Njóttu nú sem þú namst

Það getur verið áhugavert að grafast fyrir um uppruna orða því tungumálið er það sem notað er til að skýra heimsmyndina og hvernig við hugsum. Samkvæmt vísindunum varð heimurinn til í miklahvelli og heimsmyndin er skýrð vísindalega. Samkvæmt heiðinni goðafræði varð heimurinn til úr sundurtættum líkama Ýmis síðan fylltu æsir út í Ginnungagap.

Vísindin eru sögð eins konar rökfræðileg skýring á heiminum laus við goðsagnir, eða að yfirnáttúruleg öfl að verki við myndun og mótun heimsmyndar, -þó svo að miklihvellur sé látinn liggja milli hluta. Í goðafræði felst, auk upphafsins og heimsmyndarinnar, glíman við að skýra mannlegt eðli og tilveru mannsins, s.s. leit að þekkingu til að móta siðferðislögmál innblásin anda almáttugs.

Orðið Ginnungagap er samsett orð og ætti merkingin að vera auðskilin öðrum en þeim sem lætur hafa sig endurtekið að ginningarfífli. Gapið er rýmið þar sem ginningin fer fram. Þar sem jafnvel ein fáviskan er samþykkt á eftir annarri í stað þess að gera hið eina rétta, -horfast í augu við óttann og skipta honum út fyrir kærleika.

Rætur miklahvells vísindanna liggja í óttanum, sem eru trúarbrögð okkar tíma. Andleysi nútíma vísinda er því æðra goðafræðinni þrátt fyrir svipað upphaf beggja, og heiðnari en sjálfur Óðinn. Það er úr goðafræðinni sem orðið vísindi kemur og var haft um brögð þeirrar trúar sem byggð var í Ginnungagapi. Orð Völuspár segja því ýmis-legt um heimsmyndir manna og tilurð heimsins fyrr og nú.

 "Askurinn er allra trjáa mestur og bestur (Yggdrasil/lífsins tré). Limar hans dreifast yfir heim allan og standa yfir himni (það sama gera internetið og fjölmiðlar medíunnar). Þrjár rætur trésins halda því uppi og standa afar breitt. Ein er með ásum en önnur með hrímþursum, þar sem forðum var Ginnungagap (hinn óendanlegi möguleiki). Hin þriðja stendur yfir Niflheimi (þar býður Hel rúm þeim dauðu), og undir þeirri rót er Hvergelmir (upphaf allra strauma), en Níðhöggur gnagar neðan rótina. En undir þeirri rót er til hrímþursa horfir, þar er Mímisbrunnur, er spekt og manvit er í fólgið, og heitir sá Mímir er á brunninn. Hann er fullur af vísindum, fyrir því að hann drekkur úr brunninum af horninu Gjallarhorni. Þar kom Alföður og beiddist eins drykkjar af brunninum, en hann fékk eigi fyrr en hann lagði auga sitt að veði. Svo segir í Völuspá:

Allt veit eg, Óðinn,

hvar þú auga falt,

í þeim hinum mæra

Mímis brunni;

drekkur mjöð Mímir

morgun hverjan

af veði Valföðurs.

Vituð þér enn eða hvað? (Gylfaginning 15. kafli)

"Óðinn hafði með sér höfuð Mímis og sagði það honum mörg tíðindi úr öðrum heimum en stundum vakti hann upp dauða menn úr jörðu eða settist undir hanga. Fyrir því var hann kallaður draugadrottinn eða hangadrottinn. Hann átti hrafna tvo er hann hafði tamið við mál (Huginn og Muninn/hugur og mál). Flugu þeir víða um lönd og sögðu honum mörg tíðindi. Af þessum hlutum varð hann stórlega fróður. Allar þessar íþróttir kenndi hann með rúnum og ljóðum þeim er galdrar heita. Fyrir því eru æsir kallaðir galdrasmiðir. Óðinn kunni þá íþrótt svo að mestur máttur fylgdi og framdi sjálfur, er seiður heitir, en af því mátti hann vita örlög manna og óorðna hluti, svo og að gera mönnum bana eða óhamingju eða vanheilindi, svo og að taka frá mönnum vit eða afl og gefa öðrum. (Ynglinga saga 7. kafli)

