Passið ykkur á skepnunni

Nú hefur opinberast sá tími að ráðamenn landsins eiga samtal við þjóðina um teiknaðar sviðsmyndir upp úr spálíkani, sem þarf ekki meðalgreindan mann til að átta sig á að búið er til í Langtíburtkistan. Spálíkan þetta flýtur í gegnum stjórnsýsluna en er soðið saman af allsendis ókunnum, -en samt sem áður allra færustu sérfræðingum veraldar.

Almenningi er smá saman gerð grein fyrir veruleika sviðsmyndanna af lýðræðislega kjörnu fulltrúum, sem reglulega hafa birst og borið fram boðskapinn í mýflugumynd flissandi fábjána, Panama prinsa og rykaðra raðlygara með gagnsætt plexigler í ræðupúltunum fyrir framan sig, en bluetooth á bak við eyrað, sem hvíslar súluritum sérfræðinnar upp á vegg með fjarlægðar bláma aðgerðapakka sýndarmennskunnar úr myndvarpa.

Vonandi trúir engin til lengdar á að banvæni kínverski kvef vírusinn sé kominn til að vera, eða styður hans vegna efnahagslega eyðileggingu á almennum lífskjörum. Það eru einfaldlega ekki annað en trúarbrögð hins illa. Hvað þá að almenningur styðji í hjarta sínu framrás gervigreindar-lögreglu-ríkisins með bólusettum móttökurum fyrir smitrakningarapp sem skanna má á öllum stöðum jarðkúlunnar.

Þó svo að margir hafi glapist á því í eirðaleysinu undanfarið að niðurhala appinu í snjall símann sinn við að hlýða á Víði. Þá er þetta sama spálíkanið og var teiknuð upp úr sú sviðsmynd, sem setti fólk í útgöngubann vikum saman víða um veröld. Skipti þá engu hvort fólk hafði aðgang að góðum garði eða einungis heilsuspillandi, glugga- og svalalausa kytru. Allt að fyrirmynd mannréttindavaktar kommúnistanna í Kína.

Við lifum á tímum þar sem trúarbrögðin hopa í sínum hroka með því að læsa dyrum sínum um páska og kærleikann niðri á tveim metrunum, þegar rödd samúðarinnar er orðin eins og hvert annað orðagjálfur í fjarfundarbúnaði.

Við lifum á tímum þar sem 1.maí var aflýst í mesta fjöldaatvinnuleysi lýðveldissögunnar í þögn lífskjarafólks verkalýðsins. Þar höfðu formenn vinnandi stétta glapist á að þenja bringuna í "klúbbi" svokallaðra "aðila" vinnumarkaðarins fljótandi að feigðarósi á skíðum um Alpana ofan í margfaldra lágmarkslauna sóttkví, -umlandi "ég hlýði Víði".

Þetta er sá tími sem ritningin hefur spáð fyrir um. Nú glittir í stund dýrsins sem kastaði marki sínu á mannfólkið, þess er sagt var auðkenna sig með tölunum 666, og kemur því til leiðar að engin kemst lönd né strönd án merkis þess. Þetta er sú viðsjá þar sem við gætum öll verið krossfest af stjórnmálamönnum, auðrónum og trúarbragðarefum, -ef við sofnum á verðinum.

Við erum nú um það bil að dotta í „draumi„ eigin vanmáttar, komin í erfiðleika með hverja stund við að lifa af án aðstoðar yfirvaldanna. Við horfum, dragandi ýsur, á ísaldarleirinn vella úr stundaglasi fjölmiðlanna, og flest virðumst við ekki einu sinni hafa meðvitund til að greina hvort við erum talin lífs eða liðin án fyrirmæla úr beinni.

Lífsrétturinn hefur verið seldur yfir til grimmdar og hugaróra peningaaflanna. Lögfest hefur verið slátrun hinna hinna ófæddu og staðfest innlokun þeirra öldnu þar sem þeim er neitað um að kveðja sína nánustu með sæmd. Öndunarvélar og andlitsgrímur eru „mannréttinda“ tákn þessa tíma. Allir skulu eiga „rétt“ á því að verða ekki varir við andardrátt náungans þar til þeir geispa golunni í öndunarvél.

Við erum fyrir löngu komin framhjá þeim stað þar sem hægt var að spyrna við fótum með því einu að benda á að keisarinn er ekki í neinum fötum. Vestræna veikindavædda  heilbrigðismódelið var upp vakið fyrir meira en öld síðan. Veikinda vædda spálíkanið er grundvallað á samsuðu ranghugmynda og vúddú vísinda, þar sem peningar og talnabókhald gilda umfram samúð og heilbrygði. Við erum samt ennþá í grunninn hinn óendanlegi möguleiki þegar við fæðumst til jarðlífsins, -og verðum áfram.

