Að þora.

 

Það þarf kjark og einbeitingu til að fara út fyrir rammann.  Margir hugsa út fyrir hann en þeir eru færri sem láta verða af því að yfirgefa hið þekkta í leit af sjálfum sér í því ókunna.  Ég er einn af þeim sem læt mig dreyma um að yfirgefa rammann en læt yfirleitt tilhugsunina eina nægja.  Fyrirmyndirnar eru samt nálægar og að einhverju leiti tel ég mig fá innsýn í gegnum þær.

 

Bróðir minn sem er verkfræðingur er einn þeirra sem mér standa nær sem hefur haft þor til að láta hjartað ráða og leita á vit hins óþekkta.  Hann yfirgaf sitt fyrra líf fyrir tveimur árum síðan, fluttist til Brighton til að kynna sér Búdda fræði og er nú Búddamunkur.  Hann ætlar að heimsækja mig um áramótin og dvelja um tíma.  Ég hugsa mér gott til endurfundanna kynna mér það sem hann hefur orðið áskynja í gegnum sína reynslu.

 

Vinur minn sem hefur búið í Ástralíu í 26 ár lét verða af því í nóvember að fara í 37 daga gönguferð einn síns liðs.  Gekk frá Perth í V-Ástralíu til Albany í suðri, í gegnum óbyggðir. Við höfðum stundum talað um það hvað það hlyti að vera meiriháttar reynsla að fara einn út í eyðimörkina á svipaðan hátt og Kristur gerði. Vinur minn lét verða af því og hefur sagt mér frá því hvernig hann upplifði fréttaleysið í óbyggðunum, hvernig heimurinn er allt annar frá því sjónarhorni.

 

Draumurinn, óskin, bænin, eða hvaða orð sem við veljum að nota, verður til í huganum og við náum eins langt og hugurinn sér.  Besta staðfestingin fyrir því að hugurinn efist ekki er þegar tilfinningarnar eru í samræmi við hugann.  Um leið og bilinu er lokað sem er á milli hugsana og tilfinninga er orðin til samhljómur hugar og hjarta sem tengir okkur við alheiminn.  Þá höfum við öðlast það sem okkur dreymir um.   Þetta er ekki spurning um tíma þetta er aðeins spurningin um að loka því tilfinningalega bili sem er á milli hugsana og vellíðunar.

 

Lífið er í raun draumur og við ímyndun eigin hugsanna.  Það sem við fáum út úr lífinu er eigin spegilmynd.  Bænin hefur  rætst um leið og við höfum beðið hennar, verum því meðvituð um hvers við biðjum.

 

Mig langar til að vekja athygli á Gregg Braden og kenningum hans um hvernig við tengjumst öllu í heiminum.  Ábendinguna um Gregg Barden fékk ég hjá vini mínum í Ástralíu sem hefur gefið mér margar ábendingar um áhugavert efni í gegnum tíðina.  Gregg Braden kemur inn á það m.a. hvers vegna óskir, draumar og bænir hafa tilhneigingu til að rætast.  Hvernig þau skilaboð sem við sendum frá okkur eru það sem við fáum til baka.  Þetta er s.s. auðsjáanlegt ef við sýnum óvinsamlega hegðun þá fáum við óvinsemd til baka.  En þetta nær mun lengra þetta hefst með geðshræringunni, tilfinningunni og svo hugsuninni sem við notum til að ná einbeitingu.  Því er svo mikilvægt að hugsunin sé jákvæð og að við upplifum væntingarnar með góðri tilfinningu. 

http://www.youtube.com/watch?v=6nKSq2tV1kE&feature=player_embedded#

Athugasemdir

[Darri Rafn Hólmarsson (IP-tala skráð) 2.1.2010 kl. 02:28]

Langar afskaplega að finna bækur eftir Gregg Braden hér á landi, t.d. The God Code og fleiri!

[Magnús Sigurðsson, 2.1.2010 kl. 12:53]

Sæll Darri, er ekki www.amazon.com málið.

The God Code by Gregg Braden (Paperback - Jan 1, 2005)

Buy new: $14.95 $10.17

37 newfrom $7.95

30 usedfrom $3.87

Get it by Monday, Jan 4if you order in the next 8 hoursand choose one-day shipping.

Eligible for FREESuper Saver Shipping.

Ég kaupi stundum bækur á amazon.  Það bætist lítilsháttar sendingakostnaður við uppgefna verðið, samt sem áður er verðið um 50-70% lægra en algengt verð á bókum hérlendis.  Þessi kaup hafa verið mjög einföld og biðtíminn er 4 -10 dagar.