Svo komu þau á eftir þér.

Það var viðbúið að alþjóðasamfélagið ásamt NATO hreinsaði hendur sínar af viðbjóðnum í Líbýu. Fyrir þá sem vilja annað sjónarhorn en það sem birtist dag eftir dag í fjölmiðlum mæli ég með þessu videoi. 

 

 

Í upphafi árásanna á Líbýu birti ég þessa grein um alþjóðasamfélagið eftir Henry Makow.  Þetta er ekki síður athyglisverð lesning nú en þá.

 

Blettur á nýjum valdhöfum

Hvernig verður hægt að stöðva alþjóðasamfélagið?

 

Það rennur sjálfsagt stöðugt upp fyrir fleirum hversu mörg glæpaverk eru framin af "alþjóðasamfélaginu", sem okkur er ætlað að trúa að sé á okkar ábyrgð, með okkar samþykki.  Hérna er hugvekjandi grein sem skrifuð er í tilefni árásanna á Líbýu.

How to Stop the NWO (New World Order)

by Henry Makow, Ph.D.

Þetta er að verða eins lélegt handrit að B-mynd. Mannkynið hefur verið tekið yfir af myrkum öflum. Allir verða að handsala leynilega loforð um stuðning við þessi myrku öfl. Meðlimir eru ýmist dekstraðir eða beittir fjárkúgunum til að tryggja algera hollustu.

Þó að minnisvarðar þessara afla og tákn séu út um allt, þorir enginn að nefna þau á nafn, né ganga gegn þeim.

Lögmál Murphy's hefur orðið að sannleika. Ef eitthvað getur farið úrskeiðis, mun það gera það. Svo hefur það verið fyir mannkynið.

Vestræn "siðmenning" hefur gefið sig á vald þessara djöfullegu afla. Hin svokallaða "vísindalega upplýsing" hefur verið gerð að höfnun mannsins á Guði.

Það er með ólíkindum að örlítilli klíku "siðblindra" bankstera, Illuminati, hafi tekist að afnema Guð (þ.e. náttúrulegum-og siðferðilegum lögmálum alheimsins) í nafni "húmanískra," "ástæðna" og "framfara." Héðan í frá munu þau allt eins geta ákveðið hvað er heilbrigt og eðlilegt, þ.e. samkynhneigð, lauslæti, sifjaspell osfv.

Í dag er mannkynið fast í djöfullegri greip þessara afla, og sekkur dýpra í dáið. Skip siðmenningarinnar er að sökkva undir fótum okkar á meðan farþegarnir vafra um sofandi. Til að nota sjómanna samlíkingu, þá erum við kominn útbyrðis án björgunarvestis.

Illuminati bankaveldið einhendir sér í að eyðileggja kristna siðmenningu - sérstaða trúarbragða, kynþátta, þjóða og fjölskyldna - hefur verið innlimuð í nafni húmanisma þessara afla, "alþjóðasamfélagið "New World Order."

Þeir hafa frumkvæðið að því að fjármagna stríðsrekstur til að eyðileggja þjóðir, sá öfund, að breiða út firringu og blekkingar. Þeir halda mannkyninu í gíslingu með því að stjórna huga þess. Það er engin tilviljun að fjölmiðlum er stjórnað af handfylli fyrirtækja sem gera út á vörumerkja dulspeki.

Niðurrifsstarfsemin sem beint er að mannkyninu af þessari örlitlu klíku og samverkamönnum hennar hafa hulið sanna sögu okkar daga. Einu alvöru átökin sem átt hafa sér stað eru; Illuminati gegn mannkyninu, sem hefur sett almenning allra landa á altarið sem fórnarlömb.

AFNEITUN.

Þrátt fyrir öll sönnunargögn, erum við í afneitun. Við í raun trúum ekki þessu samsæri. Það er eins og að komast að því að við höfum alið ófreskju. Við viljum ekkert af henni vita. Fjölmiðlar halda áfram að segja okkur að lýðræðis- og menningarlegar stofnanir okkar séu traustar og ábyrgar. Við viljum trúa því. Við þjáumst af vitsmunalegum vanþroska.

Samsærið er raunveruleg og það er miklu verra en við höldum. Öflugt fólk hefur búið það til og blásið það út um aldir. Þeir hafa reist grimm lögregluríki á bak við andlit lýðræðislegra stjórnvalda og frelsis. Öfugmælin eru allstaðar, "baráttuna gegn hryðjuverkum" er ekki annað en hönnuð atburðarás til að skerða frelsi almennings.

Siðareglur þeirra hafa verið virkjaðar. Illuminati vill eiga og stjórna öllum þjóðum. Þeir vilja vera Guð. Þeir störtuðu byltingum, heimsstyrjöldum, kalda stríðinu, Kóreustríðinu, Víetnamstríðin, morðinu á John F Kennedy , árásunum á Tvíburaturnana 9-11, Írakstríðinu og Afganistanstríðin, sem og "stríðinu gegn hryðjuverkum."

