Bólusetning nei takk?

Síðast þegar svínaflensufaraldur var boðaður 1976, er talið að fleiri hafi dáið af völdum bólusetningar en vegna flensunnar.

http://www.youtube.com/watch?v=PbSpPs05YAc

Byrjað að bólusetja í október

Látum lýðinn borga eins og hann getur.

Þessi afkomutengingar hugmynd getur vel verið góð í mörgum tilvikum, en þetta er ekki lausn, þetta mun hvort því sem er gerast af sjálfu sér.  Það þarf ekki mikið hugmyndaflug til að sjá það að fólk kemur ekki til með að borga meira en það getur og það er í þágu fjármagnseigenda að tjóðra fólk við skuldsettar eignir.  Þetta er hugmynd í anda greiðsluaðlögunar og icesave fyrirvara, við borgum allt sem við eigum en ekki meira og er talið trú um að mikill varnarsigur hafi unnist.

 

Það verður aldrei sátt í þessu samfélagi ef ekki kemur til almennrar skuldaleiðréttingar.  Ef fólk sem vel sá fram úr sínum málum fyrir tveimur árum síðan, verður gert að eiða ævinni í að greiða skuldir, sem það stofnaði ekki til vegna þess að það getur það.

 

Það þarf ekki að koma á óvart að hugmynd sem þessi komi frá hagfræðiprófessor á vegum ríkisins, það voru slíkir hagfræðingar sem voru til ráðgjafar við greiðsluaðlögunar og icesave fyrirvara hugmyndir.  Þeir vita sem er að ef stjórnvöld ætla að láta réttlætið ná fram að ganga og verja íslenskan almenning fyrir skuldaánauð, er búið með frekari lántökur til að halda bákninu uppi.  Við sitjum uppi með sömu hagfræðinga á launaskrá fyrir og eftir hrun við að hlaða á okkur skuldum.

Grunnur að lausn á vanda heimila?

Hvar er Íslands sverð og skjöldur?

Þá hafa valdhafar lokið við að staðfesta ábyrgð almennings á skuldum gjaldþrota einkabanka.  Verkið er fullkomnað.  Það er flestum  ljóst að Alþingi, stjórnkerfið allt og nú forseti Íslands ætla að verja hag efstu laga þjóðfélagsins með öllum mætti. 

Þau tækifæri sem voru til staðar til að byggja nýtt og betra Ísland hafa verið sett í skuldafjötra.   Sömu öfl á Íslandi og orsökuðu hrunið ætla nú að bjarga eigin skinni með því að siga erlendum lánadrottnum á íslenskan almenning.  Er von að maður spyrji; hvar er Íslands sverð og skjöldur?

Forsetinn staðfestir Icesave-lög

Er ESB og AGS hraðbraut Íslands til fasisma?

Það er áhugavert að kinna sér það sem David Ikce hefur að segja í ljósi þeirra mála sem hafa verið forgangi hér á landi í sumar.  Það skemmir ekki að hann gefur hugmyndir um það hvernig við getum losnað undan þeim veruleika sem að okkur er haldið. 

Viðtalsbúturinn hér er úr hátt í tveggja tíma viðtali sem er vel þess virði að horfa á allt.  Eins er fyrirlesturinn hans Beyond The Cutting Edge sem hann flutti í Brixton Academy í London í fyrra sérlega áhugaverður.  Fyrr á árinu hafði David Ikce fyrirhugað fyrirlestur í Reykjavík í nóvember n.k. en hann hefur ekki verið kynntur nánar.

http://www.youtube.com/watch?v=OA423EuoS8c

 

Nýr brjálæðingur kominn í Seðlabankann.

Það er greinilegt að nýr brjálæðingur er tekin við í Seðlabankanum, hálfu verra vítisbarn en fyrirrennararnir.  Sennilega er hann langt kominn með að eyða IMF láninu icesave til heiðurs.  Það hefði auðvitað verið skelfilegt fyrir velferðarstjórnina ef krónan hefði hvorki hætt að falla við ESB umsókn né við það að setja icesave drápsklyfjarnar á almenning.  

Nú er hagfræðingastóðið í Seðlabankanum þegar farið að undirbúa vaxtahækkun til að mæta skaðanum til að forða seðlabankanum frá öðru gjaldþroti á stuttum tíma. Þá er Már Guðmundsson aldeilis á heimavelli sem gamall aðalhagfræðingur við bankann, þrautreyndur í vaxtaokri.

Kraftmikil inngrip Seðlabanka

Svona kusu þau á Alþingi.

