Bláar myndir á sunnudagskvöldi.

Þegar fábjánar fá frábærar hugmyndir.

Hvað hefur breyst frá því 1980.  Þá þurfti heimili þak yfir höfuð heimilismeðlima, flest höfðu þau yfir bíl að ráða, sjónvarpi og síma.  Það dugði jafnvel heimilinu að hafa eina fyrirvinnu.

Ætli það sé tölvan sem nú hefur bæst við sem gerir það að fábjánarnir þykjast ekki fatta af hverju skuldirnar fara stighækkandi þó svo að fyrirvinnurnar séu orðnar tvær fyrir heimili og flestar krónur fari í að greiða af húsinu og bílnum?

Hið rétta er að tekjur sem hlutfall af skuldum hafa farið stig lækkandi frá 1980 svo nemur fleiri hundruð prósentum. 

Afnemið verðtrygginguna sem komið var á af stærstu skipulegu glæpasamtökum lýðveldisins fyrir rúmum þremur áratugum síðan, eða reiknið  hana á tekjur heimilanna frá þeim tíma sem hún var afnumin af launum og þið munið komast að því að skuldir heimilanna eru hverfandi. 

Gammarnir geta þá huggað sig við að heimilin verða vel í stakk búin til að takast við áföll þegar þeir þramma með fólk og fyrirtæki fram af næsta hengiflugi í fávisku sinni.

Skuldirnar margfaldast

Trúleg vísindi.

Við viljum vera upplýst um viðburði heimsins en erum fóðruð á áróðri.   Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins. 

Þú hófst lífsgæðakapphlaupið vegna þess að annar möguleiki var akki augljós.  Við erum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Þú ert kannski óánægður með stöðu þína en er þá sagt "að lifa ekki um efni fram".  Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt.

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   

En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eða eins og Bill Hicks sagði; "Þú ert ímyndun þín sjálfs". 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur.

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki.

 

Ægishjálmur - lengra að kominn en Goðin og Darwin æðstiprestur.

 

Fyrir nokkrum mánuðum barst mér sérkennileg sending hingað á 69°N.  þetta voru tveir píramídar hlaðnir dularfullri orku komnir alla leið úr heimsálfunni "down under".  Frá þessu greindi ég í bloggi "Organite og orkuflögur" stuttu eftir að þeir bárust.  Það sem síðan hefur gerst er um margt merkilegt og mörgu varla hægt að segja frá nema eiga það á hættu að vera talinn snarruglaður.  En þær leiðbeiningar fylgdu svo sem þessum organite píramídum að þeir gögnuðust þeim betur sem væru ekki alveg samkvæmt norminu.

Píramídarnir hafa vísað mér á undarlega heima þar sem ýmislegt kynngimagnað hefur átt sér stað.  Fyrir það fyrsta þá birtist hér fluga sama dag og þeir voru teknir úr umbúðunum.  Flugan sú hnitaði hringi í kringum þá á stofuborðinu en virtist auk þess eiga mikið erindi við okkur Matthildi mína með suði sínu, sem var þá hérna hjá mér í norðurhjara sólinni.  Jafnvel eftir að henni hafði verið vísað kurteislega út um stofugluggann og lokuð úti um tíma, þá kom hún inn með hálfu stærra erindi en áður þegar glugginn var opnaður næst. 

Eftir að Matthildur yfirgaf 69°N snemma í ágúst hélt flugan sig enn innandyra, hafði orðið sér úti um herbergi í hinum stafninum á risinu, en kom annað slagið út úr því til að spjalla og lét sig aldrei vanta ef ég var að bauka í eldhúsinu. Einu sinni heimsótti ég hana í herbergið sitt, opnaði gluggann eldsnöggt tókst að koma henni út og loka.  Þegar ég var svo á leiðinni eftir ganginum inn í stofu sem er í hinum stafninum fékk ég það á tilfinninguna að ég myndi mæta henni, þar sem ég var með opinn stofugluggann.  Það passaði hún var þegar komin inn og þusaðist með suði og vængjaslætti eftir endilöngu ganginum inn í sitt herbergi. 

