13.11.2009 | 10:14
Fjármálalæsi.
Þeir eru sennilega margir sem undrast á ríkidæmi landans í miðri kreppu. Þegar verið er að vitna til peningalegra eigna samkvæmt skattasýslum er í raun verið að skoða það sem var, ekki veruleikann eins og hann er. Það sem kemur fram á skatta skýrslum þarf ekki að þýða að fólk vaði í peningum. Peningar eru í raun ekki annað en þekking. Það er hverjum og einum nauðsyn að gera sér skýra grein fyrir því hvernig kerfi virkar þar sem peningar verða til fyrir skuldir því þar geta eignir orðið að skuldum á svipstundu.
Virkni peningakerfisins má lýsa í sinni einföldustu mynd eitthvað á þennan veg, segja sem svo að þú eigir 100 þús og leggir inn í banka, bankinn skuldar þér þar með þessa upphæð og lofar þér að endurgreiða hana með 5% vöxtum, þ.e.105 þús eftir ár. Bankinn hefur hins vegar heimild til að lána þessi 100 þús allt að 12 sinnum á sama tíma (bindiskylda ísl. banka var um 8%). Þar sem útlánsvextir eru alltaf hærri en innlánsvextir þá má hugsa sér vexti bankans 10%. Bankinn er því búin að hafa rúm 1.200 þús út á 100 þús þín á sama tíma og hann endurgreiðir þér 100 þús ásamt 5 þús í vexti. Þetta gerir það að verkum að 100 þús krónurnar þínar eru í raun orðnar verðminni eftir að þú ávaxtaðir þær hjá bankanum. Það gerist í gegnum verðbólguna sem bankinn skapar með því að stórauka peningamagn í umferð, það sem gerir það að 100 þús þín eru ekki því sem næst verðlaus, eftir að þú fékkst bankann til að ávaxta þau fyrir þig, er hve mikið af umframmagni peninga er ónotað eða með öðrum orðum í veltu bankans.
Það má í raun líkja þessu við að þú lánir kunningja þínum 75 cl. flösku af 100% spíra, hann blandar hana niður með vatni en selur hann frá sér til nokkurra valinna kunningja sinna sem vodka. Allir vita þeir að þeir eru með það sterkt áfengi og að í lagi er að blanda það meira niður til neyslu og áframselja það sem bragðbætta vodka blöndu. Þetta getur allt gengið þangað til einhverjum dettur í hug að halda veislu og ætlar að grípa til flösku í þeirri trú að um spíra sé að ræða. Þá kemur í ljós að innihaldið er að mestu vatnsglundur með álíka styrkleika og bjór. Það var því kunningi þinn og kunningjar hans sem höfðu mest út úr spíranum þínum og þú situr jafnvel uppi með flösku af vatnsglundri sem þú hélst að væri næstum lítir af spíra.
Það sem skiptir öllu máli í þessari útþynningu peninga sem verða til í formi skulda, er hvar þú ert í röðinni. Hvað þín fjármál varðar, hafðu þig fremstan.
Hugleiddu því vel hvernig þú ráðstafar verðmætum þínum sem urðu til vegna þekkingar þinnar og vinnu, sem síðan getur umbreyst í peninga sem eru í raun arfleiður sem urðu til fyrir gullgerðarlist í formi skulda. Leitastu við að láta þær skapa þér tekjuflæði, láttu þá vina fyrir þig. Langtímasparnaður er yfirleitt ekki annað en söfnunarárátta og sóun á þínum fjármunum.
Þeir eru ekki til sem hafa riðið feitum hesti frá fjárfestingu í langtíma sparnaði á bankabókum, verðbólgan hefur séð til þess og það þrátt fyrir hina frábæru sér íslensku verðtryggingu. Sama gildir um fjárbindingu í lífeyrissparnaði sem er yfirleitt ávaxtaður á hlutabréfamarkaði. Fárfesting á þeim markaði er eins og fjárhættuspil þú tapar örugglega ef þú ert þar nógu lengi. Póker og gjaldmiðlabrask gefa jafnvel betri ávöxtun því þar eru markmiðin skýr, fjárfestingin stutt og þar sérð þú á eitthvað af spilunum en á hlutabréfamarkaði hafa innherjar algjört forskot eins og dæmin hafa margsannað.
Fjármálafyrirtæki og sjóðir hafa í gegnum tíðina boðið fólki gulltryggar sparnaðarleiðir til lengri tíma og hafa sýnt allskyns meðaltöl yfir ákveði tímabil aftur í tímann um væntanlegar hækkanir framtíðarinnar. Það að treysta á að eitthvað hækki bara við það að þú fjárfestir í því og ætla öðrum um ráðstöfunina, er stórvarasamt. Markaðir fara upp og niður, það ráðstafar eingin eins vel peningum eins og sá sem ætlar sér að njóta ávaxtanna. Það væru margt fólk í öðrum sporum í dag hefði spá fjármálafyrirtækjanna gengið eftir. En í stað þess situr margir uppi með stökkbreyttar skuldir og glatað sparifé. Ef þú lætur þér detta í hug að fjármálakerfið ætli að deila byrðunum með þér gegn því að þú treystir því áfram fyrir þinni velferð verður þú einfaldlega í enn verri málum í framtíðinni.