Í dag eru þeir uppteknir af því að stela auði Gadhafi's. (Þeir vilja Brúður uppblásnar af þeim sjálfum sem þjóðarleiðtoga.)

Þessi öfl sáðu ótta meðal kvenna í garð karlmanna sem verkfæri í að vekja ótta og tortryggni, sem kynferðislegt áreiti í nafni kvenfrelsis. Þau eru ábyrg fyrir bælingu okkar á eðlilegu kærleika okkar hvors til annars, sem dregur öll mannleg samskipti niður á plan kynferðislegrar fróunar. Þeir nota kynlíf markvisst til þess að draga okkur í dilka og gera okkur að fénaði sínum.

Við erum frjáls í afmarkaðri tilfinningu einstaklingsins, þökk sé Guði. En sameiginlega erum við eins og búfénaður. Ef þeir byðu í raun frelsi, myndi þeir styrkja okkur. Þeir myndu útbreiða borgaraleg gildi, föðurlandsást og sögu. Þeir myndu efla sterkara samband karls og konu, hjónabandið og fjölskylduna.

Í stað þess vinna þeir skemmdarverk á okkur. Náms-og menningarlegir staðlar eru lækkaðir. "Afþreyingarefni" er notað í sama tilgangi og dulspeki við að skapa brenglaða sýn.

Manngæskan þjáist af brengluðum gildum. Við höfum verið dáleidd. Gefnar fyrirmyndir og eftirapanir. Ekkert nýtt, eða satt. Okkur er alls ekki ætlað eiga stefnumót við skapara okkar.


HVAÐ Á AÐ GERA?

Samsæri þarf leynd og myrkur til að dafna. Við getum einfaldlega upprætt það með skínandi ljósi sannleikans.

Við verðum að fletta ofan af þátttakendunum og þeirra illu verkum, t.d. byrja á 9-11. Leiðtogar okkar og fjölmiðlar eru meðspilarar, sem gerst hafa sekur um að hylma yfir fjöldamorð.

Fyrsta starf hverrar ríkisstjórnar ætti að vera að tryggja að hagsmunir fólksins séu teknir fram yfir hagsmuni þessara myrku afla. Ríkisstjórnir okkar hafa brugðist. Þau hafa enga lögsögu lengur.

Illuminati þarf lögsögu til að virka. Við getum afnumið hana. Við þurfum að sýna sannleikann eins mörgum og mögulegt er. Við þurfum að hjálpa þeim ráðvilltu að sjá hið sanna, þetta er sameiginlegur óvinur.

Við erum örlítið brot af íbúafjölda þessa heims. En eins er með Illuminati, en ofríki verður íþyngjandi, því stöðugt fleira fólk mun leita skýringa.

Við verðum að vera staðfastlega friðsöm. Allt annað spilar vinninginn í hendur þeirra. En við ættum að vera vopnuð og reiðubúin til að verja okkur. Að mínu mati er útbreidd eignarhald á byssum í Bandaríkjunum ein helsta ástæðan að þau eru enn tiltölulega frjáls.

Samfélag manna sem byggt var á grundvallar gildum, réttlætis, kærleika og fegurðar, hefur verið grafið undan markvisst. Þeir eru að eyðileggja menninguna. Látum það ekki verða okkar eftirmæli að hafa sofið án þess að taka eftir því.

http://www.henrymakow.com/how_to_stop_the_nwo.html

 

 

Uppreisnarmenn vilja vopnahlé

Eftirlitsiðnaðurinn lætur ekki að sér hæða.

 

 

Þá eru háskólamenntuðu bjálfarnir að ná sér á strik innan landbúnaðargeirans, eiga eftir að skapa ótal eftirlitsstörf á næstu árum til að hafa vit fyrir þeim sem vita hvað þeir eru að gera, með starfsfólki sem hefur ekki hugmynd um hvað landbúnaður snýst .

Mér verður oft hugsað til kunningja míns sem rekið hefur bát í ferðaþjónustu yfir sumartímann.  Hann hóf þennan rekstur fyrir 16 árum síðan og hefur hann gengið áfallalaust með öllu.  Á þessum tíma hefur eftirlitið verið aukið með tilheyrandi kostnað þannig að æ erfiðara verður að ná endum saman enda hafa margir í þessari grein hætt við smávægileg áföll.

Stærsti kostnaðarliðurinn er hið einkavædda eftirlit.  Yfirferð björgunarbúnaðar, siglingatækja og fleiri sjálfsagðra öryggisatriða.  En jafnframt eru þykktarmæling, jafnvægismæling osfv. og ef einhver heldur að þetta sé einn eftirlitsaðili þá er það misskilningur þeir eru jafnmargir og atriðin sem eru skoðuð og kosta frá tugum þúsunda til hundruða þúsunda skoðun hvers atriðis.  Sem dæmi þá er byrðingur þykktarmældur annað hvert ár þrátt fyrir að vera úr 8 mm stál en reglur kveða á um 4 mm lágmark.  Á þessum 16 árum hefur stálið eðlilega ekki þynnst um 1 mm, en kostnaðurinn við mælingarnar hleypur orðið á hundruðum þúsunda.