Á þessum tíma fór ég í fjögurra daga vinnuúthöld norður í nes Finnanna.  Þó svo að ég hafi verið frekar ógestrisin við fluguna þá brást það ekki að hún fylgdi mér niður að útidyrunum til að kveðja  á mánudagsmorgnum og tók mér fagnandi á móti á fimmtudagskvöldum.  Þetta gerðist í tvær vikur en eftir það hvarf hún.  Sérfræðingar segja, en þess má finna stað einhverstaðar í sérfræðikverinu sem hefur hlotið löggildingu í fávisku fabrikkum ríkisins, að meðalaldur húsflugu sé sex vikur sem gæti hugsanlega skýrt hvarf hennar úr mínum híbýlum og jafnvel þessum heimi.

Einnig fékk ég um þær mundir sterkt hugboð að setja  fram hér á síðunni bloggið "Huliðsheimar og galdrastafir"  um ægishjálm, það væru tengsl á milli hans, píramídana og flugunnar.  Þetta blogg virtist kannski vera sett fram í hálfkæringi, en þegar ægishjálmur er annars vegar er betra að vera ekki með neinn hálfkæring.  Þetta var gert til að fiska upplýsingar um töfratáknið sem mér hefur verð hugleikið í gegnum tíðina og fannst lítið vera til um á alheimsnetinu.  Þetta blogg virtist kannski ekki skilaði miklu, en þó vísbendingu sem ég hef fylgt eftir og ætla m.a. að segja frá hérna á síðunni.  Að vísu er fyrirboðinn ekki hagstæður því þegar ég ætlaði að koma þessu frá s.l. fimmtudag læsti tölvan mig úti og það lengur en ég fluguna, kemst því ekki með nokkru móti í upplýsingarnar sem hún hefur að geima um ægishjálminn.  Ég varð að draga fram gömlu tölvuna sem er sjö ára forngripur, er því með nokkhverskonar morstæki hérna í loftkeytaklefanum miðað við nýjustu samskiptagræjur í netheimum og þar að auki að notast við mitt stopula minni.

Á wikibedia (alfræðiriti almennings)  segir svo frá ægishjálmi; "Ægishjálmur er gamall íslenskur galdrastafur sem er til í fjölmörgum gerðum og útgáfum. Hans er getið í Eddukvæðum, Sigurður Fáfnisbani bar Ægishjálm þegar hann sigraði drekann Fáfni á Gnitaheiði. Ægishjálmurinn er öflugur varnarstafur, bæði gegn öllu illu og einnig örugg vörn gegn reiði og yfirgangi höfðingja. Honum fylgir svohljóðandi formáli:

Fjón þvæ ég af mér

fjanda minna

rán og reiði

ríkra manna.

Það mætti kannski ætla að beinast lægi við að komast að töfrum ægishjálmsins með því að skoða þær vísbendingar sem koma fram í wikipedia úr goðafræðinni.  Eins og þar kemur fram á Sigurður Fáfnisbani að hafa borið hjálminn þegar hann drap drekann Fáfni, fara þessar upplýsingar víða um í netheimum.  Þannig að ég varð mér úti um Völsunga sögu en þar segir m.a. frá þvi þegar Reginn egnir Sigurð "síðasta Völsunginn" Sigmundsson til að vega Fáfnir bróðir sinn til fjár.  En Fáfnir hafði sér það til saka unnið að hafa myrt Hreiðmar föður þeirra Regins til að komast yfir gull sem hálfjötuninn Loki hafði stolið af dvergnum Andvara til að bæta Hreiðmari sonarmissi þegar Loki drap son hans Otur (bróðir þeirra Regins og Fáfnis) af misgáningi þegar Loki var á ferð með Óðni æðstum goða við Andvarafoss.

Reginn setti saman sverðið Gram fyrir Sigurð,  nokkurskonar ættargrip sem hafði hrokkið í tvo hluta í lokaorrustu Völsunga.  Síðan hvetur hann Sigurð til að grafa sér holu við vatnsból Fáfnis og stinga hann með sverðinu þegar hann skríður yfir holuna á leið sinni til vatnsbólsins.  Allt gengur þetta eftir, en á eftir drepur Sigurður einnig Reginn með sverðinu Gram þar sem þeir sitja að sumbli við að drekka blóð Fáfnis, voru þeir ekki einhuga um hvor þeirra ætti að éta hjartað.  Þetta gerir hann til að þurfa ekki að deila með honum fjársjóð Fáfnis.  Verður ekki annað séð af Völsunga sögu en fjársjóður Fáfnis hafi haft ægishjálminn að geyma. Á samtali Sigurðar og Fáfnis á banabeði Fáfnis kemur m.a.fram;

Eftir að Fáfnir hafði fengið banasár spurði hann m.a: "Hver eggjaði þig þessa verks eða hví léstu að eggjast? Hafðir þú eigi frétt það hversu allt fólk er hrætt við mig og við minn ægishjálm? Hinn fráneygi sveinn, þú áttir föður snarpan."

