Algebra.

Það er orðið nokkuð ljóst að "sérfræðingahópur stjórnvalda" hefur notað reiknikúnstir úr barnaskóla til að reikna sig að fyrirfram gefinni niðurstöðu stjórnvalda, samkvæmt forskrift fjármála elítunnar.  Fyrst var niðurstaða fenginn og síðan settar inn tölur sem rökstuddu hana.  Einfaldur jöfnureikningur sem er jafn rakalaus þvæla og mengi, jafnvel algebra.

Fram hefur komið að ekki skipti máli fyrir niðurstöðu "sérfræðingahóps stjórnvalda" að framfærsluviðmið 4 manna fjölskyldu var 70 þús kr lægra á mánuði en 2006 og 200 þús kr lægra á mánuði en það var í reynd 2008.  Þetta hefur hæstvirtur félagsmálaráðherra látið hafa eftir sér og ætti sá að vita það, búinn að hafa atvinnu af því allt sitt líf að kenna fræði jöfnureiknings og algebru.

Það er ekki von á góðu þegar sérfræðingar ríkisstjórnarinnar missa sjónir á réttlætinu í reiknikúnstum.  Eitt fundu þeir þó út, það að 185 milljörðum var stolið frá heimilunum í gegnum verðtryggingu.  En það er bara of dýrt fyrir hyskið að skila þýfinu.  Heimilunum er einhvernvegin ætlað að krafsa sig fram úr jöfnu "sérfræðingahóps ríkisstjórnarinnar".  Ég giska á að "við borgum ekki" verði bætt inn í jöfnuna.

101 þúsund vanskilamál

Þarf þjóf til?

 

Þau fara stórum tryggingafélögin í að verjast þjófum á landinu blá þessa vikuna.  VÍS með svikhnappinn Sjóvá með nágrannavörsluna í samstarfi við Securitas, Símann og raðgjaldþrota 365.  Svolítið sérkennilegt af þessum fyrirtækjum, ef litið er til þess hvaða hlutverk þau léku í hruni sem rændi íslensk heimili um 185 milljarða.  En nú eru bjartir tímar framundan skattgreiðendur búnir að endurreisa Sjóvá og rétt að hafa allan varan á gagnvart þjófum og svikahröppum.

Eitt af því sem hefur vakið athygli mína undanfarin ár er sístækkandi skógur eftirlitsmyndavéla.  Í sumar ákváðum við hjónin ásamt vinafólki að fara á bræðsluna á Borgarfirði.  Áður en við lögðum af stað þurftum við að koma við á bensínstöð til að kaupa batterí.  Á meðan konurnar fóru inn fórum við að telja eftirlitsmyndavélarnar á horni hússins, þær voru fjórar.  Þar sem ekki fengust batterí á þessari Shell stöð var farið á N1. Áhugi okkar á eftirlitsmyndavélum var vakinn og á N1 töldum við átta vélar, bara yfir dælunum. 

Bræðslan er ein af vinsælustu sumarhátíðum landsins, í litlu sjávarplássi koma saman þúsundir manna allstaðar af landinu eina helgi í júlí þar sem vinsælustu tónlistarmenn landsins troða upp, auk þess sem yfirleitt er boðið upp á eitt heimsþekkt númer.  Þegar við kíktum inn á Álfakaffi var löng bið eftir afgreiðslu.  Svo við höfðum nægan tíma til að skoða gersemar sem voru í hillum upp um alla veggi.  Hver slípaði demanturinn um annan, steinar úr ríki Borgafjarðar, verðlagðir frá þúsund og upp í tugir þúsunda. Félagi minn hnippti í mig og sagði "sjáðu það er engin eftirlitsmyndavél hérna inni, það er stappað af allskonar fólki og það er ekki hægt að sjá að neinu hafi verið stolið". 

Það sem mér datt í hug við þessa athugasemd var "þarf  þjóf til að setja upp eftirlitsmyndavél". 

