Með kostulegri kveðju

Á meðan himnarnir hrynja

yfir þá heimilislausu

stend ég keikur í dyrunum

og öskra út í tíðarandann

 

Haldið kjafti snúið skafti

étið skít heima hjá ykkur

óþjóða hryðjuverkalýður

– og skelli hurðinni

 

Geng inn og sest

við upplýstan skjáinn

-innbyrði sannleika heimsins

í postulegri kveðju Morgunnblaðsins

Leyfislaus söfnun fyrir Palestínu

Athugasemdir

[Jóhann Elíasson, 2.3.2024 kl. 10:08]

Og í ofanálag er "SÖFNUNARFÉNU" ráðstafað LÖGLEGA OG FER Í AÐ FJÁRMAGNA HRYÐJUVERK, já það  verðu ekki á þetta lið logið.......

[Magnús Sigurðsson, 2.3.2024 kl. 10:40]

Góðan daginn Jóhann, -það er hæpið að kalla það hryðjuverk að bjarga konum og börnum undan stríðsátökum, hvað þá ástandinu á Gasa. Enda held ég að fáir hafi uppi þann málatilbúnað.

[Jóhann Elíasson, 2.3.2024 kl. 10:56]

Ekki erum við alveg sammála þarna Magnús (lög eru jú lög og þau eru ekki alltaf réttlát), Hamas eru skilgreind hryðjuverkasamtök og "lausnargjaldið" fyrir vegna fólksins frá Gaza rennur beint til þeirra.  Hvernig skyldi standa á því að enginn nefnir á annað  hundrað gísla, sem eru í haldi Hamas??????

[Jónatan Karlsson, 2.3.2024 kl. 10:56]

Sæll Magnús.

Það er eiginlega grátbroslegt að Jóhann taki þetta frábæra og beinskeytta ádeiluljóð þitt í sinn garð.

[Birgir Guðjónsson (IP-tala skráð) 2.3.2024 kl. 10:59]

Fer ekki Króna í matarkaup af þessari söfnum !

[Magnús Sigurðsson, 2.3.2024 kl. 11:19]

Jóhann; ertu að mæla með því að  verði safnað fé til lausnar gísla Hamas? Ég tek undir með þér ef svo er, þarft ef það yrði til að bjarga því fólki.

Jónatan; við Jóhann höfum áður rætt það sem við blasir og erum ekki alveg sammála.

Birgir; mér skilst að þessu söfnun fari í að ná fólki út af Gasa, sem á möguleika á að koma til Íslands á grundvelli fjölskyldusameiningar, og varla verður það fólk nýtur aðstoðar látið svelta á leiðinni til landsins.

Við getum svo hver um sig haft okkar meiningar hvort gengið hefur verið of langt hvað hælisleitendur varðar. Og hvort það að undirgangast alþjóðlega sáttmála sé okkur ofraun, -fyrir mitt leiti svara ég því til að svo sé og ekki sé annað í stöðunni en að Íslendingar segi sig frá Schengen og EES.

[Arnar (IP-tala skráð) 2.3.2024 kl. 12:10]

Jóhann Elíasson

Hvað myndir þú gera ef þín börn eða barnabörn væru eitt af gíslum Hamas.... 

Myndir þú ekki greiða til að fá það laust ef það er það sem þarf?

Eða væri þér kannski bara alveg sama?

[Guðjón E. Hreinberg, 2.3.2024 kl. 12:17]

Dýrt kveðið.

Langar að bæta við: Siðferðisvitund "Íslendinga" birtist best á því að þegar tjaldað var á helgum reit Fjölnismanna, vældi öll þjóðin frá elítu til almennings, yfir tjaldinu. Á meðan "vinir" þeirra í Miðausturlöndum drápu með sprengjum og fallbyssum allt að 30.000 mæður og börn.

[Jóhann Elíasson, 2.3.2024 kl. 12:27]

Arnar,ég veit það ekki og ég er ekki mikið fyrir að svar svona "ef og hefði" spurningum og að  mínum dómi ber svoleiðis málflutningur í besta falli vott um að viðkomandi "gangi ekki alveg á öllum"....