Fyrsa árið sem ég sigldi með bát félaga míns voru öryggisvesti fyrir alla farþega á stað sem auðvelt var að nálgast þau, fljótlega kom fyrirskipun um að allir skyldu klæðast öryggisvestum um borð, síðastliðið ár voru settar reglur um að öll öryggisvesti skyldu hafa blikkandi ljós með tilheyrandi rafhlöðubúnaði.   Þegar bent var á að hver 40 min siglingin með bátnum byði upp á 2 klst landtöku og því færi hver farþegi úr og í öryggisvesti tvisvar með tilheyrandi hnjaski á rándýrum búnaði blikkljósanna voru fyrirmælin skýr, kaupið þið bara nóg af vara ljósum. 

Það þarf ekki að taka það fram að þó svo að þessi ferðamannbátur sé aðeins gerður út um hábjartan sumartímann og sigli aldrei í myrkri þá rýmast svoleiðis staðreyndir ekki innan reglugerða fábjánanna allir um borð skulu vera eins og útblásnir appelsínugulir björgunarbelgir með blikkandi ljósabúnað á siglungu um hábjartan dag í glampandi sumarsólinni.

Bændabýli teljast fóðurfyrirtæki

Öfugmæli.

 

Sjáið hvað við höfum gert, öllu hefur verið snúið á hvolf; læknar tortíma heilsu, lögfræðingar hundsa réttlætið, háskólar eyðileggja þekkinguna, ríkisstjórnir skerða  frelsið, stærstu fjölmiðlarnir sannleikann og trúarbrögðin anda giftuna.  Michael Ellner.

Fyrirsögn fréttarinnar gæti eins verið , "Ránið staðfest".  Það rán sem hefur farið fram á yfir 100 þúsund heimila landsins hefur verið staðfest sem siðlegur gjörningur.  Ekki eitt orð um hvernig hyskið spilaði á verðtryggingu og gengi.  Ekki eitt orð um að síendurteknar ránsferðir fjármála elítunnar inn á heimili landsins í gegnum verðtryggingu verði stöðvaðar.  Hvernig gátum við eignast svona málsvara?

Við lifum í heimi þar sem ca. 3% af íbúa fara með yfiráð auðlindanna á meðan hinum 97% er leift að bítast um molana.  Við þurfum  að borga fyrir það með ævi okkar að búa í landinu  sem við fæðumst í, með vinnu þar sem við móttökum pappírsmiða í formi peninga.  Vinnan felst aðallega í  flokkun pappíra og að hafa eftirlit hvert með öðru svo að reglum kerfisins sé fylgt í hvívetna. 

Þó landnæðið ættlandsins sé nóg þá er fæstum gefin landskiki í fæðingargjöf þar sem hægt væri að byggja sitt hús og ræktað sinn garð.  Einstaklingurinn er þess í stað hugsaður sem tekjustofn strax frá fæðingu, neytandi sem heldur hagkerfinu uppi og skapar tekjur.  Sem flestir skulu vinna við að flokka pappíra kerfisins þiggja fyrir það laun sem duga varla fyrir fæði og húsaskjóli, hvað þá landskika til framfærslu.  Í raun ætti sú vinna sem  nauðsynleg til að komast af, að einskorðast við mat og húsaskól.  Annað ætti að vera  áhugmál og náungakærleikur.  En í stað þess fylgjum við hugmyndafræði þeirra 3 % sem ráða allsnægtunum, sem við viljum trúa að allir hafi jafnan aðgang að í gegnum það kerfi sem byggt hefur verið upp.

Þó við viljum trúa því að ríkinu sé ætlað að gæta jafnræðis meðal þegnanna, þá er því ætlað að flokka þá og hafa að tekjulind.  Þetta er gert á skipulegan hátt sem viðgengist hefur um aldir.  Óendanlegar reglur hafa verið settar um hvernig samskipti fólks skulu vera.  Hvert viðvik, greiði eða velvild í samskiptum þegnanna skal verðleggja í gegnum vinnu og gefa upp til skatts.  Innræting ríkisins er svo öflug að við trúum því að þannig fáum við réttlátari skiptingu gæðanna og við sjálf séum höfundar kerfisins.  Jafnvel eftir hrun þar sem ríkisvaldið stendur strípað, líkt og keisarinn forðum, er ætlast til að afrakstur vinnu okkar renni í formi skatta til glæpamanna sem brutu öll siðferðisviðmið náungakærleikans.   Allir trúa á eigið sakleysi og þeir sem gerðu rangt eru einhverjir aðrir.