Það er einn sérstakur veikleiki sem gerir áróðursmeisturum kleift að draga fólkið endalaust á asnaeyrunum. Fólk almennt hefur tilhneigingu til þess að trúa stórlygum. "Bankakerfið stendur traustum fótum" ... "Íslenska lífeyrissjóðakerfið er það besta í heimi." ... "Kaupið hlutabréf því nýtt blómaskeið er í uppsiglingu." Dæmin eru endalaus.
Hitler sagði; einfaldleiki fólksins gerir það frekar að fórnarlömbum stórlygi heldur en smálygi, vegna þess að það sjálft lýgur stundum um smáatriði, en myndi skammast sín fyrir að grípa til meiri háttar blekkinga. Það hvarflar aldrei að því að bera risalygar á borð fyrir aðra og það trúir því ekki að aðrir sýni slíka ósvífni. Jafnvel þótt staðreyndir málsins bendi augljóslega til þess að sú sé raunin, þá fyllist það efasemdum og heldur áfram að trúa að það sé einhver önnur skýring á málinu.
Hérna er skemmtileg saga um bréfaklemmu sem vað að einbýlishúsi með hugkvæmninni einni saman.
http://www.youtube.com/watch?v=BE8b02EdZvw&feature=player_embedded
|
Þær ríkustu skera sig úr |
| Tilkynna um óviðeigandi tengingu við frétt | |
RSS
Athugasemdir
Klanið burt.
Íslendingar, í dag föstudag 13.11.2009, kl 12:00 tökum við mótmælastöðu fyrir utan Félagsmálaráðuneytið Tryggvagötu, Hafnarhúsinu. Mætum öll.
Klanið burtSveinbjörn Ragnar Árnason, 13.11.2009 kl. 10:48
Jæja það er bara svona, fjölpóstur með fallegri mynd frá Norðfirði.
Ég ætlaði reyndar reyndar að vekja athyggli á videoinu um litlu rauðu bréfaklemmuna sem vað að einbýlishúsi fyrir hugvit og þjónustulund ungs manns.
Magnús Sigurðsson, 13.11.2009 kl. 11:03
Nú í morgun var það gefið út að 1% íslendinga á 13% eignanna.
Hér er þetta myndrænt, í frekar hlutdrægri uppsetning reyndar en prósenturnar eru réttar.
http://www.youtube.com/watch?v=D9OWeDAewYM
Úr grein Stefáns Ólafssonar prófessors er hér tafla sem sýnir þróunina eftir launaflokkum
Tafla 1. Þróun atvinnutekna. Meðaltekjur í tekjutíundarhópum og vöxtur frá 1996 til 2004.
Tekjuhópar
(tíundir - deciles):Öflugar tölur og vel greinilegur munur er það ekki?
Og svo að lokum Arnaldur Sölvi með mjög fína skyggnilýsingu um þessa þróun og meira að segja skoðanir okkar á henni og hvað liggur til grundvallar.
http://www.ts.hi.is/Arnaldur%20Solvi%20-%20Thjodarspegill.ppt#263,7,Viðhorf til hins opinbera og til tekjujöfnunar
Svo verðum við virkilega að spyrja okkur hvað verður eiginlega til í bönkum? Ekki nokkur skapaður hlutur, bankar framleiða ekki nokkurn skapaðann hlut.
Einhver Ágúst, 13.11.2009 kl. 12:23
Águst; þakka þér fyrir upplýsingarnar. Enn og aftur ætla ég að vekja athygli á vídeóinu um það hvernig hugvit manna skapar verðmæti.
Þú segir; "Svo verðum við virkilega að spyrja okkur hvað verður eiginlega til í bönkum? Ekki nokkur skapaður hlutur, bankar framleiða ekki nokkurn skapaðann hlut".
Þetta er ekki allskostar rétt hjá þér. Svarið er bankarnir framleiða skuldir og skuldir eru peningar dagsins í dag. Það er t.d. verið að endurreisa íslenska bankakerfið með stökkbreyttum skuldum heimilanna sem urðu tl í þessum sömu gjaldþrota bönkum.
Magnús Sigurðsson, 13.11.2009 kl. 12:37
Einmitt, og það getur ekki gengið lengur að mannlegum verum sé gefið vald til að skapa "ekkert" sem síðan stökkbreytist í svarthol sem almenningur sogast svo ofaní reglulega, það að búa til skuldir er ekkert, engin sköpun.
