Að skora á vinsældarlistanum.

Með breytingum á skattlagningu arðgreiðslna einkahlutafélaga ætlar ríkisstjórnin að skora stig í vinsældum.  Þetta mun virka til vinsælda hjá þeim sem ekki skilja eðli rekstrar og hvernig hann er skattlagður hjá einkahlutafélögum.   Flestar fréttir af einkahlutafélögum, undanfarna mánuði, hafa verið tengdar kúlulánum og öðru gjörningum sem ekkert á skylt við rekstur.  Þetta mun því aðeins draga máttinn úr nýsköpun, frumkvæði og sjálfstæðum atvinnurekstri.  En svona trixum er ætlað að skora hjá launþegum sem eru að stórum hluta hjá ríkinu eða fyrirtækjum sem eru rekin á ábyrgð ríkisins í gegnum bankana.

 

Skattayfirvöld hafa alltaf skattlagt eigendur einkahlutafélaga í atvinnurekstri á sambærilegan hátt og launþega.  Þetta hefur verið gert með reiknuðu endurgjaldi sem er t.d. hjá sjálfstætt starfandi iðnaðarmanni af launum upp á kr.276.000 á mán, hjá sérfræðingi sem stýrir rekstri af launum upp á kr.725.000 á mán..  Af þessum tekjum verður að greiða  36% skatt af áður en  má taka út arð af hagnaði félagsins sem er skattlagt 18% + 10% fjármagntekjur af arðinum alls 28%.  Þannig að ekki hefur munurinn verið stór og varla þess virði að taka áhættu af rekstri.  Öruggara hefur verið að planta sér á launskrá þess opinbera.  Reglur um reiknað endurgjald 2009 má sjá hér.

 

Ríkið mun því með þessari breytingu á skattlagningu grípa í meira en tómt.   Það sama á við hækkunina á fjármagnstekjuskattinum hún mun hitta þá fyrir sem síst skyldi, ellilífeyrisþega og heimili í vanda sem reyna að drýgja tekjur sínar með húsaleigu.  Þessar breytingar hefðu skilað tekjum í ríkiskassann 2007 en í dag munu þær sennilega minka tekjuflæðið í hann.  Þau einkahlutafélög sem voru í raunverulegum rekstri og lifðu hrunið af eiga flest hver gífurlegt tap til að mæta sköttum.  Einkahlutfélögin sem stofnuð voru um kúlulán stjórnmála- og bankamanna eru hvort því sem er komin í þrot og skuldirnar verða afskrifaðar samkvæmt uppskrift frá félagsmálaráðuneytinu.

 

Það má svo spyrja sig í ljósi þess að fyrirhugað er að hækka fjármagnstekjuskatt í 18% um næstu áramót, hvort það ætti ekki að lækka tekjuskatt á einkahlutafélög?

 

Sá sem starfar já eigin ehf fyrirtæki greiðir væntanlega 37-46% tekjuskatt samkvæmt reiknuðu endurgjaldi af viðmiðunartekjum sem fylgja meðaltekjum á vinnumarkaði.  Einkahlutafélagið greiðir 18% af hagnaði og ef eigandi tekur út arð ber honum að greiða 18% fjármagnstekjuskatt til viðbótar allt gerir þetta samtals 36% sem er sama hlutfall og tekjuskattur.  Skiptir þá ekki máli hvort um lágt reiknað endurgjald er aða ræða eins og t.d. hjá iðnaðarmanni sem starfar við eigið fyrirtæki, hann lendir í raun með allan arðinn í fullum tekjuskatti.

 

Boðaðar skattkerfisbreytingar eru óskiljanlegar ef það á að nýta sjálfsbjargarviðleitni og frumkvæði einstaklinganna við endurreisn efnahagslífsins.  Það er hreinlega verið að ýta fólki á ríkisjötuna. 

Hluti arðgreiðslna skattlagður

Athugasemdir

[Örvar Már Marteinsson, 29.11.2009 kl. 01:25]

Þetta er nákvæmlega það sem ég hefði viljað sagt hafa. Ég vona að sem flestir lesi þetta því rangfærslurnar eru svo miklar.

Um ríkisjötuna. Það sagði mér kunningi minn fyrir mánuði síðan að sér sýndist ríkisstjórnin vera markvisst að stilla almenningi upp í röð, biðröð eftir matarmiðum ríkisins. Alla skal gera háða ríkinu!

[Magnús Sigurðsson, 29.11.2009 kl. 10:02]

Örvar;  þakka þér fyrir innlitið.  Sammála þér það er eins og ríkisstjórnin ætli að stilla upp í röð að ríkisjötunni. 

Allar skattabreytingar hafa miðað að því að letja launþega og fyrirtæki.  Þar má m.a. benda á vaxtarbroddinn, ferðaþjónustuna, í stað þess að taka auknar skatttekjur í gegnum veltuaukningu þá eru Ísland gert dýrt fyrir ferðamanninn með stór auknum sköttum.

Þessi skattastefna er blindgata, svipuð og þegar fyrtæki ætla að laga fjárhaginn með því að beita viðskiptavinina okri.

Hækkaðir skattar s.s. þrepaskiptur tekjuskattur er eitthvað sem búast má við þessar aðstæður.  En skattlagning sem drepur niður frumkvæði, samkeppnishæfni og stórhækkar verðlag, þannig að vísitöluhækkun skulda almennings ætlar engan endi að taka eru algerlega óásættanlegar.