Nornirnar á blogginu

Það má segja að hér á mogga blogginu hafa risið þrjár nornir sem hafi skorað þríeykið á seiðhjallinum á hólm, -og ekki veitti af að blanda þann görótta seið í upplýsingaóreiðu falsfréttanna. 

Þær setja fram mál sitt í anda skapanornanna Urðar, Verðandi, Skuldar og ekki fer hjá því að þar glitti í spákonuna Völu. Hvort nornirnar eiga eftir að skapa þríeykinu örlög ásamt óðinshananum eineyga klára mun tíminn einn leiða í ljós.

Sagt er að rás tímans endurtaki sig á hinni eilífu hringrás eyktarinnar í hringsnúandi spíral, sem spólar sig í gegnum aldirnar, eða eins og Prédikarinn 1-9 sagði;  Það, sem hefur verið, það mun verða, það, sem gerst hefur, það mun gerast og ekkert er nýtt undir sólinni.

Athugasemdir

[Jóhann Elíasson, 14.7.2021 kl. 07:57]

Mér finnst þessar konur sem þú talar um, setja mál sitt vel fram og styðja allt sem þær skrifa vel með heimildum og vera sköruglegar í ALLRI sinni framgöngu og styð ég þær alveg 100% og vona ég að árangur þeirra verði sem mestur..........

[Sigurður Kristján Hjaltested, 14.7.2021 kl. 08:58]

Tek undir med Johanni.

[Magnús Sigurðsson, 14.7.2021 kl. 09:40]

Ég tek undir með þér Jóhann þær eru skörulegar í málflutningi og ekki ástæða til annars en að styðja málflutning þeirra.

Þó ekki væri nema bara vegna þess að hann hefur að mestu verið hundsaður í fjölmiðlum, sem er reyndar ekki annað en pjúra ritskoðun af gömlu bókabrennu gerðinni og ekkert nýtt í sögunni.

Ég tek undir með Prédikaranum, ekkert er nýtt undir sólinni, og ég hef trú á að málflutningur þeirra eigi eftir að fá hljómgrunn. Því sá kokteill sem fjölmiðlar hafa tekið þátt í að byrla er ógeðsdrykkur auðróna.

[Þorsteinn Siglaugsson, 14.7.2021 kl. 19:56]

Vel athugað hjá þér Magnús. Þetta eru kjarnakonur sem láta ekki auðveldlega kveða sig í kútinn.

[Magnús Sigurðsson, 14.7.2021 kl. 20:47]

Svo sannarlega kjarnakonur Þorsteinn, gott ef ekki fjölkunnugar valkyrjur, sem hafa gerst málsvarar þeirra, sem frjálsir fjölmiðlar væru fullir frétta af ef allt væri með felldu, í stað þess að hafa allan fókusinn á  fréttatilkynningum frá vakningasamkomu sértrúarsafnaðarins í Höllinni.

[Símon Pétur frá Hákoti (IP-tala skráð) 14.7.2021 kl. 21:39]

Svo mjög hefur þeim orðið ágengt

að nú hefur þríeykið heykst, alla vega um stund, á þeirri sinni fyrri ætlan

að bólusetja 12-15 ára.

[Símon Pétur frá Hákoti (IP-tala skráð) 14.7.2021 kl. 22:31]

Þórólfur hefur semsagt viðurkennt núna, og í því samhengi sem "nornirnar" 3 hafa margsinnis boðað

að afleiðingar bólusetninganna megi ekki verða verri en að veikjast af sjálfri pestinni.

[Magnús Sigurðsson, 15.7.2021 kl. 05:56]

Mér sýnist að sá klári hafi staulast upp úr kistunni sinni og fari nú með krossinn öfugan á undan sér blessuðum börnunum til varnar, úr því að ekki náðist árangur með því að dæla glundrinu í 90% þeirra sem komnir eru af barnsaldri, og styðji þannig við hálfhruninn seiðhjallinn.

Hvort hann nær að æra östöðuga eitt skiptið enn og aftur yfir há bjargræðistíminn, og öllu verði skellt í lás fyrir brekkusönginn á eftir að koma í ljós, en mér kæmi ekki á óvart að einhverjir mótmæltu því þetta sumarið að vera undirlagðir í einkennalausri pest.

Má ég þá biðja almættið ásamt skapanornunum að forða blessuðum börnunum frá þeim örlögum sem bólusetningahraðlestin hefur valdið fullorðnu fólki og ritskoðuð medía auðrónanna keppist við að þegja í hel, þar væri það hálfa nóg.