Deepak Chopra.

Fyrir u.þ.b. 10 árum uppgötvaði ég Deepak Chopra þegar ég keypti lífspekibókina hans "Lögmálin sjö um velgengni" sem þýdd var á íslensku af Gunnari Dal.  Það má segja að speki Chopra hafi vakið svipuð viðbrögð og þegar alsheimersjúklingurinn vildi ekki sleppa kristalvasa sem hann veifaði í kringum sig, þegar eiginkonan ætla að taka vasann af honum áður en hann bryti hann því þetta var kær brúðkaupsgjöf þeirra hjóna.  Hún spurði hann "hvað heldur þú eiginlega að þetta sé maður, kannski eitthvað til að veifa í kringum sig", hann svarið "ég veit ekki alveg hvað þetta er en mér finnst þetta vera eitthvað sem tilheyrir mér".

Ef ég man rétt þá er Chopra læknir menntaður í lyflækningum.  Einhvern tíma rakst ég á áhugavert viðtal við hann þar sem hann skírði frá því með hvaða hætti það kom til að hann fór að stunda andlegar lækningar ef svo má að orði komast.  Þar skírði hann það út á mannamáli hvernig krabbamein verður til vegna ójafnvægis eða það sem kallað er stress.  Eins hvernig það getur verið eitt það versta sem upp kemur við þannig aðstæður sé að meinið uppgötvast.  Því  það á það til að valda meira stressi og stækkar meinið.  Fólk gæti þess vegna verið búið að fá oft krabbamein á lífsleiðinni án þess að hafa minnstu hugmynd um sem hyrfu við það að fólk næði andlegu jafnvægi á nýjan leik. 

Þetta viðtal er reyndar á öðrum nótum en verður áhugaverðara eftir því sem á líður.

 

Athugasemdir

[DoctorE (IP-tala skráð) 4.9.2012 kl. 20:23]

Maðurinn er snarruglaður, í besta falli svindlari

[Magnús Sigurðsson, 4.9.2012 kl. 20:28]

Þú átt þá væntanlega við Guð og Buddha líka DoctorE? 

[Sólrún (IP-tala skráð) 4.9.2012 kl. 22:24]

Magnus eg er klárlega klár á því að þetta hefðir þú allt saman getað sgt okkur og meira til í miklu greinilegra og styttra máli .

Og að eg nú ekki tali um skemmtilegra

sem gerir kennsluna alltaf árangursríkari og eftirminnilegri.

Eins og þessa frábæru dæmisögu með blómavasann.

Alger snilld sem minnir mann vel á eigin alzheimer

sem er nauðsynlegt:)

[Magnús Sigurðsson, 5.9.2012 kl. 04:03]

Ég er nú kannski ekki alveg jafn klár á því og þú Sólrún.  Það þarf nefnilega "neistann" sem kemur frá þessari sameiginlegu vitund sem þeir félagar tala um í þessu spjalli og þar er reyndar dæmisagan líka þó ég hafi ekki farið alveg rétt með hana.

Ég hef verið svolítið upptekinn við að skoða þessar leiðir sem þeir félagar tala um þ.e. austurleiðina og vesturleiðina (Indland, Grikkland) sem hefur beint mér á norðurleiðina, sem hefur t.d. opnað augu mín fyrir því að við lifum í norrænni goðafræði ef svo má segja.  Ég hef grun um að DoctorE vilji flokka þetta allt saman undir þjóðsögur og hindurvitni.  Eða eins og einn góður félagi minn sagði "ég get alveg eins trúað á íslendingasögurnar eins og einhverjar eldgamlar hetjusögur frá Ísrael.

Það er einmitt málið þjóðtrúin þessi sameiginlega vitund er mikið magnaðri en t.d. háskólaelítan Vantrú er tilbúin til að kvitta undir, enda hafa þau samtök meiri trú á Prozac pillum lyfjaframleiðenda.  Á þessum leiðum í austur, vestur, norður, suður eða bara út um allar trissur er byrjunarreiturinn og áfangastaðurinn sá sami, eða eins og sagt er hérna í vestrinu "allar leiðir liggja til Rómar".  Og nú ætla ég að segja sögu;

Þannig er að ég fór í bíó síðasta föstudagskvöld sem ekki hefur gerst síðan 2004 að ég fór á myndina hans Gibson "Passion of Christ" með bróður mínum buddamunkinum.  Þar áður fór ég á "Sjakalann" með viðskiptafélaga í London 1999.  En á föstudaginn narraði vinnuveitandi minn mig með sér og kunningjum sínum í bíó hérna í Harstad.  Myndin var "Kon Tiki" norsk stórmynd um siglingu Thor Heierdal frá Perú til Pólenesíu.

Eftir myndina ræddum við efni hennar þ.e. þessa erfiðu hetju för sem farin var samkvæmt gamalli þjóðtrú Pólenesíumanna hvaðan þeir væru upprunnir.  Ég taldi að Heierdal hefði gert sér ferðina miklu erfiðari en hann hefði þurft því að fólk á þessum tíma hefði að öllum líkindum búið yfir mikið fullkomnari tækni til ferðalaga en til er jafnvel í dag.

