Orkupakkinn með fyrirvara andskotans

"Það sem var kynnt hér fyr­ir helgi snýst í raun og veru um það að á meðan Ísland er ekki tengt inn á þetta orku­kerfi Evr­ópu, eigi ekki við ákvæði þriðja orkupakk­ans", sagði forsætisráðherra sem jafn­framt benti á að teng­ing við orku­kerfi Evr­ópu yrði ekki komið á nema með samþykki alþing­is. Með þessháttar útúrsnúningi sleppa stjórnmálamenn ævinlega við að svara spurningunni, til hvers á alþingi Íslendinga að samþykkja framsal á orkuauðlindum landsins, og þá sérstaklega ef samþykktin skiptir engu máli.

Það er þrástagast á því að ekkert breytist á meðan ekki er lagður strengur frá landinu til annarra landa, ákvörðunin um það verði áfram í höndum alþingis. Eins og orðum þeirra sem hafa "kjararáðssópað" ofan í eigin vasa með orðhengilshætti og útúrsnúningum sé treystandi. Fólki sem einna helst verði trúað til að ganga fyrir mútum þegar það andskotast við að koma orkuauðlindum landsins á markað.

Staðreyndin er að nú stendur til leiftursókn þjóðkjörinna fulltrúar á alþingi gegn almenningi, gengur nú undir nafninu 3.orkupakkinn með "fyrirvara". Þar stendur til að markaðsvæða raforku til þjóðar sem á hana. Eftir að ACER regluverk ESB hefur verið samþykkt þá þurfa þjóðkjörnir fulltrúar ekki einu sinni að svara fyrir það hvers vegna sérvaldir gæðingar fá að sópa til sín verðmætum úr sameiginlegri auðlind. 

Fyrir nokkrum árum bjó ég í Noregi, en þar er raforkukerfið tengt Evrópu. Þar kom fyrir 30% hækkun á rafmagni við það eitt að hitastigið úti fór niður fyrir frostmark í nokkra daga. Jafnvel þó svo að í Noregi sé framleidd meiri raforku en Norskur almenningur getur torgað.  Kvörtunum var svarað með; markaðurinn ræður og hann er ekki bara í Noregi.

Þegar auðlindir eru teknar frá þeim sem í þeim búa þá er það kallað markaðsvæðing og á að vera til þess að finna út svokallað markaðsverð. Ef 3.orkupakkinn verður samþykktur þá er ekki einu sinni víst að það þurfi alvöru "kapal" til að finna út "markaðsverð" það verði nóg að vitna til ACER. 

Þeirra tilskipanir gilda. Innlendir viðskiptajöfrar, svipaðir þeim sem fóru fyrir Geysir Green Energy korter fyrir "hið svokallaða hrun", útbúa svo markaðsverðið samkvæmt "Sterling uppskriftinni". Og geta með því að vísa í ACER regluverkið komið sæstreng í gegnum dómstóla þegar þeim sýnist, svona rétt eins og hverjir aðrir kvótakóngar.

Ef einhver áttar sig ekki á því hvernig "kapallinn" verður lagður svo hann gangi upp, þá er ekkert nýtt undir sólinni. Svona markaðsvæðing með "fyrirvara ríkis" hefur verið framkvæmd áður og var á sínum tíma kölluð ENRON svindlið. Þar var raforka almennings snarhækkuð með sýndarviðskiptum og "fyrirvara samþykki" annaðhvort fábjána eða gjörspilltra andskota, nema hvoru tveggja hafi verið.

Í bréfi sem orkumálastofnunin (FERC) sendi segja rannsóknarmenn stofnunarinnar að skjölin lýsi hvernig undir svokallaðri Helstirnisáætlun hafi fjárfestar Enron „skapað, og síðan „létt af“, ímyndaðri vöntun“ á orkuneti ríkisins. Samkvæmt New York Times lýsa skjölin einnig í smáatriðum því sem rannsóknarmenn lýstu sem „megavattaþvætti“ þar sem Enron keypti rafmagn í Kaliforníu – á lægra verði – seldi rafmagnið út úr ríkinu og keypti það síðan aftur til að selja það til baka til Kaliforníu á uppsprengdu verði. Með því að selja Kaliforníuríki rafmagn frá öðru ríki gat Enron farið í kringum verð,,,,,

Á bloggsíðu Jónasar Gunnlaugssonar má lesa nánari lýsingu á því hvernig raforka Kaliforníubúa var markaðsvædd með svindli, sjá hér. 

Athugasemdir

[Jón Valur Jensson, 26.3.2019 kl. 07:02]

Frábært hjá þér, Magnús, ekkert síður en söguþátturinn þinn hrikalegi, næst hér á undan.  

.

[Jóhann Elíasson, 26.3.2019 kl. 15:35]

Fyrirvarar hafa ekkert að segja gagnvart ESB, það hefur sýnt sig svo ekki verður um villst.  ANNAÐ HVORT ERU TILSKIPANIR SAMÞYKKTAR EINS OG ÞÆR KOMA FRÁ ESB EÐA ÞEIM ER HAFNAÐ.  ÞETTA EIGA MENN AÐ VITA........

[Magnús Sigurðsson, 26.3.2019 kl. 16:27]

Takk fyrir innlitið og athugasemdirnar félagar. Ég hygg að bæði menn og álfar átti sig á því að fyrirvarinn er til heimabrúks.

[Sigurður Bjarklind (IP-tala skráð) 26.3.2019 kl. 17:33]

Og hvar í andskotanum er undirskriftalistin gegn þessu landráði?

[Magnús Sigurðsson, 26.3.2019 kl. 20:38]

Sæll Sigurður. Það kæmi mér ekki á óvart að það ætti eftir að koma fram undirskriftalisti áður en yfir líkur.

Jafnvel bænaskjal í Bessastaði ef ekki vill betur til, um  það að þjóðin fái að greiða atkvæði um hvernig auðlindum hennar veri varið.

Allavega virðist svo undarlega vilja til að þeir sem þjóðin hefur valið til gæta hagsmuna sinna á alþingi virðast ítrekað gerast andskotar hennar.

[Helga Kristjánsdóttir, 27.3.2019 kl. 01:52]

Tek undir með ykkur og vil ekki lengur láta þá í friði þótt líkjum ekki eftir liðinu sem réðst að Geir Haarde á sínum tíma. Þeir sem þjóðin valdi á .þing og setti saman ríkisstjórn er sannarlega að svíkja kjósendur og raunar alla landsmenn og hún á að vita það.Þótt innanríkisráðherra sjái enga ástæðu til að landsmenn fái að kjósa um hvort Ísland segi sig úr EES og Shengen,nokkuð sem við gerum kröfu til. 

[Magnús Sigurðsson, 27.3.2019 kl. 06:17]

Takk fyrir innlitið Helga. Hvort sem okkur líkar betur eða ver þá er "já Ísland icsave-liðið" auðþekkt á eyrunu hvar svo sem það í flokki stendur.

Það er reyndar kominn undirskriftarlisti í loftið.

https://is.petitions.net/vi_krefjumst_joaratkvaagreislu_um_rija_orkupakka_esb?s=59578662&utm_source=fb_share&fbclid=IwAR2uQnLZzI37YGe9jZNlZor9TY0oA8iwGvn9x2D5E5PbK08it_6Ap52TL_Y