Tala upp markaðinn.

Það væri gott ef fasteignamarkaðurinn væri á uppleið einungis vegna þess að nú "segjast fasteignasalar skynja aukna eftirspurn og jákvæðari horfur á næsta ári og Væntingavísitala Gallups virðist styðja það því vísitala um fyrirhuguð húsnæðiskaup hækkar úr 4,3 stigum í 7,0 stig og hefur ekki verið hærri síðan í september árið 2008, rétt fyrir hrun".  En þetta er samt lítið annað en tilraun til að tala upp frosinn markað.  Aukin fasteignasala er sennilega meira í ætt við fjárfestingu.  Þeir sem eiga peninga treysta ekki bönkunum.

 

Staðreyndin er að það þarf að verða mikil leiðrétting, áður en fasteygnamarkaður kemst í fyrra horf. Þó svo ekki væri þá verið að miða við árin 2005 -2008.  Fasteignir eru í stórum stíl yfirveðsettar, þeir sem komu nýir inn á markaðinn síðustu árin of skuldsettir og laun í landinu eru lá.  Það er athyglivert að fylgjast með því sem sagt er um önnur lönd.  Sumstaðar í USA hafa nýbyggingar tekið kipp, ekki vegna þess að það vanti þær á markað heldur vegna þess að það vill engin búa í hverfum þar sem vantar fólkið.

 

Athygli vert er að lesa skrif Jóhannes Björns hagfræðings á http://www.vald.org/ en í gær mátti lesa þetta m.a. um horfur á efnahagsbata. 

"Fasteignabólan í Kína springur á næstunni-ekki endilega vegna þess að yfir 60 milljónir híbýla standa auð-heldur frekar vegna þess að meðaltekjur í landinu eru allt of lágar og ekki í neinu samhengi við fasteignamarkaðinn. Fólk hefur verið að fjárfesta í nokkurs konar keðjubréfum, kerfi þar sem síðustu fasteignakaup hjálpa braskaranum að fjármagna næstu reyfarakaup. Þetta er Ponzi-kerfi sem hrynur um leið og fasteignaverðið staðnar.

Þegar bandaríska fasteignabólan náði hámarki 2007 kostaði meðalverð íbúðarhúsnæðis 6,4 sinnum meira en meðalupphæð árlegra ráðstöfunartekna í landinu. Núna er þetta hlutfall dottið niður í 4,7 og er enn á niðurleið. Í stórborgum Kína er meðalverðið húsnæðis 22 sinnum hærra en meðal ráðstöfunartekjur, sem þýðir að verðið verður að lækka um 70-80% til þess að vera í takt við kaupið." Hér má sjá greinina alla.

 

Þau íslensku heimili sem skuldsett hafa sig vegna íbúðarhúsnæðis, standa auk þessara einkenna frami fyrir hinni makalausa verðtrygging, dómum Hæstaréttar og aðgerða stjórnvalda sem gerir það að verkum að samningar eru marklausir og gegndarlaus eignaupptaka er stöðugt í kortunum.  Eru jákvæð teikn á lofti?  Allavega eru verið að reyna að sá fræjum bjartsýni.

Jákvæð teikn á lofti

Athugasemdir

[Gisli (IP-tala skráð) 29.12.2010 kl. 10:58]

Sammála

[Magnús Sigurðsson, 29.12.2010 kl. 13:21]

Nú veit ég ekki hvert meðalíbúðaverð á Íslandi er í dag en ef við gefum okkur að það sé 20 millj og að meðal ráðstöfunartekjur séu ca 190.000 (heildarlaun ca.375.000) á mánuði.  Þá er hlutfallið á Íslandi 8,7 miðað við 22 í Kína og 4,7 í USA þar sem það er enn á niðurleið.

Jákvæð teikn á lofti?....... hvernig má það vera?

[Linda (IP-tala skráð) 29.12.2010 kl. 16:04]

Það eru mjög misvísandi fréttir sem eru af fasteignamarkaðnum og líklegast eru jákvæðar fréttir tilraun til að tala markaðinn upp eins og Glitnir reynir ítrekað að gera. . Hvernig getur það verið að markaðurinn sé á uppleið þegar maður veit að stór hluti þessara viðskipta eru nauðungarsölur? Tölur um heildarútlán ILS segja allt um hversu "lífleg" viðskiptin eru, þau hafa farið úr 17-22 millj. 2007-2008 niður í 4,5 millj. á 3. ársfjórðungi 2010. Persónulega myndi ég vilja fá hlutlausari fréttir en ekki bara fréttatilkynningar frá félagi fasteignasala eða þá úr bönkunum sem eru á fullu í viðskiptum við sjálfan sig við að selja ofan af fjölskyldum og kalla það blússandi fjörugan fasteignamarkað. hér er tengill á fréttir ÍLS:   http://ils.is/Uploads/document/Mánaðarsk.%202010/2010_11_mánaðarskýrsla_nóvember_2010[1].pdf

[Magnús Sigurðsson, 29.12.2010 kl. 17:31]

Sammála þér Linda þessar fréttatilkynningar eru ekki í takt við raunveruleikann.  Húsnæðisverð á kannski eftir að lækka eitthvað í viðbót.   

Til þess að markaðurinn geti orðið eðlilegur þarf að afskrifa skuldir af húsnæði, að afskrifa niður í 110% er langt frá því að vera nóg. 

Það sem þarf einnig að koma til eru hærri laun, þau laun sem um 75% launþega eru með eru of lág til að standa undir 25 millj íbúð.  Við þetta bætist að verðtryggingin og það hvernig stjórnvöld hafa farið með skuldara eftir hrun gerir það að verkum að það er ekkert traust á þessum markaði.