitja uppi með forsendubrest undangenginna ára. Þegar sama fólkið í fjármálastofnunum fyrir og eftir hrun er við að semja ætti það að vera kostur, allavega mætti ætla að það þekkti menn og málefni. En það virðist vera að þeir sem enn sitja í sínu starfi með sömu laun og áður sé ómögulegt að skilja að svoleiðis sé það ekki allsstaðar. Það sem verra er að margir sem ekki hafa misst milljónina sína á mánuði virðast halda að þær tekjur sem ekki eru lengur sýnilegar séu nú komnar í svart hagkerfi.

 

Hæstiréttur hefur úrskurðað um hvernig farið verður með skuldamál hins fyrirtækisins. Nú er mér full ljóst hvers vegna Geir Haarde bað Guð um að blessa Ísland 6. október 2008. Við erum á hraðferð til helvítis.

Eggjum kastað í alþingismenn

Djúp heimskreppa eða nýjir tímar.

Þessi greining Jurshevski er athygliverð.  Úr henni má lesa að eitt helsta vandamál peningkerfisins eru allsnægtir og hvernig á að verðleggja þær með öðru en skuldum.

Fram kemur að; "Burðarríki efnahagskerfisins sem var byggt upp eftir síðari heimsstyrjöldina skiptast á að fella gengi gjaldmiðla sinna. Ástæðan er einföld: Ríkin reyna að ná í stærri sneið af minnkandi útflutningsmarkaði með því að stuðla að verðlækkun á útflutningsvörum."

Heimurinn standi frammi fyrir djúpstæðri skuldakreppu, á sama tíma og ríki heims glími við vaxandi ójafnvægi á milli tekna og ríkisskuldbindinga fram í tímann, meðal annars vegna aldurssamsetningar sem sé nútímanum óvilhöll. Vísar hann þar til þess, að stór eftirstríðsárakynslóð muni þurfa aðhlynningu sem kynslóð án mikilla tækifæra í samtímanum þurfi að standa undir.

Niðurstaða hans þegar gengisfellingarnar eru annars vegar er sú að þær vitni um að heimshagkerfið glími við kerfislægt vandamál sem ekki sé hægt að afgreiða sem reglubundna hringrás uppgangs og niðursveiflu."

Í þessu sambandi langar mig til að benda á eftirfarandi mynd sem skýrir þessa stöðu vel og bendir þar að auki á athygliverða lausn. 

Stórveldin fella gengið

Meira um Gnarr-effect.

Við erum fædd sem lítil kríli hinna óendanlegu möguleika.  Við elskuðum og vorum elskuð án skilyrða.  Hugtakið skortur var ekki til.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir.  Skoðanir þínar vor gerðar að aðhlátursefni jafninga þegar þú efaðist um fræðin.  Þú leifðir hópsálinni að hafa áhrif á gerðir þínar og ákvarðanir.  Þú gerðir það sem þér var sagt af ótta við afleiðingarnar af því að gera það ekki. 

Líkar þér að stjórnast af ótta?  þér voru gefnir dómar svo þú lærðir að gera það sama.  Hver og einn þarf að koma auga á hvað hann dæmir í fari annarra.  Vera meðvitaður um þá dóma og breyta þeim hluta sjálfsins sem dæmir.  Hugmyndir þínar hafa mótast í gegnum áhorf á sjónvarp (sem er talin nauðsynleg innræting í almannaþágu).   Við erum síðan verðlaunuð með afþreyingu svo við rannsökum ekki veruleikan í kringum okkur.  Meðvitað haldið fávísum með þeirri vissu að við óttumst hið óþekkta. 

Við viljum vera upplýst um viðburði heimsins en erum fóðruð á áróðri.   Þér var gefin von um breytingar með lýðræðislegum kosningum. En sú von hrundi þegar þú uppgötvaðir að öllum flokkum er stýrt af sömu hendi.  Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins.  

Þú hófst lífsgæðakapphlaupið vegna þess að annar möguleiki var akki augljós.  Við vorum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Efnafræðiformúlur eru á matseðli þínum til að gera þig mótækilegri.  Þú varðst óánægður með stöðu þína en var sagt "að lifa ekki um efni fram". 

Okkur var kennt að gera lítið úr öðrum vegna þess að þeir eru öðruvísi.  Sem gerir okkur auðsærð þegar sérstaðan sem við teljum einkenna okkur verður fyrir áreiti að sama toga.  Þá er sama neikvæða hegðunin endurtekin vegna þess að við kunnum ekki annað en að láta kringumstæðurnar stjórna geðinu.   Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt. 

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Þjóðarstolti var þér innrætt til að einangra þig frá heiminum.  Þú einungis takmarkar þig með því að setja gæðastaðla.  Sannleikanum verður aldrei svo auðveldlega fyrirkomið í kassa. 

Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eins og Bill Hicks sagði; "Þú ert ímyndun þín sjálfs". 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur. 

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki. 

Endursagður texti af youtube myndbandi. 

 

„The Gnarr-effect"

Í verðtryggðu víti.

Hafi einhver efast um að stjórnkerfið hafi verið búið að koma sér saman um niðurstöðu Hæstaréttar þá þarf þess ekki lengur. 

 

Frumvarp um að gengistryggð lán verði ólögmæt