Það er að segja ef við höfum ekki alla meðvitundina á hinni heilögu tölu "dýrsins", og látum vera að draga fólk í dilka meðvirkninnar. Okkur hefur verið kennt með örvandi innrætingu allt frá blautu barnsbeini að trúa því að við séum bæði aðskildir „einstaklingar“ og á sama tíma samtengd á heimskringlu „glóbalsins“ gegnum misstórar einingar s.s. fjölskyldu, þjóðerni, kynþætti, samfélagsstétt, stjórnmálaskoðanir að ógleymdu fjölskrúðugu kynferðinu.

Nú sitjum við uppi með sameiginlega veiru sem hrjáir okkur mest andlega og leggst undarlega mismunandi á fólk líkamlega. Flestir geta verið fárveikir og smitandi án þess að vita nokkurtíma af því, -að okkur er sagt.

Þetta er uppskrift hinnar fullkomnu ringulreiðar, sem er vörðuð hillingum hinna fullkomnu sjónhverfinga, tilvalinni fyrir alræðis gandreið auðsins, -og draumsins um upprisu hins rafræna Babelsturns.

Þegar draugur hefur verið upp vakinn er ekki hægt átta sig á því hvað hann gerir. Um það má lesa í þjóðsögum fyrri alda. Hann getur allt eins átt það til að gera allt annað en honum var ætlað, jafnvel snúist gegn þeim sem hann upp vakti, svo lengi sem hann vekur ekki ótta þeirra sem hann var settur til höfuðs. En magnaðir uppvakningar eiga það samt sem áður til að vera mikil virkir í áratugi.

Nú hefur verið magnaður upp pestardraugur, fyrir honum ber að vernda þá öldruðu, einnig þá sem eru með „undirliggjandi“ sjúkdóma í veikinda væddu heilbrigðiskerfi heimsins, sem uppvakið var líkt og draugur af auðrónum fyrir meira en hundrað árum síðan í líki læknisfræði til þjónustu fyrir lyfjaiðnaðinn og krónu á móti krónu sjálftökunnar.

Lyfjadraugurinn hefur alið á þeirri ímynd, svo til óáreittur, að það eina sem er öruggt þegar við fæðumst sé óeðlilegt. Heilbrigðisstaðall heimsins hefur gert sjálfa upplifunina af dauðanum að „tabúi“. En viljum við búa í heimi þar sem meir að segja táfýla og gillinæð eru orðin að undirliggjandi sjúkdómum, sem gætu þá og þegar stökkbreyst í smitandi drepsótt innan spákúlu skepnunnar?

Athugasemdir

[Símon Pétur frá Hákoti (IP-tala skráð) 4.5.2020 kl. 09:46]

Meistari ert þú Magnús og þess ber þessi mjög svo athyglisverði pistill þinn merki. 

Í mínum huga hafa ráðamenn ríkja heimsins of lengi einbeitt hyggindum sínum til hins verra og grípa hvert tækifæri sem þeim gefst (eða spila það upp í hendur sínar) til að auka völd sín yfir lífi alls þorra jarðarbúa og til ánauðar.  Það gera þeir af illskunni einni. Og það tekst þeim með að gera öll ríki heims ánauðug í skuldafjötrum, atvinnuleysi og etja þeim svo saman sem sundruðum fylkingum. 

Við horfum nú á Hringadrottinssögu raungerast fyrir augum okkar, og nú sem aldrei fyrr mun reyna á samtakamátt okkar smælingja þjóðar okkar og annarra þjóða, að standa saman gegn þeirri illsku sem opinberast núna, á stund dýrsins.  

Það lítur ekki björgulega út fyrir okkur smælingjana núna, en minnumst þó þess að áður hefur illskan herjað á heimsbyggðina.  Við skulum trúa á að hið góða í okkur öllum, smælingjum heimsins, nái að yfirvinna illskuna í þetta sinnið sem áður. Hver einstaklingur, hver fjölskylda, hver bær, hver borg, hvert ríki og heimsbyggð okkar allra verður að mynda órofa varnarmúr gegn illskunni og leyfa henni alls ekki að ná yfirtöku á gæskunni, sannleikanum og þeirri fegurð sem aðeins sannleikurinn getur leitt okkur í ljós og til bestu vonarstjarna.  Eflum ljós lífsins hér á jörðu.  Það er helsta von okkar og styrkur.

[Jorunn Eggertsdottir (IP-tala skráð) 4.5.2020 kl. 20:09]

Esekiel  7. kafli vers 10. Kórónan sprettur fram. Allur kaflinn lýsir ráðamönnum heimsins í dag. 

