Húrra fyrir Heimavarnaliðinu!

Eftir fall þriðja ríkisins og eftir að hafa lifað við áralangan áróður nasista höfðu margir Þjóðverjar þetta að segja;

Fyrst bönnuðu þeir stéttarfélögin og ég var ekki í þeim svo ég gerði ekkert.

Svo tóku þeir kommúnistana og ég var ekki kommúnisti svo ég gerði ekkert.

Svo tóku þeir gyðingana og ég var ekki gyðingur svo ég gerði ekkert

Svo komu þeir eftir mér, þá var engin eftir til að verja mig.

 

Látum þetta ekki verða eftirmæli okkar;

Fyrst gengu þeir að þeim sem ekki stóðu í skilum með bílalánin, en þar sem ég var ekki með bílalán varðaði mig ekkert um það.

Svo gengu þeir að þeim sem ekki réðu við húsnæðislánin en þar sem ég réði við mitt snerti það mig ekki.

Svo gengu þeir að þeim sem höfðu misst vinnuna og gátu ekki staðið í skilum með skuldir sínar, en þar sem ég hafði vinnu kom mér það ekki við.

Svo fóru þeir fram á að ég léti svo stóran hluta tekna minna í skatta að ég var verr settur en þrællinn, þá var enginn eftir til að verja mig. 

 

Sýnum að við stöndum saman með Heimavarnaliðinu við að verja heimilin fólks fyrir útburði vegna óréttmætra skuldakrafna.  Því versta martröð peningakerfisins er synjun okkar um greiðslu stökkbreyttra skulda, synjun okkar á að borga snarhækkaða skatta, synjun okkar á að yfirgefa heimili okkar þó svo sýslumaður og lánastofnanir fari fram á það.  Kerfið getur ekki staðist ef þetta er gert af fjöldanum. 

Trufluðu nauðungaruppboð

Athugasemdir

[Ásgeir Gunnarsson (IP-tala skráð) 10.2.2010 kl. 15:19]

 Þeta er akkurat STóra málið mjog góð hugvekja  vel framm sett, þarf að komast víðar sem dreifibréf, okkur öllum til vakningar ,  takk fyrir , hað er til ráða ?

[Sigurður Haraldsson, 10.2.2010 kl. 15:21]

Magnús frábær samlíking hana hef ég haft að leiðarljósi þegar ég mótmæli sem dæmi ekki skuldugur, ekki flokksbundin, en að missa vinnuna sem er mikilvægast af öllu það skiptir ekki máli hvar þú ert á klafanum við verðum að verjast þess vegna er ég í heimavarnaliðinu og skammast mín ekki fyrir það.

[Magnús Sigurðsson, 10.2.2010 kl. 15:58]

Ásgeir;það þyrfti að verða til Heimavarnalið um allt land.  Þau úrræði sem ríkisstjórnin og félagsmálaráðherra hafa boðið upp á leiða marga þá sem ekki eru endilega í vanda núna fram á hengiflugið.  Það þarf að afnema verðtrygginguna afturvirkt og leiðrétta stökkbreytt lán í erlendi mynt til 01.01.2008.

Sigurður;hjartanlega sammála þér, ég get vel staðið í skilum en sé höfuðstólinn hækka af íbúðinni.  En eins og flestir Íslendingar er ég meira og minna rammflæktur í hrunið, var með eigin rekstur í byggingaiðnaði þannig að ég hef heldur betur séð skuldirnar rjúka upp í rjáfur og í litlum fyrirtækum eru eigendurnir oft flæktir í persónulegum ábyrgðum.

En hvernig er best að ganga í Heimavarnaliðið og hversu víða er starfsemi þess?

[sandkassi (IP-tala skráð) 10.2.2010 kl. 16:46]

Dreifið þessum linkum út um allt;

http://multitrack.powweb.com/hlv_dreifimidinn.pdf

http://multitrack.powweb.com/hlv_plakatid.pdf

[Magnús Sigurðsson, 10.2.2010 kl. 17:44]

Þakka þér fyrir upplýsingarnar Gunnar,  það er sjálfsagt að koma þessu áfram.

Þeir sem vilja fá aðstoð Heimavarnarliðsins geta haft sambandi í síma 841-0551 eða netfangið [e-mail].

Svo er bara að koma á Heimavarnaliðum víða um land.

[sandkassi (IP-tala skráð) 10.2.2010 kl. 17:48]

eimitt málið, að stofna hópa í hverju byggðarlagi, til þess geta menn líka hringt í þetta sama númmer. 841-0551

[Magnús Sigurðsson, 10.2.2010 kl. 18:04]

Takk fyrir Gunnar. 

Hringja í 841-0551  til að gerast liðsmaður Heimavarnaliðsins.  Stöndum saman.  Heimavaranalið um allt Ísland.

[Helgi Armannsson (IP-tala skráð) 10.2.2010 kl. 23:56]

http://video.google.com/videoplay?docid=-3860523719578170213&ei=WldyS8iAMIicqQPootSZDQ&q=aliens#