Kemur sólin fyrr upp?

 

Vinur minn sem er 75 ára gamall fór að minnast á það núna snemma í janúar að honum finnist sólin koma fyrr upp á morgnana.  Þessi kunningi minn býr á landinu þar sem sólin kemur upp alla daga ársins.  Ég tók lítið undir þetta hjá honum en minntist á það að ég sem hef gaman að því að fylgjast með ljósaskiptunum út um minn frábæra stofuglugga hefði fundist sérstakt að sjá sólina skríða yfir fjöllin rétt fyrir áramótin fram að þessu hafði ég talið að geislar hennar næðu ekki inn til mín fyrr en 1 eða 2 janúar.  En taldi að núna hefði engin ský eða móða verið yfir fjöllunum þess vegna hefði ég séð sólina fyrr en ég mynntist til áður.

Svo rakst ég á undarlegt erlent blogg og fór að hugsa meira um þetta.  Næst þegar ég heyrði í þessum gamla vini mínum þá spurði ég hann betur út í þetta sem hann hafði minnst á.  Honum fannst greinilega svolítið kjánalegt að tala um þetta því þetta gæti eiginlega ekki verið.  En hann hefur hæð sem mið fyrir framan stofugluggann hjá sér sem hann sagði að sólin kæmist fyrr yfir en hún hefði gert áðu og að honum fyndist jafnframt dagurinn vera lengur bjartur en áður á þessum árstíma.

Þegar maður skoðar kenningar þeirra sem telja sig hafa orðið varir við þetta þá kemur gjarnan upp 2012  kenningar eða að segulpólarnir  hafi færst úr stað og þess vegna sé birtan öðruvísi en hún hefur verið. 

Reports that the Arctic sunrise in Greenland arrived two-days early on January 11th has shocked scientists the world over as this historic event leaves many wondering if, in fact, the End of Days are now truly here.

In a world where virtually nothing is a certainty (except death and taxes), the precession [a change in the orientation of the rotation axis of a rotating body] of the Earth in relation to the Sun and Moon has remained a constant throughout recorded human history, with the single exception being an ancient occurrence where the Sun was reported to have ‘stood still' in the sky for nearly 24 hours.  Meira.

 

http://www.youtube.com/watch?v=kiSe9_B1N0Q

Athugasemdir

[Sigurbjörn Svavarsson, 24.1.2011 kl. 23:30]

Sæll Magnús.

Ég hef ekki athugað hvort eitthvað er skrifað nýlega um þetta af vísindamönnum. Hitt er staðreynd að halli jarðarássins sem er um 23,5 gr. gerir það að verkum að árstíðirnar verða til (Árshreyfingin við sólu). Hinsvegar er vegna þessa halla jarðarásinn (rétt norður/suður) verður til önnur hreyfing jarðarinnar.

En það er að hringferill Jarðarássinns (rétt norður/suður) fer 360 gráðu veltu vegna þessa halla á u.m.þ. bil 25.900 árum, þ.e. um eina gráðu á 72 ára fresti. Pólstjarnan í dag er ekki sú sama og var fyrir nokkur þúsind árum. Hvort þetta gerist í "stærri rikkjum" vitum við ekki. Hvort þessi hreyfing er skýring á breytingum á veðurfari í gegnum árþúsundir (ísaldir ofl.) eða hafa áhrif á landrekið og þar með hreyfingu jarðskorpunar vitum við ekki um.

Hinsvegar er þetta rugl um 2012 bábilja. Horfum á jarðsöguna og lítum á þær breytingar sem hafa átt sér stað, landrek heldur áfram og ísaldir koma aftur. Okkur hættir til að líta á veðurfar síðustu 100 ára (sem er engin tími í síðustu milljón ára sögu jarðarinnar) sem stöðugt ástand og allar breytingar óeðlilegar, - en allar breytingar eru "eðlilegar" og mannkynið í framtíðinni mun að sjálfsögðu horfa á stórkostlegar hamfarir vegna þessa " eðlilegu breytinga" af völdum landreks, breytinga á hafstraumum, hitastigsbreytingum á einstökum landsvæðum, árekstra við stóra loftsteina (þekkt í jarðsögunni), allt þetta mun halda áfram að eiga sér stað. Mennirnir eru eins og maurar á yfirborði jarðarinnar og hafa lítil áhrif á þróun hennar.

Við megum ekki rugla jarðarásnum (norður/suðurskautum jarðarinnar) við segulskautin, þau liggja talsvert til hliðar við rétt norður/suður. Hinsvegar er það staðreynd er að segulpólarnir hafa margoft skipt um hleðslu á síðustu hundruð þúsund árum(N snúist í S og öfugt), það sýna segulstefnur í jarðlögum. Af hverju það gerist, eða hver áhrifin verða vitum við lítið um, en mjög líklegt að það gerist aftur. Þessi skipting á +/- hafa sumir ruglað með og kallað pólveltu og ímyndað sér að jarðarásinn velti um 180 gráður, en það er ruglingur vegna hleðsluskiptanna.

Fyrirgefðu rausið, varð lengra en átti að verða.

kv

Sigurbjörn

[Magnús Sigurðsson, 24.1.2011 kl. 23:45]

Sæll Sigurbjörn, þakka þér fyrir áhugaverðar upplýsingar.  Manni finnst hálf kjánalegt að vera að viðra svona hugrenningar.  Því er gott að fá álit sem flestra og ekki síst þeirra sem hafa hugmynd þessi fræði. 

[Jón Snæbjörnsson, 25.1.2011 kl. 15:39]

mér finnst þetta stórmerkilegt hjá þessum félaga þínum Magnús - sýnist Sigurbjörn klára þetta alveg - allavegana er ég ekki nógu kunnugur þessu

gaman samt að pæla þetta