Sigurður svarar: "Til þessa hvatti mig hinn harði hugur, og stoðaði til að gert yrði þessi hin sterka hönd og þetta hið snarpa sverð er nú kenndir þú. Og fár er gamall harður ef hann er í bernsku blautur."-----

Einnig segir Fáfnir: "Heiftyrði tekur þú hvetvetna því er eg mæli. En gull þetta mun þér að bana verða, er eg hefi átt."

Sigurður svarar: "Hver vill fé hafa allt til hins eina dags, en eitt sinn skal hver deyja." -------

Enn mælti Fáfnir: "Eg bar ægishjálm yfir öllu fólki síðan eg lá á arfi míns bróður. Og svo fnýsti eg eitri alla vega frá mér í brott að engi þorði að koma í nánd mér og engi vopn hræddist eg og aldrei fann eg svo margan mann fyrir mér að eg þættist eigi miklu sterkari, en allir voru hræddir við mig."

Sigurður mælti: "Sá ægishjálmur, er þú sagðir frá, gefur fáum sigur því að hver sá er með mörgum kemur má það finna eitthvert sinn að engi er einna hvatastur."

Fáfnir svarar: "Það ræð eg þér að þú takir hest þinn og ríðir á brott sem skjótast, því að það hendir oft að sá er banasár fær, hefnir sín sjálfur." 

Eftir að Sigurður hafði afhöfðað Reginn;  "etur hann suman hlut hjartans ormsins en sumt hirðir hann. Hleypur síðan á hest sinn og reið eftir slóð Fáfnis og til hans herbergis og fann að það var opið, og af járni hurðirnar allar og þar með allur dyraumbúningurinn og af járni allir stokkar í húsinu, og grafið í jörð niður. Sigurður fann þar stórmikið gull og sverðið Hrotta, og þar tók hann ægishjálm og gullbrynjuna og marga dýrgripi. Hann fann þar svo mikið gull að honum þótti von að eigi mundi meira bera tveir hestar eða þrír. Það gull tekur hann allt og ber í tvær kistur miklar, tekur nú í tauma hestinum Grana. Hesturinn vill nú eigi ganga og ekki tjár að keyra. Sigurður finnur nú hvað hesturinn vill. Hleypur hann á bak og lýstur hann sporum og rennur sjá hestur sem laus væri."

Síðar í sögunni kemur ægishjálmurinn aftur til tals þegar Sigurður leitar til Brynhildar örlaganornar sinnar til að gefa sér heilræði.  En þegar Sigurður kemur á hennar fund og vekur hana spyr hún; "hvað svo var máttugt er beit brynjuna "og brá mínum svefni. Eða mun hér kominn Sigurður Sigmundarson er hefir hjálm Fáfnis og hans bana í hendi?" 

Svo mörg voru þau orð um ægishjálm, fimm sinnum er hans getið og ekki með nokkru móti hægt að ráða í það hvernig hann kemur að gagni.  Vísbendingin sem sem var gefin um að Sigurður Fáfnisbani hafði borði ægishjálm þegar hann banaði Fáfni reyndust því ekki réttar samkvæmt Völsungasögu.  Ægishjálmurinn kemur ekki meira við sögu en fjársjóður Fáfnis er síður en svo til gæfu því hver harmleikurinn af öðru ríður þar röftum uns Svanhildur dóttir Sigurðar Fáfnisbana er að lokum drepin með því að hleypt er á hana hestum og líkur með því sögu Völsunga. 

En til hvers er þá ægishjálmurinn sem sagður er vera máttugur verndarstafur sem m.a. færði Sigurði sigurinn yfir Fáfni og hvaðan kemur hann?