 

Strax í skóla er unnið skipulega að því að eyðileggja frjálsa hugsun barnshugans.  Markvisst er barninu kennt að treysta ekki leiðsögn hjartans.  Rökhyggja er hinn eini sannleikur sem marktækur er á lífsleiðinni.  Umburðalindi fyrir sérstöðu einstaklings með skapandi hugsun er lítið.  Viðurkenndri staðreynda þvælu er dælt í huga nemandans sem á svo að skila henni frá sér á klukkutíma lokaprófi. Þannig er hæfnin metin og grunnur lagður að aðgangi til betur launaðrar vinnu fyrir kerfið. Ef nemandinn hlýðir ekki þessari innrætingu, hlýtur hann sérmeðferð á lyfjum sem brýtur niður persónuleikann.  Þeir sem passa ekki inni í formið eru ekki umbornir.  Með þessari kerfisbundnu innrætingu er frjálsri hugsun eytt og til verður rökhugsun kerfisins sem kallast menntun.

Menntakerfið er komið á það stig að flest öll viðurkennd gildi er aðeins hægt að rökstyðja með fortíðar vísindum.  Kennurum er gert að kenna eftir fyrirfram viðurkenndum viðmiðunum þar sem hyggjuvit hjartans hefur verið gert útlægt.  Þar sem rökhugsunin ein er ráðandi og baksýnisspegilinn sýnir sannleikann, þar sem ekkert tilfinningalegt innsæi fyrir framtíðinni fyrirfinnst.  Í reynd er markvisst kennt að vantreysta eigin tilfinningum. 

Menntun sem er uppfullt af rökhyggju, er fyrir löngu búin að missa virðinguna fyrir sköpun hugar og handa, hefur gert skólana að stærðfræði og staðreynda stofnunum sem gerir flesta á endanum að annars heilhvels exel fólki, sem er fullt af upplýsingum án visku, vits og þekkingar.  Stjórnmálamenn sem jafnvel leggja upp með hugmyndir breytinga, verða skíthræddir innan um þetta velmenntaða vinstra heilahvels fólk þegar þeim er ógnað með staðreyndum um að hitt og þetta sé ekki mögulegt fræðilega.  Fólkið með exel þekkinguna sem hefur enga sýn nema aftur fyrir sig hefur verið alið upp til að verja kerfið.  Fólk sem hvorki treystir ímyndunarafli sínu né innsæi, það treystir jafnvel ekki tilfinningum sínum.  Það trúir því að til að vera fullkomlega faglegur þá þurfi að þurrka út tilfinningar.

 

Við eru flest fædd með heilbrigt ónæmiskerfi sem á að halda líkama okkar heilbrigðum í gegnum lífið. Við lifum í þjóðfélagi þar sem heilbrigðiskerfinu viðist ætlað að skapa sjúkdóma frekar en að lækna.  Endalausar bólusetningar vegna óorðinna faraldra er hlutskipti hvers og eins sem fæðist inn í þennan heim.  Svo er komið að heilbrigðiskerfinu er ætlað að fyrirbyggja sjúkdóma sem ekki nokkur maður hefði leitt hugann að fyrir nokkrum áratugum og voru jafnvel ekki til. Þeir læknar sem hafa bent á að það sé í raun verið að sjúkdómavæða heilbrigðiskerfið hafa ekki átt upp á pallborð fjölmiðlanna. 

Bleikur október er notaður til að fá sem flest til að taka þátt undir formerkjum forvarna.  Krabbameinsleit er orðin að atvinnuvegi sem margir eiga lífsafkomu sína undir.  Réttlætingin er að á frumstigi sjúkdómsins sé auðveldara að eiga við sjúkdóminn.  Þessu til stuðnings er sagt að dauðsföllum af völdum brjóstakrabbameins hafi fækkað.  Er þá átt við að dauðsföllum vegna greindra tilfella hafi fækkað?  Heildar dauðsföllum, af völdum þess sem athyglinni er beint að, hefur ekki fækkað. 

Það má segja um marga sjúkdóma að þeir séu eins og sjóveikin, 90% ímyndun sem verður að veiki þegar athyglinni er beint að henni.  Þegar forvarnir eru farnar að beinast að allflestum umgangspestum styttist í að bóluefnið gegn kvefi líti dagsins ljós.  Verður þá barnið eins og nálapuði strax í vöggu?  Útstungin sprautufíkill um miðjan aldur?  Leiðinn liggur í eina átt, lyfjaiðnaðurinn græðir sem aldrei fyrr og þeir eru margir sem telja sig eiga hagsmuna að gæta, atvinnu og afkomu undir.

 

Bankarnir eru sagðir súrefni atvinnulífsins; hversu oft hefur þessi bábilja ekki verið básúnuð í fréttatímum fjölmiðlanna.  Staðreyndum hefur verið snúið við svo bankarnir fái að nærast á viðskiptavinum sínum í gegnum þessa mýtu.  Með óendanlegum vöxtum og vaxta vöxtum þannig að fáir sleppa við að lifa á lánum.  Sagt er að grundvallar tilgangur ríkisstjórna nútímans sé að vera verkfæri fjármagnseigenda að vösum almennings.  Bankarnir eru í besta falli súrefni raðgjaldþrota fyrirtækja s.s. fjölmiðla sem reknir eru út í eitt í skiptum fyrir áróður ríkisstjórna, banka og stór fyrirtækja á kostnað heilbrigðrar skynsemi. 