Um alla Svíþjóð guldu menn Óðni skatt, pening fyrir nef hvert, en hann skyldi verja land þeirra fyrir ófriði og blóta þeim til árs." (Ynglingasaga 8. kafli)

Það dylst fáum, sem samles skýringar Völuspár í Gylfaginningu ásamt Ynglingasögu, að æsir stýrðu heiminum með brögðum og byggðu sínar ginningar í því gapi sem snéri að hrímþursum. Æsir voru elítan, hrímþursar voru fjöldin, og til að halda völdum þurfti að herja á þá jötna sem íbúar Miðgarðs óttuðust. Þeir jötnar voru sagðir búa í Svíþjóð hinni miklu, sem var í Langtíburtukistan, og þaðan var lítið hægt að sannreyna nema þá með vísindum úr Mímisbrunni sem hrísluðust um Yggdrasil. Þeir sem féllu fyrir æsi risu upp frá dauðum og sátu að veislu í Ásgarði. Þeir sóttdauðu gistu kör Heljar.

Völuspá segir frá Ragnarrökkri, sem túlkað hefur verið sem heimsendir. Völvan segir frá fleiri en einum heimsendi, segir reyndar strax í byrjun níu man ég heima. Nú eru enn komið að lokum heimsmyndar, gamla normið er bensínlaust. Og nú þegar sjónhverfingarnar falla hver af annarri er hætta á að hrímþursar muni vakna til skilnings á misskiptingu heimsins. Til að koma í veg fyrir vitneskju manfólksins um eigin mátt beitir elítan óttastjórnun, -virðið fjarlægðamörkin grímuklædd, og hafið vit á að óttast náungann. Komið ekki saman á meðan ný stafræn skimunar kerfi og smitrakningarforrit verður upp komið, verðandi hin mikla viðspyrna “The grate reset”.

Það eru ill öfl sem spila á andlega heilsu. Þau nærast á kvíða og ótta manfólksins. Þegar menn eru lausir úr viðjum óttans, þá svelta þess lags öfl. En ef ótti og kvíði ræður ríkum til langs tíma þá magnast stjórnendur þessa valds og fá fóður til að eflast enn frekar. Þannig persónur hafa alltaf verið fjandsamlegastar mankyninu. Eftir að ótta og kvíða hefur nú verið dælt yfir heiminn hvern einasta dag í heilt ár vegna heimsfaraldurs eru margir komnir á þann stað andlega að sætta sig umyrðalaust við ráðlagða hegðun sem hefur yfirgripsmiklar afleiðingar fyrir almenn mannréttindi. Samhliða þessu er sótt á að bólusetja milljarða heilbrigða einstaklinga.

Og hvað með bóluefnið, sem er ekki hefðbundið og ver ekki gegn drepsótt Heljar, heldur er mikið til dulkóðað raðbrigði RNA boðbera sem mun erfðabreyta DNA genamenginu og að lokum breyta manfólkinu í aðrar verur, -kannski einhverskonar mennsk auðlesanleg tölvugögn? Fyrsta bóluefnið með nanósendum fyrir 5G móttakarana sem er verið að ljósleiðavæða út um allar koppa grundir? Eða trúir þú því að það eigi að bólasetja sjö milljarða heilbrigða einstaklinga til að mynda hjarðónæmi fyrir þá einstaklinga sem eru fyrstir bólusettir og komnir að því að fá hvíld frá heimsins amstri vegna aldurs? -hvað þá að það fólk óski eftir að fá ekki að fara frekar en að liggja lífs í kör? Dauða skal fá þeim, þann er kenndi lengst.