Eftir að hafa lagst í rannsóknir í netheimum báru þær mig fljótlega út til stjarnanna.  Ef drekinn Fáfnir hafði ægishjálminn að geyma í sínum fjársjóði þá getur hann allt eins verið mun eldri en norræn goðafræði.  Þegar ægishjálmur er teiknaður kemur margt upp í hugann, hann hefur jafn fullkominn hlutföll og þegar dropinn gárar vatnsflötinn.  Hann minnir á vegvísi og til eru hugmyndir um að hann hafi vísað á hina ýmsu heima norrænnar goðafræði, sé jafnvel útgáfa af Yggdrasill (lífsins tré).  Einnig minnir hann hann á stjörnu sem hefur það umfram festar aðrar að hafa átta arma.  Og ekki síður minnir hann á kaungulóravef sem beinir athyglinni að miðju vefsins, getur því verið vegvísir inn á við til sjálfshjálpar líkt og vísan í formála ægishjálmsins gefur til kynna, "Fjón þvæ ég af mér fjanda minna,,," ofv..

 

Bláar myndir á sunnudagskvöldi.

Trúleg vísindi.

Veröldin sem við  lifum í lítur ákveðnum lögmálum.  Flest áttum við okkur ekki til fulls á hvernig þessi lögmál virka nákvæmlega, frá augnabliki til augnabliks. 

Hér skulu tilgreindar vísindalegar staðreyndir þessu til stuðnings.  Margir Nobels verðlaunahafar í eðlisfræði hafa sannað að hinn efnislegi heimur er einn hafsjór af orku sem leiftrar úr einum stað í annan á sekúndu broti.  Ekkert er óumbreytanlegt.  Þetta er heimur allsnægta og orku.  Það er sannað að hugmyndir sem við setjum saman og höldum staðfastlega í, mun þessi síbreytilegi orku heimur færa okkur efnislega. 

Hvers vegna sjáum við þá ekki þessa orku?

Við höfum 5 líkamleg skilningsvit til að skynja þessa orku (sjón, heyrn, snertiskin, lyktarskin, og bragðskin).  Hvert þessara skilningsvita ná yfir ákveðið svið(til að mynda er vitað að hundur heyrir annað tíðnisvið hljóðs en þú; snákur sér annarskonar birtu en þú o.s.f.v.).  Með öðrum orðum, skilningsvit þín skynja þetta haf orku frá takmörkuðu sjónarhorni sem býr til mynd út frá því.  Hún er hvorki endanleg né nákvæm, heldur aðeins ákveðin túlkun.

Hugsanir okkar eru einnig tengdar þessari orku og það eru þær ákvarða hvað þessi orka skapar.  Þetta skírir hvers vegna jákvæða hugsun, bænir, trú, sköpunargáfu, markmiðasettningu og margt fleira er okkur nauðsynleg.  Það sama getur átt við fátækt, sjúkdóma og einmanaleika. Hugsanir okkar bókstaflega ákvarða þann heim sem við lifum í efnislega. 

Orku eðlisfræðin sýnir þér að heimurinn er ekki þessi erfiði og óumbreytanlegi staður sem hann getur stundum virst vera.  Þess í stað er hann fljótandi staður sem stöðugt tekur breytingum eftir því hvernig við sem einstaklingar sjáum hann. Þannig geturðu séð að athugun þín og eftirtekt á einhverju, auk ásetnings getur orðið að ákveðnum tímasetjanlegum atburði.   

 

Zero point II - í þögn vísinda og fræða.

Umfang opinberana leyndamála er á áður fordæmalausum mælikvarða. Þar sem hin nýja heimsýn verður til innra með þér í stað þess að koma utanfrá. Mannkynið fjarlægist innrætingu kerfisins í átt að meðvitaðri sköpun eigin hugsana.Það sem er að gerast þessi misserin verður fyrirboði næstu tíu ára. Og það sem umbreytist innan næstu tíu ára verður grundvöllurinn fyrir árin þar á eftir.

Vertu undirbúinn fyrir stöðugar, fréttir kerfisins af ótal óværum. Gerðu jafnframt ráð fyrir frábærri tækni sem mun leysa vandamálin. Að ævintýralegar uppgötvanir komi fram sem munu gera fjöldann gapandi af undrun.  Vísindamenn eru nú þegar byrjaðir að rannsaka þátt hugans og mannlegra tilfinninga í tilurð sjúkdóma. Og vísindasamfélagið mun smátt og smátt samþykkja þessar staðreyndir.