Skattar eru notaðir til að greiða skuldir ríkisins við fjármagnseigendur sem urðu til þegar þeir tæmdu banka og sjóði innanfrá.  Nú er svo komið að fjármálkerfi sem þótti eðlilegt  um1960 að hefði í sinn hlut 5% af efnahagslegum vexti er farið að taka til sín um 40% af vexti hagkerfisins.  Þegar bankarnir hafa verið tæmdir reglulega innanfrá af eigendum sínum, er þegnunum gert að endurreisa þá með skattfé frá ríkinu.  Þeir síðan réttir fyrri eigendum á silfurfati með einkavæðingu.  Þetta er talið nauðsynlegt svo að bankarnir geti áfram verið súrefnið fyrir raðgjaldþrota fyrirtæki.  Eru til meiri öfugmæli?

Staðan er orðin þannig að hinum almenni borgara er í reynd gert að taka lán, til að borga sér laun til að geta borgað skatta.  Fjármálakerfið hefur leitt til nútíma þrælahalds.  Munurinn á því og þrælahaldi fyrri tíma er sá að áður fyrr þurfti landeigandinn að sjá þrælum sínum fyrir fæði og húsaskjóli nú verður þrællinn að sjá um þann þátt sjálfur með láni frá bankanum.

 

Aftur og aftur upplifum við að lögunum er misbeitt af stjörnulögfræðingum sem fara gegn réttlætinu fyrir hæfilega þóknun.  Dómstólar dæma hvað eftir annað fjársterkum lögbrjótum í hag þannig að trauðla verð gerð skil á dóms- og fjármálakerfi.  Hæsti réttur hefur dæmt lán ólögleg en setur á þau okurvexti sem ekki nokkur heilvita maður hefði tekið lánin á, þannig að lögbrjótarnir missi ekki spón úr aski sínum.  Undir verndarvæng dómstóla fá bankar og hliðstæðar peningastofnanir að hegða sér eins og þeim sýnist.  Peningaelítan græðir á ofþenslu sem hún skapar sjálf, tekur síðan stöðu á móti viðskiptavinum sínum og gerir þá eignalausa með aðstoð dómstólanna. 

Óréttlátt siðferði er rökstutt með því að lögfræðingar séu í vinnunni og þar skal vinna sem bestu kjörin eru í boði hverju sinni.  Fólk réttarkerfisins hikar ekki við að umsnúa réttlætinu gefi það góðar tekjur.  Stjörnulögfræðingarnir víla ekki fyrir sér að fá einstæðar mæður dæmdar á vonarvöl ásamt börnum sínum fyrir rétt verð.  Það þykir orðið eðlilegt að búa við sjónvarpsþátta siðferði þar sem ekki þarf einu sinni að finna réttlætingar fyrir því að vinna að óþverranum.   Ef svo sá sem í dómara sæti situr  getur ekki sett sig í spor þess sem órétti er beittur og gerir aukaatriðin að aðalatriðum, þá erum við á hraðferð til helvítis. 

En hver eru þau lög sem ber að virða?  Þau getur hver manneskja fundið í hjarta sínu, það þarf ekki lögfræðing til.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

 

Enn og aftur höfum við upplifað hið fornkveðna "stjórnmálamenn leysa engan vanda, það eru þeir þeir sem búa hann til.  Þeir glíma stöðugt við afleiðingar misstaka sinna en vilja ekki viðurkenna orsakir þeirra, því þá kæmi það í ljós að þeir væru óþarfir. Það er nefnilega fólkið og tækni þess sem leysir vandamálin."

Við getum hugsað sem svo hvernig geta yfirvöld haft rangt fyrir sér, þau ættu að búa yfir bestu hugsanlegu upplýsingum á hverjum tíma.  Við þurfum ekki að leita langt til að sjá glámskyggni yfirvalda í gegnum tíðina.  Það eru ekki margar aldir síðan að þau héldu því fram að jörðin væri flöt og það var hinn opinberi sannleikur þess tíma sama hvað það virðist fáránlegt í dag.  Fjármálakerfið er hinn flati fáránleiki nú á tímum sem valdhafar ætla okkur að trúa á.  Almenningi er gert að búa við verri refsingar fyrir að taka ekki þátt í þeirri sjónjhverfingu en þeim sem neituðu að trúa á flatnesku jarðainna á öldum áður.

Um leið og fólk rís upp og áttar sig á fáránleika kerfisins og ákveður að taka ekki þátt í sjónhverfingunni lengur mun spilaborgin hrynja og kreppan hverfa eins og dögg fyrir sólu.  Stjórnmálamenn eru ekki þeir sem verða til þess leysa nein vandamál, þeir stoppa sjaldan lengi við sem fulltrúar fólksins, þeir breytast fljótt í varðhunda talnaverksins og nota ótrúleg meðul til að vekja upp ótta hjá fólki. 

