Loka landamærunum

Nú er ekki um annað að ræða en loka landinu bláa áður en túrista vaðallinn étur landann út á gaddinn. Þar að auki ætti það opinbera að senda alla þá sem vilja úr landi, líkt og þegar sauðfé er rekið til beitar á afrétt. Svo þeir sem enn nenna að vinna ærlegt handtak við að safna í kornhlöður hafi til þess stundlegan frið.

En nei, litlu lukkudýrunum í allt of litlu bláu jakkafötunum og dúkkulísu drögtunum dettur þá helst í hug að afnema stimpilklukkuna og mætingaskyldu í ráðuneytinu. Tala um nútíma væða stjórnsýsluna með starfstöð án staðsetningar í símanum sínum.

Þetta lið munu ekki fatta hvað vinna er fyrr en stimpilklukkan hefur verið afnumin bæði í eldhúsinu hjá mömmu og hjá þeim sem þrifa eftir það skítinn. En þangað til tælir það til landsins sársvanga flækinga eins og engin sé morgunndagurinn.

Ef einhver er lengur í vafa um það hvar þeir halda sig sem voru skráðir atvinnulausir eða á heimavinnandi hlutabótum í kóvítunu, þá eru þeir í biðröðinni á flugvellinum á leið í fríið með selfí símanum sínum.

Þó svo að túristinn gefi aur í imbakassann þá verður sá verðbólgni vonarpeningur ekki étinn frekar en taðið úr tíndri túnrollu þegar kemur fram á veturinn. Í mesta lagi verður um glópagull auðróna að ræða í Money Haven.

Guð blessi Ísland.

Mannekla erlendis hefur áhrif á Icelandair og Play

Athugasemdir

[Sigurður Kristján Hjaltested, 2.6.2022 kl. 22:39]

Já Magnús. Ótrúlegt að sjá hvernig hægt var á

stuttum tíma að breyta þokkalega siðuðu og vel

meinandi þjóðfélagi í andhverfu sína.

Enda ekki við öðru að búast þegar yfir 70% af þingheim

hefur aldrei unnið ærlega vinnu.

Útskriftir með kunnáttu uppá Excel, Word og BS 

i PowerPoint, er ekki það sem við þurfum á að halda. 

Við þurfum fólk með lífsreynslu, kunnáttu og skilning

á lífsins gildum.

Meðan það er ekki til staðar, þá hvað...?????

[Magnús Sigurðsson, 3.6.2022 kl. 06:14]

Sæll Sigurður, og takk fyrir góða athugasemd. Það er búið að að fábjánavæða glóbalinn með smart dýrkun og trú á ritrýndri tölfræði fenginni úr spálíkönum.

Þegar sýndarveruleikinn bætist svo ofaná allt saman, frá þeim sem hæðst fá að gala, er ekki von á góðu.

Þegar lífsreynsla, skilningur og raunveruleg kunnátta á lífsins gildum eru látin sigla sinn sjó, nálgumst við veruleika þar sem hver er sjálfum sér næstur.