Stjórnvöld munu hefja krossferð gegn internetinu með velferð ungs fólks að yfirskini. Tækni þróuð af tölvuhökkurum mun gera fólki kleyft af öllum þjóðernum að miðla upplýsingum án afskipta þeirra stjórnvalda sem reyna þöggun tjáningarfrelsisins. Blessun frjáls internets verður til að lyfta hulunni af barnaþrælkun og mansali þar sem hún viðgengst.

Samfélög eiga eftir að blómstra á þann hátt sem ekki hefur sést um nokkurt skeið. Þú munt greina síaukna vakningu fyrir hollum mat, án mengandi aukaefna. Fortíðin sem hefur haldið boðberum valdsins í guðatölu er að deyja.

Orkan mun streyma og vinna með þér við að ná markmiði drauma þinna og upplifa velgengni með vitneskunni um það hvers kröftug sýn hugsana þinna er megnug. Þannig að ef ættui að gefa þér ráð fyrir komandi ár, myndi það verða, búðu til öfluga framtíðarsýn í huganum.  Orkan mun streyma um hugann. Jafnvel þeir síðustu eru að koma út úr þokunni.  Ekki gefa dýrmæta hugarorku þína til villugjarnrar og hverfandi fortíðar.  Snúðu þér að sköpunarmættinum sem býr innra með þér. Lifðu í draumi þínum.

Bláar myndir á sunnudagskvöldi.

2012; eitthvað gengur á.

Reyndar fór vindhraðinn í minni gömlu heimasveit í 71 m/s við Hamarsfjörð um kl 23.00 01.11.2012 samkvæmd veðurathugun Veðurstofu Íslands. Eitthvað gengur á hjá náttúruöflunum, samt er það svo með mennina og náttúruhamfarir svipað og með fiskana og vatnið að þeir kippa sér litið upp við þær, mestalagi að þeirra sé minnst í einn eða tvo daga eða þar til þær næstu ríða yfir.

Fyrr i vikunni var það Sandy sem átti sviðið globalt. Í haust var það extreme snjókoma á afmörkuðu
svæði norðanlands sem sleit niður rafmagnslinur og drap sauðfé á nýju meti sem fór ekki framhjá nokkrum manni í fréttum á Íslandi en komst ekki i heimsfréttirnar. Ég var a Íslandi þegar rollurnar fengu að kenna á því í sumarlok svo rækilega að þær eru jafnvel ennþá á lífi undir fönn næstum tveimur mánuðum seinna. Þetta var auðvitað aðalumræðuefnið hjá þeim sem ég hitti, sem veðrið oftast er, samt voru þeir margir sem sögðu að þetta veður 10. September væri ekkert nýtt a landinu bláa þó svo að það hefði ekki gerst fyrr en 2012 á þessum árstíma.

Það hafa verið uppi margar kenningar um 2012, hvað þá muni gerast og eru náttúruhamfarir þá oft nefndar til sögunnar. Eins er tímatal Mayjana tiltekið sem dómsdags spádómur en 21.12.2012 endaði þeirra tímatal þó svo tilvera menningar þeirra hafi endað árhundruðum fyrr. Það sem er merkilegt við tímatal Mayjana er að þeir gerðu sér grein fyrir því að árið 2012 yrði sögulegt fyrir þær sakir að himintunglin lykju þann 21. Desember 26 þúsund ára hring og afstaða þeirra á þeim tímum myndi hafa áhrif á lífið a jörðinni.

Sérfræðingar segja samt sem áður að allt sé með felldu og eigi sér eðlilegar skýringar, enda segja prófgráðurnar þeirra í sérfræði ekkert annað því það væri þá um húmpúkk og hindurvitni að ræða. Það sem lítið hefur verið talað um í fréttum hvað þá að sérfræðingar hafi verið um það spurðir á þeim bænum, eru þær breytingar sem eru að verða a segulsviði jarðar. Það að t.d. norðurpóllinn hefur tekið á rás svo tugum kílómetra skiptir ár eftir ár. Þetta kann að vera ein af orsökunum fyrir því að jarðskjálftar, ofsaveður og önnur óáran er meira áberandi en áður samvæmt gömlum hindurvitnum en er ekki orð um að finna í sérfræðikverinu.