[Hörður Þormar (IP-tala skráð) 2.3.2024 kl. 14:10]

Hvers vegna geta nágrannar og bræður í auðugustu olíuríkjum heims ekki gert eitthvað til hjálpar þessu vesalings fólki í nauð? Eiga þeir ekkert aflögu? Þarf fólk úti á hjara veraldar að gera það?                              Reyndar munu þrír leiðtogar Hamas búa í Katar og væsir víst ekki um þá.   

[Magnús Sigurðsson, 2.3.2024 kl. 14:29]

Arnar; ég verð að segja það alveg eins og er að mér finnst spurningin til Jóhanns ekki sanngjörn. Ég á ekki von á öðru en hann myndi gera allt fyrir sína, sem í hans valdi stæði í þannig stöðu, -rétt eins og við.

Það er ekki svo að ég sé að akítera fyrir fjársöfnun á Íslandi í þessu sambandi, á hvorn veginn sem er, -gíslar Hamas eða stríðshrjáðir Gasabúar. En mér finnst íslensk stjórnvöld mættu standa sig betur.

Og mér finnst klént af Morgunnblaðinu að hefja umræðu um lögmæti þessarar söfnunar með hálfkveðnum vísum, bera fyrir sig reglugerð um opinberar fjársafnanir.

Það verður ekki bæði sleppt og haldið með landið galopið og það er forsjá íslenskra stjórnvalda. Það verður að hafa það þó svo að við verðum fyrir töfum til Tene með því að verja okkar sjálf.

Guðjón; já þetta er dýrt kveðið. Og ég tók eftir að það hreyfði við mörgum þegar mótmælatjaldið var á Austurvelli, enda varðaði það víst við lög.

En það er samt nýtt fyrir mér að Austurvöllur sé sá helgi reitur þjóðarinnar, sem ekki má mótmæla manndrápum á, vegna þess að þar standi stytta af þeim sem sagði; vér mótmælum allir.

[Magnús Sigurðsson, 2.3.2024 kl. 14:39]

Hörður; nú ætla ég að segja alveg eins og er, þvælan í þér er varla svaraverð, -allavega ætla ég ekki að reyna.

[Sigurður Kristján Hjaltested, 2.3.2024 kl. 15:11]

Frábært ljóð hjá þér Magnús.

En því miður er það nú svo að það er alltaf almenningur sem þjáist mest í hvaða stríði sem er. En gleymum ekki hverjir byrjuðu, vitandi hvernig brugðist yrði við. HAMAS. Nákvæmlega sama um sitt fólk. Frakkar vissu alveg að þegar þjóðverjarnir voru við bæjarþröskuldin á París, gáfust þeir upp í staðinn fyrir að láta eyða borginni ásamt þúsunda af fólki. HAMAS mætti taka þá til fyrirmyndar. Annað var með Berlín. Þeir ólánsömu íbúar þar, máttu sætta sig við það að borgin var jöfnuð við jörðu ásamt þúsund íbúum þess vegna þess að nasistarnir neituð að gefast upp. Það var ekki fyrr en Hitler skaut sig sem þeir gerðu það. Allir voru sammála um það að ganga frá nasistunum sama hvað það kostaði. Enginn mótmælti fyrir hönd þeirra þusunda sem þar létust. Það varð að fara alla leið til að sigur ynnist. Sama er að gerast á Gasa í dag.HAMAS þarf að uppræta annars verður ALDREI friður í Palestínu.

Styð frjálsa Palestínu. En allur stuðningur í dag, sama í hvaða formi, er stuðningur við HAMAS. Palestína verður frjáls þegar þeir eru ekki lengur tilstaðar. Sorglegt en satt.

Afsakaðu Magnús, þetta átti nú að vera stutt en endaði svolítið langt.

