Að æra óstöðugan

Bólusetningardagar heilbrigðisiðnaðarins hafa eftir því sem á líður líkst æ meir vakningarsamkomu sértrúarsafnaðar. Í gær heiðraði æðsti prestur sóttvarna samkomuna og var bólusettur við glymjandi lófatak í Höllinni. Tekið var sérstaklega til þess að sama valkyrjan bólusetti með sama bóluefni og Þann klára, sem hefur spilað á þjóðina frá því seint á síðustu öld.

Það hefur ekki farið fram hjá síðuhöfundi að nú standa yfir efstu dagar. Fyrir skemmstu kom boð að ofan í sms, auk þess hefur oftar en einu sinni verið hringt og fagnaðarerindið boðað af heilsugæslustöðinni. Allt þetta er á sig lagt, til viðbótar við það sem fjölmiðlar hafa dansað í kringum gullfiskin, svo halda megi honum upplýstum.

En vegna fjöldatakmarkana og vanþakklætis man ég bara Hann Smára og silfurpeningana þrjátíu sem fóru í money haven um árið. Þó svo allt sé gert til að halda mér upplýstum um helgustu vers fagnaðarerindis, fluttu á fjöldasamkomum grímunnar við lófatak.

Hvað er þá til ráða fyrir utanveltu hró sem getur ekki munað trúarjátninguna, -annað en fara að ráði Þorsteins jökuls í stórubólu og flýja til fjalla?

Athugasemdir

[Jóhann Elíasson, 29.4.2021 kl. 07:44]

Það er sagt að trúin flytji fjöll en það á ekki alltaf við Magnús.  Samkvæmt viðtali við Guðmund Karl Snæbjörnsson lækni sem var á þann veg að virkni þessara bóluefna væri innan við 10% vegna þess að komin eru svo mörg afbrigði af upphaflegu veirunni og margt fleira kom fram í þessu viðtali eins og til dæmis það að hluti þeirra sem eru að deyja úr Covid-19 á Indlandi er fólk sem er FULLBÓLUSETT og það með Astra Zenca.  Það virðist vera að komin séu upp "BÓLUEFNATRÚARBRÖGÐ" sem ALLIR eiga að fylgja........

[Sigurður Kristján Hjaltested, 29.4.2021 kl. 10:59]

Tek undir með Jóhanni.

Nú eru fleiri að deyja á Íslandi vegna

bólusetningar en covid.

Frekar absúrt verð ég að segja.

[Magnús Sigurðsson, 29.4.2021 kl. 13:14]

Þakka "hughreystandi" athugasemdir Jóhann og Sigurður.

Það er alveg spurning hvort maður ætti að taka Þorstein jökul i stórubólu sér til fyrirmyndar og drífa sig strax á fjöll, frekar en reikna með að bóluefna trúin flytji þau til manns.

Mér finnst samt sumt svolítið dularfullt við dauðsfalla skráninguna. Ef ég man rétt þá var meðalaldur þeirra sem hafa verið skráðir dánir úr kóvít hér á landi í kringum 87 ára aldurinn.

En ef fólk deyr eftir kóvít bólusetningu þá hefur bóluefnið yfirleitt ekkert með það að gera, engin tengsl þar á milli, ungt fólk heldur jú áfram að veikjast og deyja, og gamlingjar deyja úr elli. 

Ég býð ekki í að reikna út stökkbreyttar dánartölur á Indlandi ef sama aðferðafræði er notuð þar. Rétt betra að búa þá í grennd við Himalajafjöllin en ekki niður á flatlendinu.