Davos dúkkulísur

Litlu lukkudýrin við Austurvöll hafa farið með himinskautum þessa vikuna þó svo að þau séu komin í sumarhagann.

Dúkkulísan í öllum drögtunum snappaði í selfí úr símanum sínum, hælandi sér af því að vera fyrst til að gera tilraun til að stúta íslenskunni í boði ríkisins. Það væru 50 þúsund erlendir ríkisborgarar á landinu bláa, sem varla kynnu orð í íslensku, -en vantaði meira en milljón á mánuði án staðsetningar og mætingaskyldu.

Mér varð hugsað til pólverjanna sem ég vinn með og bentu á að það væru yfir 40 milljónir pólverja í heiminum en bara tæplega 400 þúsund íslendingar, -kannski ættu íslendingar bara að læra að tala pólsku, -þetta sögðu þeir á kýrskýrri íslensku þar sem við unnum niðurnegldir og kófsveittir fyrir smáaura við byggja hús sem allstaðar virðist vanta þessi misserin.

Ekki var sú flissandi geðslegri þessa vikuna. Daðrandi við stríðsglæpamenn og þá sem fyrir skemmstu klíndu hryðjuverkalögum á landann og kröfðu þjóðina um fáheyrðar fjárhæðir. Sú flissandi studdi reynda kröfugerð hryðjuverkalagaskáldanna um árið rétt eins og herkvaðningu stríðsglæpamannanna þessa dagana, -allt í boði íslensku þjóðarinnar.

Auk þess er hún nú að vekja upp Gunnarstaða-móra í eitt skiptið enn, og espa hann til að yfirgefa torfuna í sumarhaganum og koma heim í borg óttans til að ganga endanlega frá öldruðum og öryrkju á jafn snyrtilegan hátt og suðfénu á landinu bláa. Móri fær milliferðirnar færðar til fjár eins og alltaf þegar lögheimilið er annars vegar og kannski eitthvað upp í þau ofgreidd laun sem komu kjararáðspakkinu í hár saman í vikulokin, -allt samkvæmt lögum alþingis.

Dóttir Donsins, sem lifði hátt í myglu hjallinum á risrækjum, var í vikunni hvítþvegin af tárvotum þjáningabróður sínum, hafði ekki kostað ríkið nema 14 milljónir vegna persónulegs málareksturs þegar hún braut lög og siðareglur við ráðningu ráðuneytisstjóra í mennta- og menningarmálaráðneytið. Þar varð hún uppvís af því að ráða gamlan félaga úr klaninu í stað hæfrar manneskju. En hvað eru 14 milljónir á milli vina, -þegar ríkið hvort eð er borgar brúsann?

Þær stöllurnar telja sig vera glöggskyggnar á við þær Urð, Verðandi, Skuld, og hafa kokkað upp þau örlaga sannindi að allt sé þetta einungis einföld tölfræði um peninga og þurfi því þar af leiðandi hvorki lög né siðareglur fyrir embættisfærslum þeirra, hvað þá almenna mannasiði, -þær vinni samkvæmt starfsreglum ráðuneytis.

Þeir sem hafa vogað sér að vera með kjaftæði fatti bara ekki hver ræður og enn síður að íslenskan er ekkert séríslenskt fyrirbæri frekar en tölur og áfengi, nema þegar þarf að skrifa íslendingasögurnar. En í því tilfelli hafa verið kokkuð upp lög um virðingu alþingis, fjáraustur til fjölmiðla, sem hvorki skulu valda upplýsingaóreiðu né birta falsfréttir, svo slettist ekki á dúkkulísu dragtirnar sem þær fengu frá Davos.

Athugasemdir

[Sigurður Kristján Hjaltested, 2.7.2022 kl. 11:40]

Snilldar pistill og sorglega sannur.

Ég held ad eina sem gaeti bjargad thví litla sem

eftir er af lýdraedinu séu ad fá ad kjósa menn og málefni.

Prófkjorinn eru sett upp thannig ad thau tryggja ad their

spilltustu geti haldi áfram. Aldrei séd eins lélegt lid

og nú situr á thingi, Hvernig í óskopunum á ad vera haegt

ad bera virdingu fyrir lidi sem vill afmá allt sem íslenkt er.

Fruss á allt thetta pakk.

[Símon Pétur frá Hákoti (IP-tala skráð) 2.7.2022 kl. 13:56]

Aldrei bregst þér bogalistin, meistari Magnús.  

Pistill sem hittir beint í mark.

Tek einnig undir orð Sigurðar í athugasemd hans

og einkum lokalínuna: "Fruss á þetta pakk." !!! 

[Jóhann Elíasson, 2.7.2022 kl. 17:09]

Engan veit ég um sem hefði getað orðað þetta betur og jafn beitt.  Og athugasemdirnar hér á undan alveg meiriháttar.........

[Jónatan Karlsson, 2.7.2022 kl. 17:26]

Sérstaklega vel að orði komist Magnús.

Ég óttast að telja megi tímann í mánuðum fremur en árum uns hinni flissandi og BB o/co auðnist endanlega að sökkva þjóðarskútunni fyrir feitan kommisíon.

[Loncexter, 2.7.2022 kl. 19:56]

Það er mjög auðvelt að sjá hliðstæðu Íslenskra stjórnmála í Gamla T. og afleiðingar sem þess konar pólitík kann að hafa á framtíð íslands, er nokkuð áhugavert umhugsunarefni.

[Magnús Sigurðsson, 2.7.2022 kl. 20:52]

Ég þakka allar athugasemdirnar, við virðumst nokkuð sammála hvað þjóðleg gildi varðar.

Það hrynur öll þjóðleg menning þegar auðræði og hórdómur ríða röftum, ekkert fær þann Darraðardans staðist hvorki Alþingi né Sódóma gamla testamentisins.

Í upphafi Úlfljótslaga er sagt frá landvættunum “sigl eigi að landi með gapandi höfðum né gínandi trjónu svo að landvættir fældust við”, erlent vald hefur aldrei náð fótfestu á Íslandi nema með landráðum.

Landvættir hafa varið fullveldi þjóðarinnar þegar hún hefur farið fram á það. Er þar skemmst að minnast Eyjafjallajökuls sem spúði eimyrju yfir fjendur okkar þegar fátíð norðvestan átt stóð af landinu bláa í heilan mánuð.

Óhamingja þjóðarinnar er og hefur verið innanlend græðgi og undirlægjuháttur við erlent vald. Í ríkasta landi heims virðumst við vera að komast á sama stað með fullveldi lýðveldisins og þjóðveldisins fyrir 750 árum síðan.

Fullveldið er haft af sofandi þjóð með landráðum. Flotið er að feigðarósi í allsnægtum og augunum lokað fyrir þeirri staðreynd að gullaldir okkar voru á tímum þjóðveldis og lýðveldis í fullveldi. Þar á milli volæði.

Nú skríða ráðamenn fyrir erlendum áhrifum og framselja vald sem þeir eiga ekki, sem eru hrein og bein landráð. Fátt er orðið um annað að ræða en ákalla landvættina og biðja Guð um að blessa Ísland.

[Ragnhild H. Jóhannesdóttir (IP-tala skráð) 5.7.2022 kl. 14:09]

Dúkkulisurnar fara algjörlega eftir uppskriftum Davos glæpaklikunnar og það skeykar þar ekki hársbreydd  Og nun verður undirritað samkomulag við Nato á Norrænu forsætisráðherrunum ..( alla Davos klikuna ) og það verður banabiti Islands ! ??  takk fyrir frábærann pistil ....