[Magnús Sigurðsson, 4.5.2020 kl. 20:42]

Sæll Símon Pétur og þakka þér fyrir innlitið og efnismikla athugasemd.

Ég tek heilshugar undir með þér að ráðamenn hafa beitt "hyggindum" sínum við að skuldsetja þjóðir og njóta stuðnings "fjórfrelsis hins frjálsa flæðis" í þeim tilgangi.

Það sem er að gerast þessi misserin tekur flestu fram sem áður hefur verið reynt, þ.e.a.s. fordæmalaus skuldsetning þjóðríkja. Rétt eins og "hálaunuð sóttkví eftir skíðaferð", þá eru aðgerðarpakkarnir "glóbal" aðgerðir, sem er notuð til að steypa þjóðríkjunum í botnlausar skuldir.

Íslenskir ráðamenn taka einfaldlega við því sem er fyrirskrifað annarsstaðar, hvort sem það er fyrir heimsku eða landráð. Kannski var komin tími á að stoppa "flæking" sem hagvaxtartæki í heiminum, sóunarinnar  vegna, en þá á líka að gera það á þeim forsemdum.

En ef að það var meiningin að vernda aldraða og sjúka, -króna á móti krónu fólkið-, þá er mikið í lagt við að setja hagkerfi heimsins á hausinn. Það er hreint ótrúlegt að nokkur hugsandi maður skuli trúa því í blindni. 

því er rétt að skyggnast undir yfirborðið til að átta sig á hvert er raunverulega stefnt, sem er erfitt án þess að vera með samsæriskenningar. En hvað hefur heimurinn setið oft uppi með samsærið sjálft?

Nú ætla stjórnvöld að halda uppi atvinnulífi með aðgerðapökkum, atvinnulífi sem eitt sinn var, þar til betur árar er sagt, eða þar til bóluefnið leysir málið. Þessir aðgerðapakkar er í raun fullkomin uppskrift að endalokum sjálfstæðis og til þess er leikurinn gerður. Íslenskir ráðamenn flytja ekki boðskap sem þeir hafa upphugsað, boðskaðurinn er sá sami um allan heim. 

Eins og þú bendir á þá getum við litlu mennirnir, þrátt fyrir allt, ekki leift illskunni að yfirtaka gæskuna, á þær árar er einfaldlega ekki hægt að leggjast, en við þurfum hvorki að taka þátt í Mattador né sýna auðrónunum áhuga. Það getur verið einmanalegt á Laugaveginum, jafnvel með fullar hendur fjár ef engin hefur áhuga að vera memm.

[Magnús Sigurðsson, 4.5.2020 kl. 20:49]

Þakka þér fyrir að benda á þetta Jórunn.

10 Þarna er dagurinn, sjá, hann kemur. Kórónan sprettur fram, sprotinn blómgast, drambsemin þróast.

[Jóhann Elíasson, 5.5.2020 kl. 14:02]

Góð og tímabær grein Magnús og vonandi vekur hún menn til hugsunar og menn spái í það hvert við stefnum og höfum gert allt of lengi......

[Símon Pétur frá Hákoti (IP-tala skráð) 5.5.2020 kl. 14:25]

Já Magnús

lýðræðið hefur verið fótum troðið af glóbalkapítalisma fjórfrelsins.

Við erum ánauðug þjóð, rétt eins og aðrar,

yfir höfðum okkar sveima hrægammar,

staðlaðir og gæðavottaðir hrægammar

að valdboði íslenskra stjórnvalda.

Og yfir þeim sveimar illskan sjálf,

vald- og fésturlaðri en nokkru sinni fyrr.

[Magnús Sigurðsson, 5.5.2020 kl. 18:43]

Já nú er hægt að nota sviðsmyndir úr spálíkaninu til að loka ríkisborgarana inni mánuðum saman og eyðileggja allan atvinnurekstur fyrir venjulegu fólki.

Tveir metrarnir eru ekki lengur bara moldunarmælikvarði þeirra dauðu, þeir eru komnir til að vera á meðan yfirvöldum þóknast.

Með vúddú vísindum og sviðsmyndum er hægt fullyrða að ver hefði farið ef föðurlega fasísk fyrirhyggjan hefði ekki verið höfð. 

Úti á götu má sjá fjölda niðurlúts fólks á tveggja metra gangi, baðað í fuglasöng og vorsól, með heyrnatólin á eyrunum og snjallsímann fyrir framan nefið.

"Og yfir þeim sveimar illskan sjálf, vald- og fésturlaðri en nokkru sinni fyrr."

Og fylgi ríkisstjórnarinnar komið í nýjar hæðir.

Nú er við hæfi að segja "Guð blessi Ísland"