Fljótlega eftir að stjórnmálamenn komast til áhrifa fara þeir að hamrað á, hvað auðlindir heimsins séu takmarkaðar og að þær endurnýist ekki í takt við það sem sem af er tekið.  Olían er að ganga til þurrðar, jörðin er að ofhitna, ísinn að bráðna, gat komið á ósonlagið, fuglaflensa handan við hornið, regnskógarnir í útrýmingarhættu, allt með ófyrirsjáanlegum afleiðingum.  Svo fara þeir í fjögurra mánaða sumarfrí og allt er í þessu fína lagi á meðan. 

Vinnutíma sinn nota stjórnmálamenn að mestum í að búa til vandamál og sá ótta sem ætlað er að færa völd í hendur þeirra sem vilja ráða yfir tíma okkar og hugsunum.   Til þess að koma áróðrinum til skila nota þeir raðgjaldþrota fjölmiðlana. Staðreyndin er að stjórnmálamenn búa til fleiri vandamál en þeir leysa, því að þeir í besta falli einblína á afleiðingar en ekki orsakir.

Það er ekki hægt að leysa vandamálin með sömu samvisku og  orsakaði þau.  Vandamál sem við fáum ekki leyst ættum við að líta fram hjá og halda áfram með líf okkar.

Þegar við ákveðum að yfirgefa vandamálin sem okkur eru ætluð þá hafa eigendur þeirra ekki lengur vald yfir okkur.  Þetta kerfi vandamála er eins og spilaborg sem byrjar að hrynja þegar fleiri en einn yfirgefa hana því það erum við sem höldum henni saman.   Það er ekki svo að þeir hafi byggt þessa spilaborg, heldur hafa þeir fengið okkur til þess vegna þess að við erum alinn upp í þeirri trú að það sé okkur fyrir bestu, en það þjónar eftir sem áður þeirra hagsmunum.  Um leið og við segjum takk fyrir við höfum fengið nóg og höldum áfram með líf okkar í þá átt sem við viljum eru völd þeirra yfir okkur að engu orðin.

 

60 þúsund heimili njóta góðs af

Þarf þjóf til?

 

Þau fara stórum tryggingafélögin í að verjast þjófum á landinu blá þessa vikuna.  VÍS með svikhnappinn Sjóvá með nágrannavörsluna í samstarfi við Securitas, Símann og raðgjaldþrota 365.  Svolítið sérkennilegt af þessum fyrirtækjum, ef litið er til þess hvaða hlutverk þau léku í hruni sem rændi íslensk heimili um 185 milljarða.  En nú eru bjartir tímar framundan skattgreiðendur búnir að endurreisa Sjóvá og rétt að hafa allan varan á gagnvart þjófum og svikahröppum.

Eitt af því sem hefur vakið athygli mína undanfarin ár er sístækkandi skógur eftirlitsmyndavéla.  Í sumar ákváðum við hjónin ásamt vinafólki að fara á bræðsluna á Borgarfirði.  Áður en við lögðum af stað þurftum við að koma við á bensínstöð til að kaupa batterí.  Á meðan konurnar fóru inn fórum við að telja eftirlitsmyndavélarnar á horni hússins, þær voru fjórar.  Þar sem ekki fengust batterí á þessari Shell stöð var farið á N1. Áhugi okkar á eftirlitsmyndavélum var vakinn og á N1 töldum við átta vélar, bara yfir dælunum. 

Bræðslan er ein af vinsælustu sumarhátíðum landsins, í litlu sjávarplássi koma saman þúsundir manna allstaðar af landinu eina helgi í júlí þar sem vinsælustu tónlistarmenn landsins troða upp, auk þess sem yfirleitt er boðið upp á eitt heimsþekkt númer.  Þegar við kíktum inn á Álfakaffi var löng bið eftir afgreiðslu.  Svo við höfðum nægan tíma til að skoða gersemar sem voru í hillum upp um alla veggi.  Hver slípaði demanturinn um annan, steinar úr ríki Borgafjarðar, verðlagðir frá þúsund og upp í tugir þúsunda. Félagi minn hnippti í mig og sagði "sjáðu það er engin eftirlitsmyndavél hérna inni, það er stappað af allskonar fólki og það er ekki hægt að sjá að neinu hafi verið stolið". 

Það sem mér datt í hug við þessa athugasemd var "þarf  þjóf til að setja upp eftirlitsmyndavél". 

Það hafa fáir forsvarsmenn fyrirtækja verið staðnir af eins grófri markaðsmisnotkun gagnvart viðskiptavinum sínum og hjá olíufélögum og bönkum þar sem frumskógur eftirlitsmyndavéla er hvað þéttastur.  Það sem undarlegra er að myndavélunum í þessum fyrirtækjum er beint að viðskiptavinunum.  Þegar í raun þeim hefði betur verið beint að forsvarsmönnum þessara fyrirtækja svo viðskiptavinirnir hefðu getað fylgst með hvaða launráð væri verið að brugga í bakherbergunum.