Það hafa fáir forsvarsmenn fyrirtækja verið staðnir af eins grófri markaðsmisnotkun gagnvart viðskiptavinum sínum og hjá olíufélögum og bönkum þar sem frumskógur eftirlitsmyndavéla er hvað þéttastur.  Það sem undarlegra er að myndavélunum í þessum fyrirtækjum er beint að viðskiptavinunum.  Þegar í raun þeim hefði betur verið beint að forsvarsmönnum þessara fyrirtækja svo viðskiptavinirnir hefðu getað fylgst með hvaða launráð væri verið að brugga í bakherbergunum.

Eitt átakanlegast dæmið, þar sem eftirliti hefur verið snúið á haus þegar kemur til blekkinga gagnvart viðskiptavinum, er nágrannavörslu auglýsingaherferð Sjóvá.  Eftir að bótasjóðir félagsins höfðu verið tæmdir innan frá, hver skúffa þurrausin af peningum svo ekki var til fyrir útborgun launa, voru skattgreiðendur látnir leggja fyrirtækinu til milljarða svo ekki þyrfti að setja starfsemina í þrot. Einum manni  var skipt út, forstjóranum.  Síðan farið út í umfangsmikla auglýsinga herferð sem gengur út á nágrannavörslu.  Þar sem starfsfólk þessa fyrirtækis er boðið og búið til að aðstoða fólk við að finna þjófana í sínu nánasta umhverfi.  Og helst má skilja á auglýsingunum að þeir leynist í hverju garðshorni.

Þegar ég lít út um stofugluggann hjá mér, sem er með frábæru útsýni, sé ég tvo skóla.  Gamla barnaskólann minn og menntaskóla.  Á þessu byggingum get ég talið fjölda eftirlitsmyndavéla bara þar sem ég stend við gluggann.  Það væri t.d. útilokað að fara á bak við skóla og reykja í frímínútum eins og við gerðum í gamla daga án þess að athæfið næðist á myndavél.  En er þetta það þjóðfélag sem við viljum láta börnin okkar alast upp við?  Gera það að glæp að prófa að reykja á bak við skóla, en leyfa djöflunum að ganga af göflunum inn á kennarastofunni.

 

Svikahnappur andstæður lögum

Þó fyrr hefði verið.

 

 

Það er víst fyrir löngu komið að því að taka til í háskólasamfélaginu sem blásið hefur út á síðustu 15-20 árum.  Mikið er búið að tala um þjóðarauðinn sem felst í vel menntuðu fólki.  Minna hefur farið fyrir umræðu um að það var velmenntað fólk á góðum launum sem koma Íslandi á hausinn.  Allir viðskiptafræðingarnir, hagfræðingarnir, endurskoðendurnir og lögfræðingarnir sem þjóðarauðurinn hefur ofgnótt af, samt er staðan eins og hún er.  Það má jafnvel spyrja hvort það sé ekki kominn tími til að taka til í öllu menntakerfinu.

Strax í barnaskóla er unnið skipulega að því að eyðileggja frjálsa hugsun barnsins.  Því er markvist kennt að treysta ekki á leiðsögn hjartans.  Rökhyggja er hinn eini sannleikur.  Umburðalindi fyrir sérstöðu einstaklings með skapandi hugsun er lítill.  Viðurkenndum staðreynda þvælu er dælt í huga nemandans sem á svo að skila þeim frá sér á klukkutíma lokaprófi. Þannig er hæfnin metin og grunnur lagður að aðgangi til betur launaðrar vinnu.  Ef nemandinn hlýðir ekki þessari innrætingu, hlýtur hann sérmeðferð á lyfjum sem brjóta niður persónuleikann.  Þeir sem passa ekki inni í formið eru ekki umbornir.  Með þessari kerfisbundnu innrætingu er frjálsri hugsun eytt og til verður rökhugsun kerfisins.