Mig sjálfan grunar að "æsir" séu nú að nota þráðlausa tækni og gervihnetti í "Ginnungagapi" til að skapa nýjan stafrænan veruleika svo fólk þurfi á rafrænum hugbúnaði að halda til að taka þátt í „nýrri heimsmynd“ og við það sé mér stillt upp gegn þér og okkur gegn þeim. Gæti sá hugbúnaður verið raðbrigða RNA í kórónu bóluefni? En við skulum ekki fara út í framtíðar samsæriskenningar, nú þegar er farið að gefa út rafræn skilríki sem staðfesta hverjir eru í "húsum hæfir". Verum til staðar í núinu og mundu að aðeins þú getur fullkomnað gjörninginn, það þarf nefnilega ekki nema einn til að breyta heiminum.

Það er áhugavert að sjá nú kjörna fulltrúa fólksins tala látlaust fyrir rafrænum Babelsturni kórónu veirunnar sem engin virðist raunverulega vita hvers eðlis á að verða. Slökktu á sjónvarpinu og fylgstu þannig með pólitískri umræðu. Hvað eru þeir þá eiginlega að segja , , , komdu þér í röðina eða haltu þig utan við mannlegt samfélag karlægi vesælíngur? , , , eitt allsherjar leikhús, -sjokkerandi hvað fáir virðast sjá í gegnum farsann. 

Gandhi sagði "breyttu sjálfum þér og þú hefur breytt heiminum", Kristur kenndi okkur á krossinum "ég er upprisan og lífið" og Hár mælti svo til Ganglera í lok Gylfaginningar "og njóttu nú sem þú namst".

Athugasemdir

[Þorsteinn Siglaugsson, 24.1.2021 kl. 00:30]

Ekki fara út í 5G g erfðabreytta bóluefnið Magnús. Plís. Það er nóg til að gagnrýna, en pössum okkur á þessu. 

[Þorsteinn Siglaugsson, 24.1.2021 kl. 00:31]

... það er ekkert samsæri, það er hræðslufaraldur, drifinn áfram af almenningi um allan heim, nákvæmlega eins og í galdraafárinu.

[Magnús Sigurðsson, 24.1.2021 kl. 07:49]

Sæll Þorsteinn og þakka þér fyrir lesturinn og athugasemdina.

Nei ég ætla ekki "út i 5G erfðabreytta bóluefnið" annað en sem þarna er með spurningamerki.

"Fyrsta bóluefnið með nanósendum fyrir 5G móttakarana sem er verið að ljósleiðavæða út um allar koppa grundir?"

Enda veit ég ekki frekar en flestir aðrir hvað þetta bóluefni inniheldur og hef ekki vit á hvernig RNA boðberar virka, annað en kemur fram í því sem tengingar er á í pistlinum. Og báðar þær konur eru ekki að halda því fram að bóluefnið innihaldi nanósenda. Enda ætla ég þær það grandvarar að flagga ekki samsæriskenningum.

En fólk ætti að íhuga þetta. Því að er nokkuð ljóst að eftirlitssamfélagið mun blómstra á öllum sviðum sem hin mikla viðspyrna í framhaldinu.

Þá ætti fólk að vera búið að íhuga hvort það vilji sýna staðfestingu á t.d. bólusetningum á pappír, sem það þarf síendurtekið að verða sér út um, eða með appi í símanum, sem nú þegar er hægt að mér skilst, eða bara fá þetta í sprautunni og þá verði hægt að lesa það með skanna eins og hvert annað strikamerki þegar á þarf að halda. Tæknin verður til staðar.

[Jóhann Elíasson, 24.1.2021 kl. 09:04]

Stórkostleg grein Magnús, eins og þín er von og vísa.  Ekki taka það mjög alvarlega þótt afturhaldsseggurinn Þorsteinn Siglaugsson sé með einhverjar efasemdir og "feli" sig á bak við einhver uppdiktuð "vísindi" eins og vinstri manna er siður, þegar þeir vilja halda SKÍTNUM undir yfirborðinu.  Þeirra hugarflug nær ekki samlíkingum djúpum hugleiðingum......