Það verða engin raunveruleg verðmæti til og menn svindla, allaveganna flestir sem ég þekki ef þeir komast í rétta aðstöðu.
Þetta kerfi er úr sér gengið og ósanngjarnt.
Einhver Ágúst, 13.11.2009 kl. 12:58
Sammála þér Ágúst, það er verið að spila með fólk. Það hefur þegar ráðstafað vinnusinni og hugkvæmni fram í tímann í skiptum fyrir skuldir, því er það svo mikilvægt að ráðstafa skuldunum okkur í hag. Það sem fer verst með okkur er að taka án til að spara og treysta fjármálakerfinu fyrir öllu saman.
Þessi í videoinu komst hjá þessu sístemi með því að þjónusta fólk af alúð og endaði á því að hafa skipt á lítilli bréfaklemmu og einbýlishúsi án milligöngu banka.
Magnús Sigurðsson, 13.11.2009 kl. 13:07
Nefnilega!! Lykillinn er sá að hvert og eitt okkar sjái og líti á starf sitt sem þjónustu, þjónustu við landsmenn háa og lága, unga sem aldna og heyrnarlausa sem heyrandi.
Þjónustu við samstarfsmenn og innri sem ytri viðskiptavini. Þannig verður vinna bæði skemmtilegri og arðbærari.
En vandræðin byrja þegar við förum að kalla okkur sérfræðinga, framkvæmdarstjóra og slíka titla.
Einhver Ágúst, 13.11.2009 kl. 14:00
Sæll Magnús,
Þetta snýst ekki lengur um peninga. Það er hárrétt að bankarnir framleiða aðeins skuldir, og því eigum við ansi góða leið til þess að snúa á þá. Hætta að stofna til nýrra skulda.
Bankarnir þurfa alvöru peninginn okkar til þess að geta framleitt þessar skuldir og því eigum við að taka peninginn út, og eiga ekki viðskipti við banka nema þess þurfi nauðsynlega. Við þurfum ekki debit og kredit kort, þau eru bara þægileg. Við þurfum ekki banka, nema til að þjónusta okkur þegar við viljum.
Skora á alla að kynna sér hvernig nýtt líf hefst hjá þeim sjálfum. Hættu að bíða, gerðu!!
Haukur Baukur, 13.11.2009 kl. 15:00
Ágúst; sammála þetta er málið, "Lykillinn er sá að hvert og eitt okkar sjái og líti á starf sitt sem þjónustu, þjónustu við landsmenn háa og lága, unga sem aldna og heyrnarlausa sem heyrandi". Þetta er einmitt það sem sá með litlu rauðu bréfaklemmuna gerði.
"En vandræðin byrja þegar við förum að kalla okkur sérfræðinga, framkvæmdarstjóra og slíka titla" af því gefnu að við ætlum að græða á þjónustulund annarra.
Magnús Sigurðsson, 13.11.2009 kl. 15:55
Skuldlaus;hárrétt hjá þér. Verum því vel vakandi með að sem við gerum við skuldirnar, ef við stofnum til þeirra gerum það þá með það fyrir augum að það skapi okkur innkomu, svipaða og í spilinu Mattador, ef við eignumst lóð og hús þá ber ekki að horfa á eignina sem fjárfestingu eða sparnað. Þess í stað hvaða tekjur gefur eignin því hún er einskis virði öðruvðísi.
Strákurinn með bréfaklemmuna hugsaði ávalt hvernig hann gæti veitt öðrum þjónustu í sínum viðskiptum þess vegna vað bréfaklemman að húsi án þess að króna kæmi til með milligöngu banka.
Þetta er sat hjá þér með kredit kort þau geta verið góða skuldir meðan ekki kemur til vanskila og vaxta. Ég mæli með kreditkorti, bréfaklemmu og óþrjótandi þjónustulund sem leið út úr kreppunni. Það gerir lífið svo miklu skemmtilegra.
Magnús Sigurðsson, 13.11.2009 kl. 16:06
Skuldlaus; "Skora á alla að kynna sér hvernig nýtt líf hefst hjá þeim sjálfum. Hættu að bíða, gerðu!!" Tek heilshugar undir þetta, það er langt síðan ég ákvað að geyma ekki mitt í banka heldur láta mitt hugmyndaflug og vinnu skapa mér tekjur.
Hérna er ágæt skýring á því hvers vegna peningar eru skuldir.
http://www.youtube.com/watch?v=ALymGxpyi6M&feature=related
Magnús Sigurðsson, 13.11.2009 kl. 17:12
Takk Magnús,
fyrir skemmtilegan link, og fyrir ætíð góð blogg.
Haukur Baukur, 13.11.2009 kl. 19:33
Haugurinn; þakka hólið. Mæli með þessu hér fyrir þá sem þurfa fjármálaráðgjöf sem virkar.
Magnús Sigurðsson, 13.11.2009 kl. 21:32
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.