Menntakerfið er komið á það stig að flest öll viðurkennd gildi er aðeins hægt að rökstyðja með fortíðar vísindum.  Kennurum er gert að kenna eftir fyrirfram viðurkenndum viðmiðunum þar sem hyggjuvit hjartans hefur verið gert útlægt.  Þar sem rökhugsunin ein er ráðandi og baksýnisspegilinn sýnir sannleikann, þar sem tilfinningalegt innsæi um framtíðina er að engu gert.  Í reynd er markvisst kennt að vantreysta eigin tilfinningum. 

Menntakerfi sem er uppfullt af rökhyggju, er fyrir löngu búið að missa virðinguna fyrir sköpun hugar og handa, hefur gert skólana að stærðfræði og staðreynda fyrirbærum.  Sem gerir flesta á endanum að annars heilhvels exel fólki, sem er fullt af upplýsingum án visku, vits og þekkingar.  Stjórnmálamenn sem jafnvel leggja upp með góð áform um réttlæti, verða skíthræddir innan um þetta vel menntaða fólk þegar þeim er ógnað með staðreyndum um að hitt og þetta sé ekki hægt fræðilega.  Fólkið með exel þekkinguna sem hefur enga sýn nema aftur fyrir sig hefur verið alið upp til að verja kerfið.  Fólk sem hvorki treystir ímyndunarafli sínu né innsæi, það treystir jafnvel ekki tilfinningum sínum.  Það trúir því að til að vera fullkomlega faglegur þá þurfi að þurrka út allar tilfinningar.

 

 

Ósammála áformum um sameiningu

Gæti verið saga úr helvíti.

Lög sem ekki túlka réttlæti ættu ekki vera lög nokkurs samfélags og þegnarnir ættu að sýna það siðferðisþrek að hunsa slík lög. 

Þeir dómar sem fallið hafa upp á síðkastið gagnvart skuldurum lýsa því vel hversu sterk tök gjaldþrota fjármálkerfis eru á Íslandi.  Niðurstöðurnar er samkvæmt pöntun gjörspilltrar elítu sem braut lög og öll siðferðisviðmið sem á endanum leiddi til þess að fjármálkerfið hrundi.  Það að Héraðsdómur Suðurlands sjái ekki forsendubrest í dómi sínum lýsir hreinni illsku.

Dómurinn virðis gera aukaatriði að aðalatriði og líta algerlega framhjá orsökum þess að skuldin komst í vanskil.  Tæknilega er hægt að rökstyðja dóminn.  En réttlætið er fyrir borð borið.  Dómarinn hunsar réttlætið og skortir kjark, til að túlka samhengi.  Ef sá sem í dómara sæti situr  getur ekki sett sig í spor þess sem hefur misst tekjur og stendur frammi fyrir meiriháttar forsendubrest, þá erum við á leiðinni til helvítis. 

En hver eru þau lög sem ber að virða?  Þau getur hver manneskja fundið í hjarta sínu.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

Byggði vörnina á forsendubresti

Hvert fer umhverfisvæna orkan?

 

Því hefur verið haldið fram að notkun umhverfisvænnar orku á Íslandi komi til með að minka losun gróðurhúsalofttegunda á heimsvísu.  Álver og önnur stóriðja hefur m.a. verið gefin jákvæð ímynd hér á landi á þessum umhverfisvænu forsemdum.  En í hvað er t.d. ál notað?

Blár og heiður himin er að verða sjaldgæf sjón.  Umferð bíla, flugvéla og annarra athafna almennings hefur verið kennt um.  Á næstunni munu koma fram upplýsingar sem hingað til hafa verið flokkaðar undir samsæriskenningar af svipuðum toga og þeir sem deildu á fjármálakerfið fyrir nokkrum árum héldu fram.  Kenningar sem hafa nú breyst í beinharðar staðreyndir um samsæri gegn almenningi.

Ef fólk vill sjá hvaða vakning er í vændum og hvernig hún snertir alla jarðarbúa er rétt að horfa á þessa velunnu heimildamynd.  Það er svo undir hverjum og einum að draga ályktanir hvert  hlutverk litla Íslands er í þessu samhengi.