[Magnús Sigurðsson, 24.1.2021 kl. 10:07]

Sæll Jóhann og þakka þér fyrir innlitið og athugasemdina.

Já vísindin eru ekki til öðruvísi en uppdiktuð, sama hverjir tímarnir eru. Þosteinn hefur fengið að kenna á því að fara gegn norminu en með því móti bent á margt sem teppinu var ætlað að hylja. Það er allavega nokkuð nærri skítnum sneitt að tala um galdrafár.

En það sem ég vildi benda á öðru fremur í þessum pistli er nokkuð sem þið Þorsteinn óttist ekki, það er að viðra skoðanir ykkar þó svo að þær falli ekki með meginstraumum. Því eins og galdramaðurinn Gandhi sagði og sjálfsagt líka Kristur og Gandálfur, þá er ekkert að óttast í heiminum, hann er á okkar valdi.

Það er einungis dauðinn, sem er óumflýjanlegur fylgifiskur lífsins, sem fær okkur til að halda annað. Og fólk ætti ekki að láta uppdiktuð vísinda telja sér trú um að hægt sé að spara gæði lífsins með því að óttast dauðann mánuðum saman.

[Jón Þórhallsson, 25.1.2021 kl. 08:56]

Þór og Óðinn voru bara háþroskaðir geimgestir frá öðrum plánetum sem að gátu flogið um á UFO-diskum og þeir bjuggu yfir allkyns háþroskaðri þekkingu  sem að var undur í augum jarðarbúa; og þess vegna voru þeir teknir í guðatölu.

Að öllum líkindum voru þeir af Annunaki-geimverutegundinni.

Mér skilst að nafnið LoKI sé skilt nafninu AnunnaKI.

[Jón Þórhallsson, 25.1.2021 kl. 09:03]

"Til að koma í veg fyrir vitneskju manfólksins um eigin mátt beitir elítan óttastjórnun, -virðið fjarlægðamörkin grímuklædd, og hafið vit á að óttast náungann. Komið ekki saman á meðan ný stafræn skimunar kerfi og smitrakningarforrit verður upp komið, verðandi hin mikla viðspyrna “The grate reset”.

Það eru ill öfl sem spila á andlega heilsu. Þau nærast á kvíða og ótta manfólksins. Þegar menn eru lausir úr viðjum óttans, þá svelta þess lags öfl. En ef ótti og kvíði ræður ríkum til langs tíma þá magnast stjórnendur þessa valds og fá fóður til að eflast enn frekar. Þannig persónur hafa alltaf verið fjandsamlegastar mankyninu". 

------------------------------------------------------------------------------------

Þá er það spurningin hvort að íslenska ríkisstjórnin tilheyri þessari illu elítu

eða hvort að þau stökkvi bara fávís á "bóluefna-eiturbras-vagninn"

og hlýði öllu í blindni sem að þeim er sagt?

[Magnús Sigurðsson, 25.1.2021 kl. 13:24]

Þakka þér fyrir innlitið og athugsemdirnar Jón.

Það kemur reyndar að nokkru fram í Ynglingasögu goðafræðin er ættfræði. Ynglingar röktu ættir sínar til Freys og Yngva Tyrkjakonungs, Skjöldungar til Óðins. Sjálfur get ég rakið ættir mínar til beggja goðanna.

"Þá er það spurningin hvort að íslenska ríkisstjórnin tilheyri þessari illu elítu"

Samkvæmt ættfræðinni er svarið sennilega já, -rétt eins og ég og sennilega flestir Íslendingar.

Það má aldrei taka fáviskuna frá fólki ef það á að halda sakleysi sínu, og til eru bæði flissandi fábjánar sem og alvarlegir.

