Eins og flissandi fábjánar

það fer að verða neyðarlegt að fylgjast með fréttum af tilburðum almannavarna  og stjórnvalda við að hefta útbreiðslu Whuhan veirunnar í mesta pestarbæli í heimi. Nú eru aðgerðirnar komnar á neyðarstig og forsætisráðherra tjáir sig um neyðarstigið flissandi á facebook "Það þýðir að meiri þungi mun færast í aðgerðir stjórnvalda og þeirra stofnana sem hafa hlutverk í að hemja útbreiðslu veirunnar en þessi breyting mun ekki hafa áhrif á almenning strax".

Á sama tíma er æskunni úr öllum landshlutum stefnd í þúsundatali á risa íþróttaviðburð  suðvestanlands, þangað sem veiran hefur verið flutt inn í landið fram til þessa á skíðum. Allt er þetta gert undir þeim formerkjum að "við verðum að halda áfram með lífið ".  Maður spyr sig hvort það séu eintómir fábjánar sem fara með sóttvarnir hér á landi, -eða hvort það sé orðið lífsnauðsynlegt fyrir miðaldra Íslendinga að fara á skíði í Alpana og stefna sem flestum börnum landsins á íþróttamót í framhaldinu.

Fyrstu innlendu smitin - lýsa yfir neyðarstigi

Athugasemdir

[Þorsteinn Siglaugsson, 7.3.2020 kl. 00:22]

Það sem forsætisráðherrann á við með meiri "þunga" er að viðbrögðin verði enn þunglamalegri þegar neyðarstiginu hefur verið komið á, ekki að þeir neyðist til að fara að gera eitthvað af viti.

[Magnús Sigurðsson, 7.3.2020 kl. 07:14]

Laukrétt athugað Þorsteinn, sjálftökuliðið gerir seint eitthvað af viti, vað þá að það hafi orð á því.

Það er undarlegt að ekki hafi verið bent á það fyrir löngu að skíðaferðir eru á eigin ábyrgð, þó svo eð ekki hefði verið fastar að orði kveðið.

Aðstandendur Netto mótsins í Reykjanesbæ blésu það af í gærkveldi, eftir að fleiri hundruð börn voru komin til að spila körfubolta.

Sjálftökuliðið kallar eftir samstöðu en leiðsögnin er nánast engin. Almenningur virðist ekki hafa hugmynd hvort sú samstaða á að felast í því að "lifa lífinu áfram" eins og ekkert hafi í skorist, eða eitthvað annað.

Helst að þeim hafi dottið í hug af sjálfsdáðum að tilkynna almúganum að þvo sér um hendurnar, eins og fólk hafi ekki gert það hingað til.

[Jóhann Elíasson, 7.3.2020 kl. 08:25]

Þetta er hverju orði sannara hjá þér Magnús.  Utanfrá séð hafa viðbrögð stjórnvalda við þessari kóróna veiru. að mínu mati, einkennst af hálfkáki og vitleysisgangi.  Kannski hefði verið best að stjórnvöld hefðu ekkert komið að málinu?????  Nú er líklega best að fara og fá sér "Kóróna" bjór..

[Magnús Sigurðsson, 7.3.2020 kl. 09:19]

Þetta er réttmæt spurning Jóhann; Kannski hefði verið best að stjórnvöld hefðu ekkert komið að málinu?

Hálfkák er ekki góð forvörn. Það má segja að WHO hafi gefið tóninn 30. janúar þegar það lýsti yfir alheims neyðarástandi en samt væri engin ástæða fyrir almenning að slá af ferðalögum. 

Síðan gefur WHO út fyrir skemmstu hæsta stigs alheims neyðarástands og það stig virðist hafa gengið út að yfirvöld hugsuðu málið, svipað og neyðarástandið hér á landi núna hjá þeirri brosmildu.

Það má segja að yfirvöldum hér sé nokkur vorkunn, þau sitja uppi með Schengen og EES veirurnar. Það eru í raun meira en 25 ár síðan að Ísland missti sjálfstæðið varðandi svona katastroffu. Leikritið gengur út á að fela ósjálfstæðið fyrir almenningi.

Það verður auðvitað hver og einn að taka ábyrgð á sjálfum sér þegar svona vá er fyrir dyrum, en þá er líka betra að upplýsingar yfirvalda (hver sem þau raunverulega eru) séu ekki út og suður mengaðar fjárhagslegum hagsmunum.

Ég set hérna inn tengil með skynsömum lækni sem ráðleggur fólki varðandi veiruna.

https://www.youtube.com/watch?v=j6H0SLNSMXg