Sauðfé

Nú fara sérfræðingar að sunnan með himinskautum og tala fyrir enn frekari útrýmingu sauðfjár. Sérfræðin á MAST seg­ir að aðgerðir gegn riðuveiki hafi borið mik­inn ár­ang­ur, eftir 40 ára raunverulegt árangursleysi. Nema meiningin sé að útríma íslensku sauðkindinni með öllu.

Í Bændablaðinu fyrir rúmum 2 árum var ágætis samantekt um búsetutölu suðkindarinnar á landinu bláa frá því sautjánhundruð og súrkál. Þar kemur fram að suðafé hefur sennilega aldrei verið færra en nú á fróni síðan í Móðuharðindunum þegar sauðfjár stofninn féll um 80-90%. 

Ef svipuð rökræði væri notuð yfir tölu skaðmenntaðra möppudýra yrði sennilega um rúmlega ranghverfa tölfræði að ræða. Suðfé á Íslandi var við upphaf riðuskurðarins fyrir rúmum 40 árum síðan hátt í 900.000 er nú um 300.000, -og hæpið að svo sé akkúrat í dag.

Ef meiningin var að gera sauðkindina að safngrip og koma heilu byggðarlögunum í auðn og kolefnisjafnaða hamfaraórækt ,lyfta um leið undir með kjötinnflutningi þeirra sem eru svo flinkir að panta, þá má kannski segja að skaðmenntaður niðurskurðurinn hafi borðið mikinn árangur.

Samantekt Bandablaðsins má sjá hér

200 þúsund kindur verið felldar vegna riðu síðustu 40 ár

Athugasemdir

[Guðjón E. Hreinberg, 1.11.2023 kl. 21:14]

Þegar ég verð flúinn til Rússlands, vonast ég til að fá leyfi hjá Pútín til að flytja til min fjórar gimbrar og tvær kvígur; svo sauðkindin og kýrin okkar, þær munu hafa þetta af.

Ég mun láta fylgja tilmæli til mongólskra erfingja minna, að Íslendingar fái seld afkvæmi á fæti, einhverntíma á næstu öld, þegar Menntagripirnir verða teknir úr ríkisrækt og landsmenn fá aftur að viðhafa landbúnað.

[Magnús Sigurðsson, 2.11.2023 kl. 06:21]

Góð athugasemd Guðjón, -hefði helst viljað leifa henni að standa ótruflaðri sem lengst.

Minnstu ekki á íslensku kúna ógrátandi. En má samt ekki reikna með því að þetta reddist allt á síðustu stundu?

Sovéska ráðstjórnin var hrunin nokkru áður en menn áttuðu sig á því, og fáviskufabrikkurnar eru fallnar í sódómískan masókisma, þó svo fasistafabrikkna hangi eitthvað lengur saman á lyginni, eins og hundur á roði.

Verðum við ekki að trúa að á landinu bláa verið eftir lítil gimbur, lambhrútur og eitt lítið blóm. Það er aftur á móti verra með þjóðina hún virðist vera farin veg allrar veraldar.

[Húsari. (IP-tala skráð) 2.11.2023 kl. 14:33]

Sæll Magnús.

Hringdi eina langa og tvær stuttar til Friðriks, vinar míns,
á Fannbarði í Fljótum.

Hann er með 10 metanbombur í fjósi og 200 fjár.

Hann segir að skv. Evrópureglum þá muni íslenska sauðkindin falla
undir villidýralöggjöfina og teljast írsk að ætterni og búsetu í haust

Næsta sumar mun ný búgrein líta dagsins ljós þar sem breskir 
landeigendur á Íslandi munu útdeila fjárskoti ómældu eða skotleyfi á sauðkindina á öllum afréttum á Íslandi.

Friðrik sagði mér að lokum að hann hygðist stofna hljóðblogg
á Moggablogginu innan skamms og myndu allir er þar vildu tjá
sig gera það á eigin ábyrgð og hljóðum.

Hann furðaði sig mjög á því framtaksleysi að enginn skuli
hafa stofnað slíkt blogg miðað við einfaldleikann að allri uppsetningu.

[Magnús Sigurðsson, 2.11.2023 kl. 15:50]

Gott að heyra Húsari, -að einhver hafi hugsað sér að bregðast við ágangs fé með öðru en lotningunni, -eða þannig.

En Friðrik Fannbarði þarf ekki að furða sig á öllu framtaksleysinu, því það þarf engin að furða sig lengur á fólki sem hefur ekki framtak til að verja sig sjálft.

Hefur jafnvel kosið sér lögfræðing úr garðabænum sem málsvara. Rétt eins og þegar strandveiðimenn fengu þann klára til að tala sínum rómi yfir 63 þorskhausum við Austurvöll.