Eitt átakanlegast dæmið, þar sem eftirliti hefur verið snúið á haus þegar kemur til blekkinga gagnvart viðskiptavinum, er nágrannavörslu auglýsingaherferð Sjóvá.  Eftir að bótasjóðir félagsins höfðu verið tæmdir innan frá, hver skúffa þurrausin af peningum svo ekki var til fyrir útborgun launa, voru skattgreiðendur látnir leggja fyrirtækinu til milljarða svo ekki þyrfti að setja starfsemina í þrot. Einum manni  var skipt út, forstjóranum.  Síðan farið út í umfangsmikla auglýsinga herferð sem gengur út á nágrannavörslu.  Þar sem starfsfólk þessa fyrirtækis er boðið og búið til að aðstoða fólk við að finna þjófana í sínu nánasta umhverfi.  Og helst má skilja á auglýsingunum að þeir leynist í hverju garðshorni.

Þegar ég lít út um stofugluggann hjá mér, sem er með frábæru útsýni, sé ég tvo skóla.  Gamla barnaskólann minn og menntaskóla.  Á þessu byggingum get ég talið fjölda eftirlitsmyndavéla bara þar sem ég stend við gluggann.  Það væri t.d. útilokað að fara á bak við skóla og reykja í frímínútum eins og við gerðum í gamla daga án þess að athæfið næðist á myndavél.  En er þetta það þjóðfélag sem við viljum láta börnin okkar alast upp við?  Gera það að glæp að prófa að reykja á bak við skóla, en leyfa djöflunum að ganga af göflunum inn á kennarastofunni.

 

Svikahnappur andstæður lögum

Gæti verið saga úr helvíti.

Lög sem ekki túlka réttlæti ættu ekki vera lög nokkurs samfélags og þegnarnir ættu að sýna það siðferðisþrek að hunsa slík lög. 

Þeir dómar sem fallið hafa upp á síðkastið gagnvart skuldurum lýsa því vel hversu sterk tök gjaldþrota fjármálkerfis eru á Íslandi.  Niðurstöðurnar er samkvæmt pöntun gjörspilltrar elítu sem braut lög og öll siðferðisviðmið sem á endanum leiddi til þess að fjármálkerfið hrundi.  Það að Héraðsdómur Suðurlands sjái ekki forsendubrest í dómi sínum lýsir hreinni illsku.

Dómurinn virðis gera aukaatriði að aðalatriði og líta algerlega framhjá orsökum þess að skuldin komst í vanskil.  Tæknilega er hægt að rökstyðja dóminn.  En réttlætið er fyrir borð borið.  Dómarinn hunsar réttlætið og skortir kjark, til að túlka samhengi.  Ef sá sem í dómara sæti situr  getur ekki sett sig í spor þess sem hefur misst tekjur og stendur frammi fyrir meiriháttar forsendubrest, þá erum við á leiðinni til helvítis. 

En hver eru þau lög sem ber að virða?  Þau getur hver manneskja fundið í hjarta sínu.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

Byggði vörnina á forsendubresti

Lopapeysa og öryggisvesti.

 

Það er spurning hvort stjórnvöld fái ESB styrk til að innleiða staðalinn fyrir íslensku lopapeysuna.  Eða það nægi að fara í gult öryggisvesti utanyfir eins og spænskum gleðikonum hefur verið gert að gera við störf á götum úti.

Sá veruleiki sem okkur er ætlað að búa við er nú þegar að mestu innrættur samkvæmt fyrirframgefnum númeruðum stöðlum. Strax í barnæsku hefst innræting  þar sem foreldrar yfirfæra sinn veruleika yfir á börnin og í formi menntunar.  Það er búið að setja staðla og númer yfir flest þegar barn fæðist.  Tölur er stór hluti þessara stöðluðu reglna s.s. aldur, þyngd, einkannir, fatanúmer osfv. allt er vegið og metið samkvæmt númerum og tölum. 

Eftir að hafa starfað við að selja handprjónaðar lopapeysur til erlendra ferðamann hefur mér orðið það betur ljóst hve afgerandi þessi númeraða innræting er.  Handprjónuð lopapeysa er einstök.  Hún hefur yfirleitt ekki númer, litir, mynstur, vídd, og sídd osfv. fer eftir hugmyndum prjónakonunnar sem yfirleitt prjónar hana sér til ánægju og til að skapa eitthvað sérstakt.  Þó hún sé prjónuð í fyrirfram gefinni stærð og mynstri, hefur segja hversu fast hún er prjónuð.  Það má því segja að aðeins sé til eitt eintak af hverri handprjónaðri lopapeysu í heiminum.

Ferðamenn sem kaupa lopapeysur eiga oft mjög erfitt með að ákveða sig þegar lopapeysa er annars vegar.  Þó hún smellpassi, litir og mynstur sé það sem leitað var eftir.  En það vantar oftast númerið til að staðfesta að þessi sé sú rétta.  Algengar spurningar eru; Hvaða númer er hún?    passar þessi er hún eins og hún á að vera á mér?  Þó að maður segði hún á að vera L þá getur svarið verið, "þá gengur þessi ekki ég nota ekki nr. L.  Það getur verið betra að beina athyglinni að öðru en ónúmeraðri stærð þegar lopapeysur eru annars vegar.