[Ingólfur Sigurðsson, 25.1.2021 kl. 16:09]

Voru guðirnir geimfarar? Já, og eru það enn. Uppá 5G tæknina get ég trúað ýmsu misjöfnu, enda erum við ekkert nema tilraunadýr annarra tegunda, að því er virðist. Heimskan er nóg hjá okkur til að lúta hvaða kúgurum sem er. 

Þeir sem segja að Óðinn og félagar séu geimgestir eru eiginlega að segja að Jesús, Jahve og guðir Súmera séu það einnig. 

Þið ruglið saman geimverutegundum. Líklegast er að guðir forníslendinga tilheyri Nordic geimverunum, en þær eru þekktar fyrir hjálp við mannkynið og friðsamleg samskipti.

 Annunaki geimverurnar sem þið minnist á eru tengdar við guði Súmera, en þeirra goðafræði var uppistaða margra mýta í Biblíunni, einsog Sköpunarsögunnar, Nóaflóðsins, osfv. 

Þær geimverur sem ættu að vera tengdar við 5G, kófið og tilraunir á mannfólki eru Gráu geimverurnar, Reptilian eða Alpha Draconian. 

Það eru Gráu geimverurnar sem ættu að fá alla athyglina. Lýsingin á þeim sem kom fyrst skýrast fram eftir brotlendinguna í Nýju Mexíkó 1947 er farin að minna á lýsinguna á nanótækninni, ekki bara í þessum Bill Gates bóluefnum heldur allskonar tækni. 

Þið sjáið nú hvernig þessi Covid-19 mál fara í skotgrafahernað pólitíkurinnar. Þetta vissu stjórnendur Bandaríkjanna þegar geimfarið hrapaði 1947, að úr yrði sprengja í pólitík, og því nauðsynlegt að þagga það niður.

Allavega gott að hér sé hugsað útfyrir boxið. Ef þetta er allt satt er frekar hægt að verjast með því að gera sér grein fyrir því en grafa hausinn í sandinn einsog flestir.

[Magnús Sigurðsson, 25.1.2021 kl. 18:30]

Þakka þér fyrir þetta innlegg Ingólfur.

Uppruni goðafræðinnar og áhrif hennar á heimsmyndina er um margt áhugaverður og kannski ekki skrítið að 5G, geimurinn og verur þaðan komi til tals í því sambandi.

Þið Jón komið inn á Súmera og Anunnaki. Það hafa margir velt þeim vísindum fyrir sér og hér á TED sem er ekki talin nein neðanmáls medía er komið inn á þessa sögu og hvað hún er mankyninu merkileg nú á 21. öldinni. 

https://www.youtube.com/watch?v=2VWS_F_UeQI

Eins og fram kemur hjá fyrirlesaranum þá eru það oft þeir sem eru ómenntaðir í fræðunum en hafa óbilandi áhuga fyrir viðfangsefninu sem koma með stórar uppgötvanirnar.

Ég hef lítið gert af því að sökkva mér í Anunnaki fræðin, enda er goðafræði landnámsmannanna ansí víðfeðm. Gylfaginning endar t.d. á þessum orðum.

En æsir setjast þá á tal og ráða ráðum sínum og minnast á þessar frásagnir allar er honum voru sagðar, og gefa nöfn þessi hin sömu, er áður voru nefnd, mönnum og stöðum þeim er þar voru, til þess að þá er langar stundir liðu, að menn skyldu ekki efast í að allir væru einir, þeir æsir er nú var frá sagt og þessir er þá voru þau sömu nöfn gefin. Þar var þá Þór kallaður, og er sá Ásaþór hinn gamli. Sá er Ökuþór og honum eru kennd þau stórvirki er Ektor gerði í Tróju. En það hyggja menn að Tyrkir hafi sagt frá Úlixes og hafi þeir hann kallað Loka, því að Tyrkir voru hans hinir mestu óvinir.