Vinnuveitandi minn vildi vita meira um það hvernig ég fengi svona hugmyndir við að fara á Kon Tiki.  Ég sagði henni það að árið 2011 hefði það verið staðfest að forfeður okkar víkingarnir hefðu búið yfir fullkominni staðsetningartækni til siglinga.  Þjóðtrúin hefði alltaf vitað af því að þeir hefðu notað "sólarsteininn" til að rata, en nú væri búið að staðfesta það vísindalega að sá steinn væri jafn nothæfur til þess og fullkomnasti staðsetningatbúnaður dagsins í dag.  http://www.telegraph.co.uk/science/science-news/8862471/Magical-Viking-stone-may-be-real.html

Vinnuveitandi minn spurði mig hvers vegna þetta væri ekki þekkt og hversvegna um þetta hefði aldrei verið upplýst í æðri menntaofnunum.  Einnig hvernig ég vissi þetta og hefði tekið eftir þessari frétt.  Ég hefði sjálfsagt getað sagt henni hjartnæmar sögur frá sögueyjunni um það hvernig þekking aldanna geymdist á þeim skinnpjötlum sem ekki voru étnar í hungursneyðunum miklu.  En málið er það að hún sjálf þ.e.a.s. vinnuveitandinn er orsökin  fyrir því að ég tók eftir þessari rannsókn.

Þegar hún bauð okkur Matthildi minni í siglinguna á seglskútunni sinni Libru í fyrrasumar sagði hún mér sögu af því þegar hún og sambýlismaður hennar sóttu skútuna til Kanaríeyja og sigldu henni til N-Noregs.  Milli Kanaríeyja og Englands kom það í ljós að öll siglinga- og fjarskiptatæki voru biluð.  Á daginn notuðu þau sólina til að sigla eftir en á nóttinni pólstjörnuna.  Hún lýsti þessu svo frábærlega myndrænt að ég gat ekki hugsað annað "en hvað ef skyggnið hefði verið þannig að ekki sást til sólar og pólstjörnu"? 

Og þá er það niðurstaða sögunnar; hún var semsagt sjálf ástæðan fyrir því að ég tók eftir þessari frétt af niðurstöðu vísindamanna um að sólarsteinn þjóðtrúarinnar ætti við rök að styðjast.  Þurfum við að ræða meira sameiginlega vitund?

[Sólrún (IP-tala skráð) 5.9.2012 kl. 11:29]

Já sameiginlega vitundin er öflug

og getur vissulega verið beggja handa járn.

Og til eru þeir sem gera sér fulla grein fyrir

að það að hafa samvitundina undir control

eru hin rsaunverulegu völd.

http://www.youtube.com/watch?v=p2EWZmjiXd8&feature=relmfu

[Magnús Sigurðsson, 5.9.2012 kl. 15:26]

Virkilega gaman að sjá þetta video, hægt að taka undir hvert orð og meira til frábært þegar ungt fólk finnur hjá sér þörfina fyrir því að koma vitneskjunni á framfæri.

Það eru fáir sem gera sér fyllilega grein fyrir því hvað síbyljan í sjónvarpi, útvarpi og afþreyingariðnaðinum hefur mikil áhrif.  Flestir hugsa sem svo að þeir geri sér fulla grein fyrir hvað af því sem á bylur hafi áhrif.  En það er nú aldeilis ekki svo.

Núna er ég búin að vera algerlega án þess að horfa á sjónvarp meira en 15 mánuði, án útvarps í meira en ár og rétt að byrja að átta mig á tilverunni.  Samt taldi ég mig vera búin að lágmarka áhrif þessara fjölmiðla með því að nota þá einungis við að vera upplýstur hvað fréttir varðaði í mörg ár þar á undan.

Málið er að það er einungis hægt að losna við heilaþvottinn með því að skrúfa algerlega fyrir síbyljuna.  Þetta rann upp fyrir mér um leið og einn fyrirlesarinn sem ég flaggaði skírði það út hvers vegna fólk yrði að hugsa með hjartanu ætlaði það vera með sjálfu sér.

Eins og allir þekkja sem ætla að setja hugsanir sínar á blað þá getur það reynst snúið því hugurinn vinnur að minnsta kosti fjórum sinnum hraðar en hægt er að koma orðum að, með tækninni er síðan auðveldlega að setja út 1000 sinnum fleiri möguleika en mannshugurinn ræður við að greina. 

Það þarf ekki annað en að reyna að þreyta spurningakeppni við tölvu án þess að hafa aðgang að google til að komast að því hvað staða mannshugans í þeim leik er glötuð.  Frá Sjónvarpinu streyma ótrúlegt magn upplýsinga, fyrirmynda og áróðurs sem ein manneskja á ekki nokkra möguleika á að greina hvað er rétt og hvað er rangt, hvað þá hvað situr eftir í undirmeðvitundinni sem heilaþvottur. 

Einn auglýsingatíma getur tekið mörg ár að greina hvað þá dagskrána á heilu kvöldi.  Þessu atrið gerði ég mér ekki grein fyrir fyrr en að hafa verið án sjónvarps í heilt ár.

[Helgi Armannsson (IP-tala skráð) 6.9.2012 kl. 12:22]

gaman að sja þetta video og gaman að vita að það skuli vera til ungt folk sem er ekki algörlega heilaþvegið. mikið rosalega er eg stoltur yfir þvi að eiga ekki sjonvarp . jæjja Magnus nunna vitum við hvernig max igan litur ut hann er bara eins og við grahærður gamall kall

http://www.youtube.com/user/aodscarecrow?gl=AU&hl=en-GB

[Magnús Sigurðsson, 6.9.2012 kl. 14:40]

Ég er ekki gráhærður fyrir fimm eyring og ég get ekki betur séð en Max sé það ekki heldur þó að hárið sé örlítið farið að þynnast.