Það fólk sem nú situr á Alþingi hefur kveðið upp um það að íslenskur almenningur skuli ábyrgast greiðslur gjaldþrota einkabanka.

Í fyrradag sendi ég öllum Alþingismönnum tölvupóst með eftirfarandi erindi;

"Ágæti samlandi.  Ef þú hyggst skuldbinda þjóðina með ríkisábyrgð vegna icesave, þá gerirðu það í minni óþökk.

Magnús Sigurðsson."

Þess má geta að tveir þingmenn sáu sér svo lítið sem fært að svara "samlanda" sínum, þó svo að afstaða annars þeirra kæmi ekki fram í svari þakka ég þeim hér með fyrir.  Þessir þingmenn eru Þráinn Bertelsson og Margrét Tryggvadóttir, afstaða þeirra sem og annarra varð alþjóð kunn í dag.  Sennilega á afstaða núverandi Alþingis eftir að lifa lengi með þjóðinni.

 

Icesave-frumvarp samþykkt

Hey you!

Þrátt fyrir þessi siðferðilegu álitaefni, hafa stjórnmálamenn tekið ákvörðun um að vinna að hagsmunum peningaaflanna og hella skuldum eikabanka yfir íslenskan almenning.  Það þýðir aðeins eitt varanlegir múrar áratuga skuldaánauðar munu rísa.

Njótið heil.

 http://www.youtube.com/watch?v=gELhNbDcLE0

 

Minni á Zeitgeist Addendum á RUV í kvöld.

 

Siðferðileg álitaefni Icesave

Lífskjör hverra munu ekki skerðast?

Undanfarna daga hefur það orðið ljósar með hverjum deginum hverskonar leikrit hefur verið í gangi hjá kjörnum fulltrúum þjóðarinnar.  Icesave verður samþykkt, engin hætta á öðru.  Það er því orðið nokkuð ljóst að stjórnmálamennirnir ætla fyrst og fremst að hafa hag bankana og stjórnkerfisins að leiðarljósi.

Fulltrúar allra flokkar eigi undarlegan feril í þessu icesave máli, sem oft á tíðum hefur varla verið hægt að flokka undir annað en lýðskrum í ljósi þessarar niðurstöðu.  Sennilega hefur fulltrúi Borgarahreyfingarinnar komist að skringilegustu niðurstöðunni þegar hafðar eru í huga röksemdir hans í ESB málinu.   

Hann lætur hafa eftir sér að; "Með þessum breytingum sé tryggt að lífskjör Íslendinga skerðist ekki vegna þessara skuldbindinga."  Það hefur semsagt verið unnin stórkostlegur varnarsigur, að hætti sendiherranns. 

Lífskjör hvaða Íslendinga munu ekki skerðast, við það að hella skuldum einkabanka yfir almenning?

Samkomulag í fjárlaganefnd

Kemst sauðdrukkinn í meira bús?

 

Ég varð fyrir því óhappi að lána félaga mínum heimilisbílinn fyrir stuttu. Mér hafði verið bent á að hann væri kófdrukkinn en þar sem ég hafði setið að sumbli með honum og þar sem bíllinn var notaður til þess að ná í meira bús, þá harðneitað ég öllum aðdróttunum um slíkt.

 

Síðan gerist það að félaginn lendir í umferðaróhappi og varð valdur af smávægilegu tjóni þegar hann keyrði á tvo bíla. Það fór ekki fram hjá neinum á slysstað að hann var það slompaðu að hann gat ekki gengið. Ökumaður annars bílsins tók þá þann pól í hæðina að keyra á heimilisbílinn minn og gjöreyðileggja hann til að fyrirbyggja að félaginn flýði af vettvangi.

 

Til að lenda ekki með málið í hart og missa bónusinn o.s.f.v. ákvað ég að það væri betra fyrir mig að semja um málið. Eftir svolítil leiðindi nennti ég þessu ekki lengur og ákvað að borga bara allt helvítis klabbið. Enda var mér boðið það á ágætu kúluláni. Skuldabréfið var útbúið í snatri með veði í húsi fjölskyldunnar. En þá kom babb í bátinn, konan er nefnilega skráð fyrir húsinu. Hún er búin að vera með allskonar nöldur og leiðindi, m.a. "við missum húsið hvað þá"-"þú getur ekki gert þetta gagnvart börnunum"-"hvar ætlarðu að hafa tekjur til að borga þetta, við höfum aldrei haft tekjur afgangs í svona lagað" o.s.f.v..

