2012

 

 

Ártalið 2012 er rétt handan við hornið, aðeins örfáir dagar enn og þá rennur þetta umtalaða ár upp.  Árið sem endar mörgþúsundára tímatal Majanna, árið sem dómsdagspár er kenndar við.  Flestir hugsa sennilega sem svo að árið 2012 verði hvorki merkilegra en árin á undan eða á eftir.   Samt er það svo að öll ár geta orðið tímamóta ár sögunnar og þar getur hver og einn haft sín áhrif með sínum hugsunum og gerðum.

Það er að verða vaxandi meðvitund á jörðinni fyrir því að margir hlutir eru í raun ekki eins og þeir hafa virst vera, að svo hafi verið um langan tíma.  Opinberun leyndamála er á áður fordæmalausum mælikvarða.  Á internetinu er hafsjór upplýsinga sem fram til þessa hafa verið á fárra vitorði.  Vísindamenn eru m.a. farnir að viðurkenna og rannsaka þátt huga og tilfinninga við lækningar sjúkdóma. Vísindasamfélagið mun smátt og smátt samþykkja staðreyndir sem áður hafa verið flokkaðar sem "hókus pókus".   Framundan eru því bjartir og spennandi tímar.

Þær tilfinningar sem stjórna huganum eru í megin atriðum tvær, ást og ótti.  Óttinn er eðlislægur, nátengdur afkomu.  Undanfarin árhundruð hefur hann verið talinn fyrirhyggja, skynsemi sem hefur þróast með mannkyninu og hefur komið því á þann stað sem það er s.b. þróunar kenningu Darwins sem hefur verið sett á stall sem hinn rökrétti sannleikur.   Þeir hæfustu komast af, þar sem eins má segja að þeir óttaslegnustu komast lengst.  Óttinn hefur jafnframt verið það afl sem hefur takmarkað mannkynið mest, í því felst þversögnin og togstreitan.

Margt bendir til að nú séu tímans lögmál að breytast, þróunar ferli óttans sé komið á endastöð.  Hann er ekki nauðsynlegur lengur til að komast af heldur er hann í raun orðinn það afl sem leiðir til tortímingar.   Nýr veruleiki verði að taka við, veruleiki kærleikans þar sem skynsemin býr við allsnægtir.  Ártalið 2012 er einnig oft nefnt í þessu sambandi sem upphaf yfirráða þessara Þekkingar sem alltaf hefur lifað með mönnunum og hver einasta manneskja finnur í hjarta sínu.

Það er sama hvar fólk býr á jörðinni, Þegar það brýtur til mergjar hvað það vill gera við líf sitt koma alltaf upp sömu fjögur gildin.  Fólk vill heilbrigt líf, það vill vera hjálpsamt, það vill getað elskað og það vill lifa í sátt og samlindi við aðra.  Til þess að uppfylla þessi gildi þarf að kveðja óttann, það verður  aldrei hægt að vígbúist til að verja kærleikann.

Sagan segir okkur að við lifum tíma þekkingar og frelsis sem aldrei fyrr, en þegar betur er að gáð hefur aldrei farið meira af auði og þekkingu heimsins í vígbúnað.  Fjölmiðlar og trúarbrögð hafa verið notuð til að sannfæra okkur um að einungis með því að vígbúast getum við varið gildi frelsis og þekkingar.  Til að verja þessi gildi hafa stríðshörmungar, hungur og fátækt stórs hluta mannkyns verið talin ásættanlegur fórnarkostnaður.

2012 verður árið sem himintunglin verða stöðu sem ekki hefur komið upp í þúsundir ára, því mun nýtt tímaskeið hefjast.  En hvort 2012 verður árið sem sannfærir okkur um að ekki er hægt að réttlæta stríð til að varðveita friðinn, um að sú sjónhverfing standist ekki lengur er undir hverju okkar komið.  Þess vegna getur árið 2012 orðið í það minnsta árið sem markar upphaf nýrra gilda hjá hverju okkar.  Upphaf endaloka óttans sem nauðsynlegs afls við að komast af, upphaf nýs tíma frelsis og allsnægta þar sem kærleikurinn verður aflið sem stjórnar huganum.

 

Okkur ber að verða þær breytingar sem við viljum sjá í heiminum.  -Mahatma Gandhi.

 

Athugasemdir

[Pétur Örn Björnsson (IP-tala skráð) 26.12.2011 kl. 03:08]

Takk fyrir góða samantekt og hugvekju Magnús og you tube tilvísan í stíl. 

Við skulum vona að vitundarvakning almennings eflist nógu hratt á heimsvísu, að hún nái að koma í veg fyrir að gjörspillt valdakerfi glóbaliseraðra og yfir-þjóðlegra stríðs-kapítalista nái að sprengja jörðina í tætlur ... allt vegna vitfirrtrar stundargræðgi.   

[Pétur Örn Björnsson (IP-tala skráð) 26.12.2011 kl. 03:10]

Hvaðan fékkstu þess líka hugvíkkandi mynd af bláu höndinni, sem marar í kafi?

[Magnús Sigurðsson, 26.12.2011 kl. 08:33]

Takk fyrir Pétur.  Tek undir með þér "Við skulum vona að vitundarvakning almennings eflist nógu hratt á heimsvísu.....".  Ef við lítum til baka um nokkur ár þá sjáum við að fólk er alment orðið mun meðvitaðra "opinberun leyndamála er á áður fordæmalausum mælikvarða". Þar ber bankakerfið hæst, höfuð snáksins. 

Það er svo með breytingar að þær verða áður en eftir þeim er tekið og þær viðurkenndar.  Þess vegna kristallast allt "vald" í orðum Ghandi;  "Okkur ber að verða þær breytingar sem við viljum sjá í heiminum." 

Myndin af bláu hendinni poppaði einhverntíma upp á alheimsnetinu og þykir sjálfsagt ekki hafa nógu skýram boðskap til að notast við í "main stream media".  En maður hefur tilfinningu fyrir henni.

[DoctorE (IP-tala skráð) 26.12.2011 kl. 10:21]

Þetta er bláa höndin og fjöregg þjóðarinnar; Eða kannski bláa höndin sem hefur haldið uppi 4 flokknum.. Kannski var dagatalið* góða aftan úr fornöld spádómur um fall fjorflokksins en ekki heimsins

* Þetta er bara dagatal sem endaði.. nothing special about it ;)

[Magnús Sigurðsson, 26.12.2011 kl. 10:48]

Eitt er víst DoctorE, höndin er blá.  En hvaða merkingu tilfinningin skilur eftir er undir hverjum og einum komið. 

Vonandi mun tímatalið aftan úr fornöld fella fjórflokkinn og sjónhverfingar hans.  Samála hef ekki trú á að heimurinn endi við dagatal.  Það væri nú svipað því að ekki sé hægt að byggja fleiri hús þegar sentimetrarnir eru búnir.

[Ásdís Jóhannsdóttir (IP-tala skráð) 31.12.2011 kl. 13:21]

Gleðilegt nýtt ár Maggi og takk fyrir frábæra pistla, hlakka til næsta árs að lesa frábær skrif.