 

Hér má sjá alla myndina.

http://www.youtube.com/user/LoneStar1776#p/c/F1C61CF5A3E443A2/0/-K9rXydMmfw

 

Íhuga sölu Elkem

Lopapeysa og öryggisvesti.

 

Það er spurning hvort stjórnvöld fái ESB styrk til að innleiða staðalinn fyrir íslensku lopapeysuna.  Eða það nægi að fara í gult öryggisvesti utanyfir eins og spænskum gleðikonum hefur verið gert að gera við störf á götum úti.

Sá veruleiki sem okkur er ætlað að búa við er nú þegar að mestu innrættur samkvæmt fyrirframgefnum númeruðum stöðlum. Strax í barnæsku hefst innræting  þar sem foreldrar yfirfæra sinn veruleika yfir á börnin og í formi menntunar.  Það er búið að setja staðla og númer yfir flest þegar barn fæðist.  Tölur er stór hluti þessara stöðluðu reglna s.s. aldur, þyngd, einkannir, fatanúmer osfv. allt er vegið og metið samkvæmt númerum og tölum. 

Eftir að hafa starfað við að selja handprjónaðar lopapeysur til erlendra ferðamann hefur mér orðið það betur ljóst hve afgerandi þessi númeraða innræting er.  Handprjónuð lopapeysa er einstök.  Hún hefur yfirleitt ekki númer, litir, mynstur, vídd, og sídd osfv. fer eftir hugmyndum prjónakonunnar sem yfirleitt prjónar hana sér til ánægju og til að skapa eitthvað sérstakt.  Þó hún sé prjónuð í fyrirfram gefinni stærð og mynstri, hefur segja hversu fast hún er prjónuð.  Það má því segja að aðeins sé til eitt eintak af hverri handprjónaðri lopapeysu í heiminum.

Ferðamenn sem kaupa lopapeysur eiga oft mjög erfitt með að ákveða sig þegar lopapeysa er annars vegar.  Þó hún smellpassi, litir og mynstur sé það sem leitað var eftir.  En það vantar oftast númerið til að staðfesta að þessi sé sú rétta.  Algengar spurningar eru; Hvaða númer er hún?    passar þessi er hún eins og hún á að vera á mér?  Þó að maður segði hún á að vera L þá getur svarið verið, "þá gengur þessi ekki ég nota ekki nr. L.  Það getur verið betra að beina athyglinni að öðru en ónúmeraðri stærð þegar lopapeysur eru annars vegar.

Hefðin er að gefa verð upp í númerum annað virðist ekki ganga.  Ég heyrði af  samfélagmarkaði með notuð föt þar sem var allt var frítt.  Ef þú gast látið eitthvað af hendi rakna í staðinn þá var það vel þegið.  Á svona mörkuðum finnur fólk oft sitthvað sem það langar virkilega í.  En það að verðmiði skuli ekki vera til staðar og það sé kaupandanum í sjálfsvald sett hvað hann gefur fyrir hlutinn virðist oftar en ekki verða til þess að fólk verði óöruggt og finnst að eitthvað stórundarlegt sé á seyði.  Aftur á móti ef vörur á svona markaði eru verðlagðar með láum tölum á fólk það til að hamstra og kaupa það sem það hvorki langar í né vantar.

Innræting þessarar fyrirfram gefnu neyslutilveru hefst strax í bernsku.  Í leikskólum er ekki farið í göngutúr nema í neongulum öryggisvestum merktum stærstu fyrirtækum landsins.  Snemma í sumar mætti ég lögreglubíl sem fór með blikkandi ljósum fyrir stórum hóp leikskólabarna .  Háskólamenntuðu leikskólakennararnir höfðu skipulagt gönguferð.  Allir skyldu vera í gulum öryggisvestum í lögregluvernd.  Skammt þar frá voru unglingar í sumarvinnu, útí móum að tína rusl í gulum öryggisvestum.  Það sem kom upp í hugann var; eru þetta þær reglur sem ég hef tekið þátt í að móta? 

