Gefum þeim geit

Þessi misserin eru villtustu draumar gervi-greindar-lögreglu ríkisins að verða að veruleika á heimsvísu. Nú hafa mannvitsbrekkur ríkisstjórnarinnar opinberað sviðsmynd úr spálíkaninu frá Langtíbutkistan, sem sín næstu skref við losun ferðahafta. Eins og við mátti búast verða ferðamenn að framvísa vottorði og bera á sér smitrakningar-appið í snjallsíma, ella vera settir í sóttkví. Þessi háttur verður væntanlega hafður á þar til heimsbyggðin hefur verið bólusett með smitrakningarappi sem hægt verur að skanna á alheimsvísu.

Almenningur mun smá saman verða var við nýjan veruleika með bólusettum móttökurum fyrir smitrakningar-appið til að komast lönd og strönd, í formi örflögu sem skanna má á öllum stöðum jarðkúlunnar. Robert F. Kennedy, Jr., skrifaði í síðustu viku um afnám almennra manréttinda gervigreindar-lögreglu-ríkisins í þágu lyfjaiðnaðarins. Tók hann þar sem dæmi sektir lögreglunnar í Malibu, sem hljóða upp á 1.000 dollar hver fyrir að nota ólöglega hafið í sóttkví.

„Var þetta kannski aðeins fljótfærni lögreglu sem við komum til með að hlæja að eftir kóvítið? Eða finnst einhverjum fleirum en mér að þetta sé fyrsta lota hlýðniþjálfunar fyrir eitthvað varanlegra? Eru öflug ríki og stórfyrirtæki að nota núverandi kreppu til að fjarlægja grundvallar mannréttindi og byggja upp þrýsting til að stuðla að bólusetningum og eftirliti? Finnst einhverjum öðrum en mér að myrk öfl harðstjórnar niðurlægi þjóð okkar? Og að lokum, deilir einhver hræðslu minni við það að Bill Gates - og félagi hans til langs tíma Tony Fauci - muni einhvern veginn takast að koma á Brawe New World?“

John Magufuli forseti Tansaníu tók annnan pól í hæðina, enda hefur því verið haldið fram að kóvítið eigi eftir að stráfella fólk í Afríku. Magafuli er samt örlítið tortrygginn á boðskapinn enda opinberast covid-19 í Afríku á svipaðan hátt og annarsstaðar í heiminum, -margir verða sýktir og smitandi án þess að vita nokkurn tíma af því, hvað þá deyja.

Aldrei fyrr í veraldarsögunni hefur flensa verið mæld með sama hætti og covid-19. Stjórnvöld í Tansaníu sögðu því sem svo að allur væri varinn góður og sendu Alþjóða heilbrigðisstofnuninni WHO þrjú sýni sérstaklega til rannsóknar í sínatöku spálíkani Langtíburtkistan án þess að geta úr hverju þau væru, en þau voru  úr geit, papaya ávexti og páfugli. Jú mikið rétt allur er varinn góður, því öll sýnin þrjú reyndust smituð.

Ferðamenn hafi val frá 15. júní

Athugasemdir

[Jóhann Elíasson, 13.5.2020 kl. 10:37]

Finnst engum vera tvískinnungur í þessu?  Fyrir nokkrum vikum þótti EKKI ástæða til að ferðamenn færu í prufu fyrir covid-19 veirunni eða í sóttkví og var okkur sagt að ekki væri ástæða til þess, því ferðamenn SMITUÐU EKKI.  En þegar landið verður opnað, 15 júní, þá er ástæða til að setja ferðamenn í prufu og sóttkví og enginn segir neitt um þessa mótsögn....

[Magnús Sigurðsson, 13.5.2020 kl. 15:14]

Nú er allt fyrirskrifað í leikritinu frá Langtíburtkistan. Það er engin sjálfstæð hugsun lengur í gangi, ekki einu sinni heimaalinn óvitaháttur.