Fimmtudags bíó - í upphafi skyldi endirinn skoða.

Aldrei þessu vant er videó kvöldsins ekki um steypu sem er að harðna heldur um niðurbrotna steypu. Það var nú akkúrat málið að þegar verkefnin voru farin að snúast um niðurbrot en ekki sement og sand sem hafði verið blandað með vatni sem þurfti að láta hendur standa fram úr ermum við móta þá skildi endirinn skoða.  Því þó svo að það að brjóta niður, viða að endurnýja veggi og gólf, hjúpa svo allt saman í epoxy hafi gefið meira í vasann en að steypa heilu skýborgirnar, þá gerði það ósköp smátt fyrir sálina.

Þessar myndir fann ég nýverið og hafði aldrei séð þær frá því að ég tók þær sennilega um jólin1997. Það sem mér finnst merkilegt við þær er að þarna má sjá helstu samstarfsmenn til margra ára sem sjaldan voru allir samankomnir að verki í sama skiptið.  Á þessum tíma voru samt smíðaðar skýjaborgir þó þær væru ekki úr steypu. Á árunum 1997 og 1998 tók ég þátt í  epoxyfyrirtæki í Ísrael og var þar í verkefnum um tíma á árunum 1997 og 1998.  En það er önnur saga.

https://www.youtube.com/watch?v=TBxyZcF0ITE

 

Athugasemdir

[Magnús Sigurðsson, 28.6.2012 kl. 19:42]

Í viðleitni minni við að bæta upp frekar snautlegt fimmtudagsbíó þá stalst ég í myndavélina hennar Matthildar, en í dag brunuðum við eftir vinnu ásamt Juma og Yasin í okkar vikulega þriggja tíma bíltúr suður til Harstad.  Það er ekki Matthildi að kenna að myndirnar séu ekki betri, ökulagiðið bauð einfaldlega ekki upp á betri skilyrði.  En mikið var Matthildur hrifin af því sem við blasti þrátt fyrir að hafa verið á stöðugum flækingi í fimm daga.

http://magnuss.blog.is/album/flakingur_2012/

[Sólrún (IP-tala skráð) 28.6.2012 kl. 22:33]

Það er eitthvað magnað við að sjá þennan flokk að störfum

Og verkefnið sem er leyst glæsilegt og áreiðanlega

ógleymanlegt þeim sem þarna voru að verki.

Það er gaman að skuli vera til þessi heimild um það.

Óska ykkur góðrar helgar og efast ekki um

að þið munuð finna eitthvað út til að gera að ævintýri :)