 

Ég reyni að róa hana "svona svona það er nú ekki eins og heimurinn sé að farast", það megi fá talsvert fyrir hræið af heimilisbílnum á partasölu. Það er nú heldur ekki eins og það þurfi að borga þetta strax og ef við samþykkjum þetta getur vel verið að ég fái lán fyrir nýjum heimilisbíl og félaginn haldi jafnvel bílprófinu. Allt er nú betra heldur en að missa lögregluna í málið. Sú gamla er smá saman að komast á mitt band, hún segir þó að ég verði að gera bankastjóranum grein fyrir að þetta veðleyfi hennar sé háð því skilyrði að ég hafi þær tekjur sem ég er búin að telja henni trú um að ég fari létt með að afla.  Svo er nú möguleiki að fá verulega  bætt við yfirdráttinn og ekki veitir nú af því ef maður á að njóta einhvers trausts, en það verður náttúrulega ekki gert með þetta hangandi yfir sér.

 

Þar að auki styttist í mánaðarmót, ég hef engin efni á því að missa af hækkuðum yfirdrætti því við félagarnir erum búnir að ákveða að far í lax og ekki hafa áfengishækkanirnar verið til að hjálpa til við heimilisbókhaldið.  Haldið þið nokkuð að það þurfi að útbúa nýtt skuldabréf út af svona nöldri, eru kúlulán ekki bara eitthvað svona eins hjá Birnu bankastjóra?

Sátt að nást um Icesave

Icesave verður smþykkt, engin hætta á öðru.

Nú þyngist áróðurinn og dramatíkin verður átakanlegri í icesave leikritinu.  Það er lítil hætta á öðru en leikararnir 63 finni lausn á því að koma icesave skuldum einkabankans yfir á aalmenning þó svo að það verði sennilega ekki 63-0.  Því að öðrum kosti verða þeir að skera niður hjá elítunni.  Jóhanna kom klökk og skjálfrödduð fram í sjónvarpsréttum í gær yfir hugsanlegur örlögum ríkisstjórnarinnar og þar með elítunnar.  Dramatíkin í röddinni var í svipuðum tón og þegar hún kom fram 6. október s.l. og talaði um skjaldborgina fyrir heimilin.

Það sem almenningur hefur mátt horfa upp á eftir hrunið er að elítan ætlar með öllum ráðum að sitja áfram við valdaborðið.  Þetta er farið að minna óþyrmilega á veisluborð þar sem menn éta á sig drullu og standa upp til að hafa sætaskipti, en rétt á meðan ekki var setið á almenningur í hlutverki ræstingakonunnar að þrífa sætin.  Þetta lið þrífst ekki á öðru en hnallþórum í formi kúlulána og nú á að taka þau af ríkinu á kostnað almennings.

Samkvæmt fréttum gerir "Jón Sigurðsson ráð fyrir að efnislega ljúki samningaviðræðum við Pólverja um 200 milljóna dala lánveitingu til Íslendinga á næstu vikum. Formlega má ætla að samningum verði lokið í september. Þetta segir Jón Sigurðsson, formaður samninganefndar íslenska ríkisins, um gjaldeyrislán."  Ef mér skjöplast ekki er þetta sami Jón Sigurðsson og var fyrrverandi stjórnaformaður hins umdeilda FME sem svaf vært, ekki bara á icseave verðinum heldur einnig gagnvart íslenskum almenningi.  Nú er hann eitt helsta andlit Íslands út á við í samninganefnd við að slá lán hjá hinu margrómaða alþjóðasamfélagi. 

Samkvæmt fréttum "stendur skilanefnd Glitnis  í málaferlum við félag í eigu Sigurðar Helgasonar, nýkjörins stjórnarformanns Icelandair, vegna gjaldfallinnar skuldar. Sigurður og félag hans Skildingur skulda Glitni einn og hálfan milljarð. Skilanefndin hefur meðal annars kyrrsett tugmilljóna króna innistæðu félagsins."  Skilanefndin er skipuð endurskoðendum sem kvittuðu upp á uppgjör Glitnis sem sýndu frábæra afkomu.  Nú sjá þeir engan hæfar en Sigurð til að taka við stjórnaformennsku Icelandair.

Þetta eru m.a. fréttir sem hafa verið að birtast síðustu klukkustundir, ef fréttir síðustu mánaða af þessu tagi yrðu súmmaðir í eitt, er hætt við að almenningi yrði meira en lítið flökurt.

Ríkisstjórn á suðupunkti