Sjálfur hef ég gert mér það til dundurs, eftir að ég hóf útlegð í öðru landi og hætti að horfa á sjónvarp, að fylgjast með því sem er að gerast hjá fuglunum í næstu fjöru. Mínar athuganir eru varla marktækar enda ekki með viðmið nema tvö sumur á þeim slóðum sem ég nú dvel, stopult minni og hvað þá að hafa sérfræðigráðu til að flagga en hef samt augu, eyru, myndavél, google og youtube til að styðjast við.

Á síðasta sumri gerði ég það til dundurs að fylgjast með kríuvarpi og varð hugfangin af enda rétt við útidyrnar. Svo hugfangin að ég docementaði það með myndavélinni, en myndir eru það næsta sem ég hef komist sérfræðirannsóknum. Þegar átti svo að endurtaka leikinn í sumar þá voru engar kríur sem létu sjá sig í varphólmanum. Mér þótti þetta svo stórmerkilegt að ég gerði mér ferð út í hólmann til að skoða skilti sem á stóð að stranglega bannað væri að vera þar á ferð því það gæti truflað kríuvarpið.

Seint í sumar ræddi ég þetta við hann Ívar sem hefur með tjaldstæðið hérna í Harstad að gera en kríuhólminn er svo að segja á tjaldstæðinu. Það höfðu hafist byggingarframkvæmdir á leiðinni út á tjaldstæðið um vorið svo ég spurði Ívar hvort þeim gæti verið um að kenna að kríurnar komu ekki þetta sumarið sem ég hafði heyrt að ekki hefði gerst í manna minnum. Reyndar bjóst ég við að Ívar jánkaði því þar sem ég hafði heyrt að hann væri mjög ósáttur við framkvæmdirnar í þessari náttúruperlu.

Það kom því á óvart þegar hann taldi svo ekki vera. Hvað veldur því þá fílósóferði ég; hann taldi þetta kannski hafa með fæði í sjónum að gera, hafði heyrt einhvern fræðing tala um það. Samt fannst honum það skrítið því að það hafði ekki verið í manna minnum eins mikið af lunda á Vågsfirðinum og hann var svo pakkfullur af síli að hann gat varla tekið sig á loft. Hvort siglingatæki kríunnar hafi eitthvað borið þær af leið á langri ferð sinn í varphólmann sinn þetta vorið er því enn hulin ráðgáta. En hérna má sjá hvernig þessi pardís leit út sumarið 2011.

http://www.youtube.com/watch?v=EtXaZoFuam8

Svo var það núna í október sem ég rambaði sem oftar niður í eina fjöruna og viti menn hún var þakin af marglittu sem virkuðu eins og bólugrafið framhald af haffletinum. Þær voru í hundarðatali í lítilli sandfjöru og streymdu að til að komast á land hver um aðra þvera. Það eina sem mér datt í hug að eitthvað hefði kompásinn ruglast því að sennilega hefðu þær ætlað að halda áfram inn Vågsfjorden sem lá réttu utan við tangann við sandfjöruna og kannski áfram suður Tjeldsund yfir í Vesfjorden. Það má tvíklikka á marglittu myndina á stikuni hérna til vinstri og neðar undir "nýjar myndir", til að stækka og fá hana í fullum gæðum.

Á youtube rakst ég svo á þetta video "2012, somthing is going on" sem eru mest part amatora video og úrklippur úr amerískum fréttum. Það var þá sem mér datt í hug að það væri svipað með mig og fiskinn sem tók ekki eftir vatninu því hann var á kafi í því.

Fór yfir 60 metra á sekúndu

Zero point - í þögn vísinda og fræða.

Margt mun koma fram af því sem falið er í fortíðinni vegna þess að stjórnvöld okkar tíma hafa ekki talið það þola dagsljósið , og hefur hingað til verið talið ótrúlegt, líkt og fljúgandi furðuhlutir og andaglas.

En sannleikurinn og samhengið mun með ótrúlegri orku sinni ná til alheimsins með síauknum hraða.

Það er vaxandi meðvitund á jörðinni fyrir því að margt er í raun ekki eins og það hefur verðið sagt vera, jafnvel virtist vera og svo hefur verið um langan tíma.

Fyrir mörg ykkar, verður þessi þáttur  til þess að þið segið;

" vissi ég ekki."