Hefðin er að gefa verð upp í númerum annað virðist ekki ganga.  Ég heyrði af  samfélagmarkaði með notuð föt þar sem var allt var frítt.  Ef þú gast látið eitthvað af hendi rakna í staðinn þá var það vel þegið.  Á svona mörkuðum finnur fólk oft sitthvað sem það langar virkilega í.  En það að verðmiði skuli ekki vera til staðar og það sé kaupandanum í sjálfsvald sett hvað hann gefur fyrir hlutinn virðist oftar en ekki verða til þess að fólk verði óöruggt og finnst að eitthvað stórundarlegt sé á seyði.  Aftur á móti ef vörur á svona markaði eru verðlagðar með láum tölum á fólk það til að hamstra og kaupa það sem það hvorki langar í né vantar.

Innræting þessarar fyrirfram gefnu neyslutilveru hefst strax í bernsku.  Í leikskólum er ekki farið í göngutúr nema í neongulum öryggisvestum merktum stærstu fyrirtækum landsins.  Snemma í sumar mætti ég lögreglubíl sem fór með blikkandi ljósum fyrir stórum hóp leikskólabarna .  Háskólamenntuðu leikskólakennararnir höfðu skipulagt gönguferð.  Allir skyldu vera í gulum öryggisvestum í lögregluvernd.  Skammt þar frá voru unglingar í sumarvinnu, útí móum að tína rusl í gulum öryggisvestum.  Það sem kom upp í hugann var; eru þetta þær reglur sem ég hef tekið þátt í að móta? 

Öryggisvesta æðið kom hingað austur með stórfyrirtækinu Alcoa, mér datt fyrst i hug að þetta myndi einungis verða þjóðbúningur Reyðfirðinga.  Nú eru öryggisvestin að verða allsráðandi á vinnustöðum og jafnvel á götum úti.  Oft það eina sem er merkt S, M, L, eða XL sem fólk getur klætt sig í, annað verður að vera með tölusettum númerum.  Einstaklingurinn er orðin kennitala sem notar númeraða skó og tjáir sig í gegnum ip tölu. 

Krafa um víðtæka aðlögun

Í tilefni dagsins.

 

Við erum fædd sem lítil kríli hinna óendanlegu möguleika.  Við elskuðum og vorum elskuð án skilyrða.  Hugtakið skortur var ekki til.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir.  Skoðanir þínar vor gerðar að aðhlátursefni jafninga þegar þú efaðist um fræðin.  Þú leifðir hópsálinni að hafa áhrif á gerðir þínar og ákvarðanir.  Þú gerðir það sem þér var sagt af ótta við afleiðingarnar af því að gera það ekki.

 

Líkar þér að stjórnast af ótta?  þér voru gefnir dómar svo þú lærðir að gera það sama.  Hver og einn þarf að koma auga á hvað hann dæmir í fari annarra.  Vera meðvitaður um þá dóma og breyta þeim hluta sjálfsins sem dæmir.  Hugmyndir þínar hafa mótast í gegnum áhorf á sjónvarp (sem er talin nauðsynleg innræting í almannaþágu).   Við erum síðan verðlaunuð með afþreyingu svo við rannsökum ekki veruleikan í kringum okkur.  Meðvitað haldið fávísum með þeirri vissu að við óttumst hið óþekkta.

 

Við viljum vera upplýst um viðburði heimsins en erum fóðruð á áróðri.   Þér var gefin von um breytingar með lýðræðislegum kosningum. En sú von hrundi þegar þú uppgötvaðir að öllum flokkum er stýrt af sömu hendi.  Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins.

  

Þú hófst lífsgæðakapphlaupið vegna þess að annar möguleiki var akki augljós.  Við erum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Efnafræðiformúlur eru á matseðli þínum til að gera þig mótækilegri.  Þú varðst óánægður með stöðu þína en var sagt "að lifa ekki um efni fram".

 

Okkur var kennt að gera lítið úr öðrum vegna þess að þeir eru öðruvísi.  Sem gerir okkur auðsærð þegar sérstaðan sem við teljum einkenna okkur verður fyrir aðkasti af sama toga.  Þá er sama neikvæða hegðunin endurtekin vegna þess að við kunnum ekki annað en að láta kringumstæðurnar stjórna geðinu.   Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt.

 

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Þjóðarstolti var þér innrætt til að einangra þig frá heiminum.  Þú einungis takmarkar þig með því að setja gæðastaðla.  Sannleikanum verður aldrei svo auðveldlega fyrirkomið í kassa.

 

Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eins og Bill Hicks sagði; "Þú ert ímyndun þín sjálfs".

 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur.

 

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki.

 

 

Aldrei fleiri brautskráðir