Trúleg vísindi.

Það er orðið svo mikið til af áhugaverðu myndefni á netinu sem ætti helst heima í dagskrá sjónvarpstöðvana en er því miður ekki þar að finna, að ég sé mig tilknúinn til að hefja útsendingu þátta hérna á síðunni á fimmtudagskvöldum undir heitinu "trúleg vísindi".   Nafnið segir sig sjálft ef efnið er skoðað.

Því hefur verið haldið fram að trúarbrögðin og vísindasamfélagið hafi gert með sér samkomulag í fyrndinni í þá veru að vísindin láti stofnanir trúarbragðanna einar um að túlka andans mál, á meðan trúarbrögðin láti sér fátt um finnast hvað vísindin telja fólki trú um í því veraldlega. 

Þetta hefur gert það að verkum að vísindin eru orðin nokkurskonar trúarbrögð sem hafna því andlega og æ færri aðhyllast trúarbrögðin, telja sig jafnvel trúlausa í nafni vísindanna.  Hvernig sem svo farið er að því þar sem trúin er hávísindaleg og engar vísindauppgötvanir verða til nema fyrir innblástur andans.

Vonandi sjá sér flestir fært að láta ljós sitt skína öðrum til andlegrar upplyftingar og yndisauka.

 

Athugasemdir

[Sólrún (IP-tala skráð) 7.9.2012 kl. 00:02]

Magnus góð hugmynd sem mundi örugglega geta verið spennandi ef svona pottur kæmist á laggirnar með sitt lítið úr hverri áttinni.

En þetta virðast allt vera svo mikil feimnis mál hjá fólki að spjalla um þessi efni og hafa skoðanir og hugmyndir um þau.

Það er ábyggilega allt að því að vera næsti bæer við klámsíðu að fara í gang með þetta og enginn hefur þorað hingað til

mér vitanlega.

Á klamsíðurnar eru menn að skoða og spá en þora ekki

að viðurkenna það og þykjast hvergi nærri koma.

Dálítið fyndið hahaha..

Eg get því miður ekki verið með í þessu geimi

verð að fara í bloggfrí núna

En gangi ykkur öllum vel

[Magnús Sigurðsson, 7.9.2012 kl. 04:36]

Þakka þér fyrir árnaðaróskirnar Sólrún.  Það er víst eins satt og það hafi verið vísindalega sannað að það að fá sitt lítið af sjónarmiðunum úr hverri áttinni auðgar andann.  Ekki veit ég af hverju svona umræða þarf að vera feimnismál, kannski er fólk bara ekki vant að tjá hugsanir sínar eða þá að það hugsar ekki um andans vísindi.

Þinna vísindalegu linka og andans upplyftinga verður sárt saknað á þessari síðu.  Það er nefnilega leitun að þeim sem fara eins vel með dæmisöguna og þú Sólrún.  Gangi þér allt í haginn og ég ætla að láta mig dreyma um að þú eigir eftir að láta ljós þitt skína áður en langt um líður það þarf nefnilega meira en einn þverhaus til að gefa svona bloggi lit.  Sennilega á það sama við og þegar sagt er að það þurfi heilt þorp til að ala upp barn.