Trúverðugt eða hitt þá heldur, -þetta hefur haft í för með sér ómældan árangur og má varla vænta meir af mykjudreifara, svo ekki séu nú höfð fleiri orð um blessuð óargadýrin.

-Blessuð sé minning sauðkindarinnar á landinu bláa.

[Guðjón E. Hreinberg, 2.11.2023 kl. 16:41]

Bestu kveðjur og takk fyrir að svara. Ég hef reynt í mörg ár þá list að birta þaðm sem á ensku heitir "self defeating prophecy" í góðri trú, en þeir halda áfram að rætast og versna ... svo líklega verð ég að snúa þeim upp í andstöðu sína ...

[Magnús Sigurðsson, 2.11.2023 kl. 17:20]

Það er ekki ólíklegt Guðjón, -en víst er að svoleiðis spegúleringar viðsnúnar eru varla trúverðugar.

Það er ekki alltaf tekið út með sældina að sjá nefi sínu lengra, og ekkert út úr því að hafa að opinbera það, -sem er auðvitað af hinu góða.

Þetta með afdrif sauðkindarinnar hefur verið fyrir framan nefið á hverju mannsbarni í áratugi, þó svo að flestir þykist ekkert sjá nema ágangsfé.

Fólk á eftir að sakna íslensku sauðkindarinnar og litlu lambanna, allavega á vorin, -í allri hamfaraóræktinni.

[Húsari. (IP-tala skráð) 2.11.2023 kl. 23:47]

Sæll Magnús.

Það hefur víst lítið breyst frá því Þorgeir Hávarsson
sló ágangspening í rot eins og frá er greint
í Fóstbræðrasögu.

Fóstbræðrasaga er sennilega fegursta listaverk sem hefur litið
dagsins ljós á Íslandi.

Svo fínlega eru þræðir snúnir og svo áreynslulaust með öllu
gengur þessi saga fyrir sig að mér verður margsinnis til þess
hugsað að kona hafi samið þetta stórkostlega verk, - orðið kona
vissulega og engum vafa undirorpið eins og menn hafa hvað
lengst borið gæfu til að skilja og upplifa við nær hvert fótmál
í tilveru sinni og draumum.

[Magnús Sigurðsson, 3.11.2023 kl. 06:04]

Satt er það Húsari, -suðkindin liggur vel við höggi þessi árin þó svo að hún hafi verið mikilvægasti innviður þjóðarinnar í gegnum aldirnar, eins og í móð er að nefna þarfaþing nú á tímum.

Það er ekki vafi á að konur eins og við köllum þær, hafa haft miklu meira um íslendingasögurnar að segja en menn vilja vera láta. En það er helvíti hart að þær skuli ekki halda hlífðarskyldi yfir sauðkindinni á meðan þessi innviður liggur svo vel við höggi fábjána sem telja sig flinka að panta og flytja inn.

Annars skilst mér að sendiherra dóttirin hafi komist að því í gær að þarna sé ekki um mannanna verk að ræða heldur reglugerðarinnar hvernig þessi innviður þjóðarinnar hefur verið brytjaður niður gróðaöflunum til dýrðar í nafni matvælaöryggis.

[Húsari. (IP-tala skráð) 5.11.2023 kl. 10:34]

Sæll Magnús.

Til eru þeir bjöllusauðir sem telja út úr Íslendingasögunum
konur og karla sem þar koma við sögu sem úr gripahúsi!

Vitanlega hafa flestir séð að svo einfalt er það ekki.

Ég held staðfastlega að markaðsöfl hverskonar lúti í gras
fyrir auðkindinni.

Og ég tek undir með þér og Páli Vilhjálmssyni að kynin eru tvö.

Fróðlegt er að bera saman viðbrögð nú, þó í nokkru ólíkt sé,
því tilfinningalega uppnámi/gosi sem nú hefur orðið og
viðbrögð við minnispeningi sem sleginn var í tilefni Alþingishátíðarinnar 1930.

Hér er slóðin að peningi þessum: (eins gott að birta ekki þennan fjanda)

Kynni að vera fróðlegt að greina kyn og hversu margir eru þar komnir!

[Húsari. (IP-tala skráð) 5.11.2023 kl. 10:40]

Sæll Magnús.

sauðkindinni skyldi standa þar þó hið síðara gæti átt allt eins við
er fram líða stundir.

Og hérna er svo slóðin:

https://i.ebayimg.com/images/g/wtcAAOSwTglYk5X3/s-l960.jpg

[Magnús Sigurðsson, 5.11.2023 kl. 18:39]

Ja hérna hér Húsari góður, -við skulum halda þessu myndmáli algerlega innan  dulmálstextans, því af myndinni verður ekki betur séð en alþingishátíðin 1930 hafi verið haldin af Sódómu sjálfri.