[Magnús Sigurðsson, 2.3.2024 kl. 15:37]

Sigurður; ég er ekki að mæra Hamas svo því sé haldið til haga. Ef á að einblína á þann sem byrjaði endar þetta með með  þjóðarmorði í beinni.

Þetta fólk sem nú eigrar innan um rústirnar í Gasa hefur engin vopn til að leggja niður.

[Sigurður Kristján Hjaltested, 2.3.2024 kl. 16:14]

Ég gerði mér alveg grein fyrir því Magnús.

Hinsvegar finnst mér alltaf merkilegt að trúbræður þessa fólks í Egyptalandi skuli sitja hjá og opna ekki landamærin svo fólkið geti komist í skjól. Frekar velja þeir þann kost að horfa aðgerðarlausir á drápinn. Það á líka við um Jórdaníu og Lebanon þó svo landamæri þeirra liggji ekki að Gasa

Maður skliur ekki svona geðveiki sem þetta er orðið.

Algjör viðbjóður á alla vegu.

[Magnús Sigurðsson, 2.3.2024 kl. 16:37]

Það er satt Sigurður, -maður skilur ekki svona geðveiki sem þetta er orðið. 

Þetta er þvæla full mannvonsku og ekki ætla ég mér að reyna að skilja rök sem að baki liggja.

[Hörður Þormar (IP-tala skráð) 2.3.2024 kl. 18:16]

Magnús? Æ,æ, var þvælan í mér að gera þig "kjaftstopp"? Ég ætla þó að halda áfram að þvæla.

Það er ekki við því að búast að þú eða ég getum svarað því hverjir styrkja Hamassamtökin. Eitthvað hlýtur t.d. að hafa kostað að grafa hundruð km löng jarðgöng auk annara neðanjarðarbyrgja sem Hamasliðar einir hafa aðgang að. Almenningur, konur og börn, á sér þar ekkert athvarf.

Hver hefur kostað þessa mannvirkjzagerð? Varla hafa það verið Katarar sem þurftu að greiða farandverkafólki frá Bangladesh og Shrilanka "fúlgur fjár" vegna undirbúnings fyrir HM o.fl. Og þó? En getur verið að alþjóðlegt fé hjálparsamtaka, m.a. frá Íslandi, hafi líka verið notað til hennar?

Kannski veltir þú slíku ekki fyrir þér, það kemur þér líklega ekkert við.

[Guðjón E. Hreinberg, 2.3.2024 kl. 18:23]

Á Austurvelli er stytta af Dönskum stjórnmálamanni frá nítjándu öld, sem var formaður Fjölnismanna (sem afskræmdu og rændu Íslenskri ríkissmiðju árin 1874 til 1920); sem Bjarni Benediktsson kjörsonur Íslenskra Quislínga nefnir Helgan reit Íslendinga.

;) bestu kveðjur.

[Magnús Sigurðsson, 2.3.2024 kl. 18:57]

Hörður; ég er bara kominn á þann aldur að svona þvæla gerir mig orðlausan þegar verið er að murka lífið úr saklausum börnum.

Guðjón; mér kom það nú svo sem til hugar að Fróðárhirðin hefði nýlega lýst Austurvöll heilagan, en ég er ekki viss um að Jóni Sigurssyni hefði komið til hugar að lýsa hann svona heilagan.

[Þorsteinn Siglaugsson, 3.3.2024 kl. 20:48]

Takk fyrir þetta góða innlegg í umræðuna Magnús. Þetta útspil Morgunblaðsins verður í minnum haft sem hámark lágkúrunnar. Mér finnst raunar ömurlegt að sjá hversu margt fólk, sem maður hélt að væri góðir og velviljaðir einstaklingar er nú heltekið af mannhatri og rasisma. Það sannast enn og aftur hvernig sagan endurtekur sig. Það er nefnilega einmitt þannig fólk, góðir og gegnir borgarar sem engum vilja illt, sem eru söguhetjur Miltons Mayer í bókinni They Thought They Were Free - 10 sannfærðir nasistar sem lokuðu augunum þegar nágrönnum þeirra og vinum var smalað í útrýmingarbúðir.