Öryggisvesta æðið kom hingað austur með stórfyrirtækinu Alcoa, mér datt fyrst i hug að þetta myndi einungis verða þjóðbúningur Reyðfirðinga.  Nú eru öryggisvestin að verða allsráðandi á vinnustöðum og jafnvel á götum úti.  Oft það eina sem er merkt S, M, L, eða XL sem fólk getur klætt sig í, annað verður að vera með tölusettum númerum.  Einstaklingurinn er orðin kennitala sem notar númeraða skó og tjáir sig í gegnum ip tölu. 

Krafa um víðtæka aðlögun

Var Saddam þess virði?

Stríðið í Írak var byggt á stórfelldum blekkingum.  Vestrænir stjórnmálmenn gerðu sig seka um ákvarðanir sem jaðra við stríðsglæpi.  Það sem Írakar sitja uppi með eftir þessa frelsun undan ríki Saddams dylst orðið fáum.

Það sem heimurinn situr uppi með er að manndráp hafa verið einkavædd.  Þau eru orðin iðnaður sem keyrir áfram efnahag heimsins sem aldrei fyrr.  Og viti menn það sem þessi iðnaður fer fram á er á sömu nótum og bankarnir.  Bætt regluverk.  Að einhver verði dreginn til ábyrgðar?  Nei það gengur ekki, þetta eru öryggismál og sennilega varin eignarréttarávæðum.

Það er óhugnarlegt að sjá hvernig þessir jakkafataklæddu stríðsglæpamenn markaðssetja sig með talanda vitiborinna manna.  En á bak við býr hrein illska

 

109 þúsund Írakar látnir

Eru Palestínuarabar indíánar okkar tíma?

Barist um grjótið

Er þjófnaður löglegur á Íslandi?

Ef mat Karls Axelssonar, hæstaréttarlögmanns og dósents við lagadeild HÍ, er rétt um að almenn leiðrétting lána teljist eignarnám, þá hefur þjófnaður verið gerður löglegur á Íslandi.  Þeir sem eru í fjárhagslegri aðstöðu til að spila á gengi gjaldmiðilsins, geta farið inn á hvert heimili og rænt það að vild. 

Það eina sem verið er að biðja um með almennri leiðréttingu skulda er að eignir heimilanna njóti svipaðrar vertryggingar og eignir fjármálaelítunnar.

Niðurfærsla talin bótaskyld

Kominn tími á að hyskið skili þýfinu.

"Hagsmunaaðilum" finnst vera komið nóg af úrræðum sem flest venjulegt fólk flokkar undir kvalræði, eða ríkisrekna aðstoð við gjaldþrot a la Umboðsmaður skuldara.  Sem felst í því að kreista eins margar krónur út úr heimili í vanda og möglegt er.  Auk þess að hafa aðgang að öllum framtíðartekjum heimilsins um ókomna tíð, gegnt því að skuldarinn hafi aðgang að eigin húsnæði.   Engar almennar leiðréttingu takk, á þeim þjófnaði sem framkvæmdur hefur verið á heimilum landsins í gegnum verðtrygginguna.

Á meðan færir hrunaliðið sig upp á skaftið.  Gjaldþrota bankastjórar, lamaðir verkalýðsrekendur og fjármálasnillingar lífeyrissjóanna eru orðnir helstu ráðgjafar ríkisstjórnar í blekkingarleik sínum við þjóðina.  Enda hagsmunirnir hjá þessu hyski þeir sömu að halda milljónunum sínum á mánuði í launaumslögunum.

Ráðgjöf þessara "hagsmunaaðila" varð gjaldþrota við hrunið.  Þetta hyski var á fínu kaupi við að setja Ísland á hausinn.

Almenn niðurfærsla skulda ólíkleg