Independence Day

Í tilefni dagsins læt ég rasismann ráða ríkjum hér á síðunni. Sem sonur feðraveldisins  finnst mér einhvern veginn sumarið aldrei vera alveg komið fyrr en Sweet home Alabama Where the skies are so blue -Lord I am cominng home to you -hefur verið þrusað á milli eyrnanna og ekki veitir af til að kveða burt kuldann.

Nú til dags er svona lagað náttúrulega ekkert annað en argasti rasismi samkvæmt öllum rétttrúnaðinum, en þar sem sumarið hefur verið frekar svalt og grámyglulegt upp á síðkastið þá læt ég mig dreyma og sól, sumar og blágresið bylgist blíðum í blænum, auk sveitaballanna í þá gömlu og góðu.

Ég vona samt að við eigum ekki eftir að banna íslenska fánann í nafni frelsisins.

 

Athugasemdir

[Símon Pétur frá Hákoti (IP-tala skráð) 4.7.2022 kl. 11:38]

Þar ertu á svipuðum slóðum og ég.  Svo má fljúga í heiðríkju hugans sem Free Bird.

Betra getur það ekki orðið en þetta sumar 1977.  Það lifir, þó haustið yrði þungbært.

[Magnús Sigurðsson, 4.7.2022 kl. 13:58]

Sumrin og sveitaböllin á árunum fyrir 80 eru eru mörkuð óminnishegranum hjá mér, Sumargleðina man ég þó ósvikna. 

Mig minnir að sumarið 77 hafi verði veðurfarslega gott sumar og í fyrra  rifjuðum við vinnufélagarnir í steypunni það upp að ekki hefði komið eins gott sumar síðan 76.

það markaði félagi minn á því að kaffiskúrinn hefði aldrei verið notaður það sumar. Nú er maður orðin svo kröfuharður að maður er farin að óska tveggja frábærra sumra í röð rétt eins og á gullaldarárum sveitaballanna. 

[Helga Kristjánsdóttir, 4.7.2022 kl. 17:07]

Drekk kaffi með einum af fimm sonum mínum,skellti þessu lagi á þegar gall í þeim unga (45ára) Sweett home Alabama. Var nýbúin að láta hann giska í tónlistaratriði Jens Guð.

[Símon Pétur frá Hákoti (IP-tala skráð) 4.7.2022 kl. 19:10]

1976 og 1977 voru frábær ár fyrir Lynyrd Skynyrd

fram að flugslysinu haustið 1977.

Já, og góð ár hér í sumarblíðunni, þá.

[Ásgrímur Hartmannsson, 4.7.2022 kl. 20:29]

Fyrir allra úrkynjaðasta liðið er stærðfræði rasískt fyrirbæri.  Fuck þeir og þeirra krú.

Músík: https://www.youtube.com/watch?v=RvV3nn_de2k

[Magnús Sigurðsson, 4.7.2022 kl. 20:49]

Sweet home Alabama er ósvikið sumar og er sjálfsagt þannig greipt í vitund fleiri kynslóða, sérstaklega eftir Forest Gump.

Það rifjaðist núna upp fyrir mér að sumarið 1977 fór ég með faðir mínum á handfæri frá Borgarfirði-eystra, á Færeying sem sem bar nafnið Múli, var í eigu Lions klúbbsins Múla á Héraði og klúbbmeðlimir réru til fiskjar í fjáröflunarskini fyrir klúbbinn.

Hvorugur vorum við feðgar sjómenn frekar en Héraðsbúar yfir höfuð, en með Múla var Borgfirðingurinn Árni Hannesson þetta sumar og þ.a.l kapteinn í þessum róðri. Það var sól, logn og sumarblíða um allan sjó, austfjarðaþokan lét þó sjá sig af og til, -mokfiskirí.

Þegar við komum í land þá var það fyrsta frétt, sem við heyrðum, að Elvis Presley væri allur. Þess vegna veit ég að þessi róður til fiskjar var í blíðskapar veðri 16. ágúst árið 1977.

Svona getur nú Gúggúl stóri bróðir hresst upp á óminnishegrann á samskiptamiðli á internetinu.

[Bjarni (IP-tala skráð) 5.7.2022 kl. 14:17]

Þetta lag var á sínum samið sem andsvar við lagi Neil Young enda er minnst á Neil Young í laginu.  Nú veit ég ekkert hvaða lag þetta þetta var hjá Neil Young en Sweet home Alabama lifir að eilífu.

[Magnús Sigurðsson, 5.7.2022 kl. 15:40]

Ásgrímur; ég hafði ekki grænan grun um að Sammy Hagar væri til, hann hefði þess vegna allt ein eins getað verið geimfari.

Bjarni; takk fyrir að benda á þetta með Neil Young, ég sé að hann hefur ýjað að vafasamri fortíð suður-ríkjamanna í Souther man, -og fengið ódauðlegt sumar, Sweet home Alabama að launum. Þetta kallar maður að kunna að þakka fyrir sig.