Í fótspor Jamaica.

Það á greinilega að kæfa þann vaxtarsprota sem ferðamannaiðnaðurinn hefur verið tvö s.l. ár með ofurskattlagningu.  Í stað þess að fá ferðamenn til landsins og fá af þeim virðisauka í gegnum þjónustu sem þeim er veitt á að skattleggja þá um leið og þeir stíga upp í flugvélina. 

Þetta og kreppa í öðrum löndum mun fækka ferðamönnum til Íslands á næsta ári og valda ferðaþjónustu stórskaða og þar með atvinnu fjölda fólks.  Sennilega skítur ríkið sig svo í fótinn á svipaðan hátt og þegar skattar hafa verið hækkaðir á eldsneyti og áfengi, það kemur ekkert meira í kassann.

Þessar aðferðir sem notaðar eru við efnahagstjórn hafa oft verið notaðar áður með þeim árangri að skuldir hafa stóraukist.  Jamaica gerði samning um 5 ára prógramm við AGS árið 1977 í dag er AGS enn að aðstoða eyjarskeggja  við efnahagsmálin, með þeim árangri að skuldir ríkisins hafa aldrei verið hærri.

 

Skattar hækka um milljarð

Athugasemdir

[Durtur, 30.12.2010 kl. 10:08]

Gæti ekki verið meira sammála; ég hef verið í ferðamannabransanum og var raunar að stefna á að kíkja á hann aftur fljótlega þar sem ég sá fram á bullandi vöxt og sóknarfæri þar. Skelfilegar fréttir alveg hreint, og enn ein birtingarmyndin á algeru skilningsleysi stjórnvalda (eða AGS; póteitó/pótató) þegar kemur að því hvernig maður vinnur sig út úr skuldum.

Það verður að fara að stoppa þennan pappakassagang á meðan við höfum von á endurreisn--þetta hefur gengið ótrúlega vel miðað við aðstæður og stjórnvöld en við erum á góðri leið með að klúðra þessu öllu, með þessu áframhaldi.

[Magnús Sigurðsson, 30.12.2010 kl. 10:14]

Durtur;  það er spurning hvort þessi pappakassagangur er af ásetningi eð hvort þetta eru vitleysingar.  Ég á ekki gott með átta mig á því, en eitt veit ég að þetta kemur til með að stórskaða ferðaþjónustuna og það kemur enginn auka milljarður í kassann.

[Durtur, 30.12.2010 kl. 10:35]

Ferðaþjónustan gerði sjálfri sér svosem enga greiða með því að keyra verð svona uppúr öllu valdi þegar krónan féll, eins og staðreyndin var (rosaleg græðgi alltaf í þessu liði...). Útlendingar eru almennt frekar undrandi yfir því að Ísland skuli vera jafndýrt að sækja heim og það var fyrir hrun--og ekki var það ódýrt þá.

En það breytir því ekki að þetta er sérlega fáviskulegt útspil og lyktar einmitt af aðferðum AGS, sem er stórfurðulegt því að þeir eiga einfaldlega að vita betur. Ég kýs persónulega að halda að þetta séu bara svona eyðileggjandi samtök fyrir misráðna velvild, frekar en að þau séu t.d. hluti af einhverru stærra samsæri um að knésetja þjóðir, en það er oft undarlegt að sjá hvað ráðleggingar þeirra eru í beinni mótsögn við ráðleggingar ALLRA annarra hagfræðinga sem hafa sýnt einhvern skilning á kerfinu í gegnum tíðina--og þá er ég ekki bara að meina Stiglitz.

Lausnin er náttúrulega ekki einhverjir rosalegir skattaafslættir á ríkasta fólkið, eins og "hægri"menn í Ameríkunni virðast alltaf halda, en öfgar í hina áttina eru alveg jafnheimskulegir, og það er átakanlega heimskulegt að skattleggja til dauða það litla sem sýnir eitthvað lífsmark.

[Magnús Sigurðsson, 30.12.2010 kl. 12:10]

Það er satt ferðaþjónustan var sjálfri sér verst með okrinu.  Maður heyrði af bílaleigu bílum í sumar, gömlum Muzzo jeppum stóra stopp í fleiri daga, sem höfðu verið leigðir fyrir 400 þús á viku.  Það hefði varla Íslendingur keypt þannig bíl á meiri pening.

Sjálfur var ég með túrista verslun og samtölin snérust stundum um að Ísland væri eins og Marokkó norðursins.  Þar sem ferðaþjónustuaðilum þætti norður Evrópu búum ekki of gott að borga það sama fyrir þjónustu og heima hjá sér.  En núna ætlar ríkið að bæta enn um betur strax við innritun erlendis í stað þess að leifa okrinu að koma á óvart.