Guð blessi Ísland - Mikið var.

Mikið var að hjarta mitt slær með forystumanni þjóðarinnar.  Það hefur ekki gerst síðan Geir bað Guð um að blessa Ísland.

Vonandi merkir þetta það að Jóhanna ætlar að láta hagsmuni þjóðarinnar ganga fyrir.  Setja Ísland í fyrsta sæti og láta AGS, ESB og icesave mæta afgangi.  Þá er ég viss um að hún mun hafa þjóðina á bak við sig.

Jóhanna: Þolinmæðin á þrotum

Athugasemdir

[Magnús Sigurðsson, 29.9.2009 kl. 15:15]

Nú var ég einum of bjartsýnn, hélt að þolinmæði Jóhönnu væru á þrotum gagnvart ASG og hún ætlaði að leiða landa sína áfram veginn.  En nú virðist sem þolinmæði Jóhönnu sé á þrotum gagnvart eigin þjóð. 

Það er því sama spurningin komin uppi og hjá ríkisstjórn Geirs Haarde.  Verður ríkisstjórn Jóhönnu að skipta um þjóð eða þjóðin að skipta um ríkisstjórn?

[Snjólaug A. Sigurfinnsdóttir, 29.9.2009 kl. 15:54]

Það er málið Magnús maður veit ekki hvað snýr orðið upp eða niður, út eða suður. 

[Magnús Sigurðsson, 29.9.2009 kl. 16:50]

Snjólaug;  það er víst rétt hjá þér.  Ég hafði ekki hugmyndflug í að Jóhanna ætti við að hún væri að missa þolinmæðina gagnvart Alþingi en svo virðist vera og þá er hún væntanlega algerlega búin að missa þolinmæðina gagnvart þjóðinni því meirihluti hennar var ekki tilbúin í icesave, hvorki með eða án fyrirvara. 

En svona getur maður verið ringlaður þegar þolinmæði Jóhönnu þverr á hún við þjóðina en ekki fjármagnseigendur.  Þegar Guð er beðin um að blessa Ísland þá er átt við fjármagnið.  Því miður virðast stjórnmálamenn vera í vindmillubardaga við að bjarga eigin skinni.

[Magnús Sigurðsson, 30.9.2009 kl. 12:59]

Nú þegar Ögmundur hefur sagt af sér sem ráðherra er það að koma í ljós að ég hef algerlega misskilið gagnvart hverju Jóhanna er að missa þolinmæðina.  Hún er að missa þolinmæðina gagnvart íslendingum sem eru á annarri skoðun en hún í icesave málinu.  Hún virðist því hafa meiri samúð með málstað Breta og Hollendinga en sinna eigin landa.